地產論壇
登入名稱
密碼
頁數:
茶餐廳亂話(103)做打工仔,條數千祈唔好計得太精
瀏覽人次:25656    回應:5

茶餐廳亂話(103)做打工仔,條數千祈唔好計得太精

 

湯文亮博士

紀惠集團行政總裁
2017年5月8日

  今早跑完步去到茶餐廳,老闆在忙完一輪之後搵我傾偈,話現在的後生仔實在太好,有咁多假期,如果在假期之間攞多兩三日假,隨時都可以自製一個超長假期,報紙都有教路,不過我認為報紙今次教路,其實是話俾班打工仔知道,條數唔好計得太精,因為,蝕底最終是那些經常自製長假期的人,因為公司主管在考慮升職加薪的時候,首先剔除的就是那些經常自製長假期的職員,甚至會在推薦信上寫上,持信的人辦事能力不錯,亦很聰明,美中不足的就是懂得自製長假期,一句說話,任何優點都被掩蓋,如果打工仔不明白,除非他們非常有能耐,否則,前途就不甚明朗。

  我相信不少打工仔不同意,他們會認為是有權取得法定年假,他們只不過是快人一步,取得在假期之間要返工的工作天,但是他們有沒有考慮到,點解可以輕易取得那些日子,管理層人員點解唔早他們一步取得那些日子,甚至同級的同事都唔攞那些日子,幾年之後,他們就會發覺,昔日同事變成他們的上司,老千教仔,便宜莫貪。

茶餐廳亂話(103)做打工仔,條數千祈唔好計得太精
1. 真真薯片
2017-05-08 10:41
其實關鍵係, 冇人做既野就唔好做, 人人都做既就唔怕做
2. 凝風
2017-05-08 11:44
唉~
博士~而家就業率高,各行各業人材短缺。
我同好多老闆食飯,都說睇見基層員工都無眼睇,無哂辦法,等班中層搞就算。
將D重要工作向上推,俾中層揹飛,中層就做死,中層精英頂唔住就離開,加人工都走。
很多公司人材流失問題很嚴重。
而家社會市場現象,好多公司成日缺人,但請人試完工又請佢走,佢又去其他公司好易搵到工。
就業率高下,一班無競爭力的人力資源,不停洗牌~

請假問題......都變得小事了~
3. 引刀一快
2017-05-08 13:26
大陸就相反,阿爺主動安排長假俾市民,等佢地出遊、回鄉都可以過足癮。
4. 長久粉絲
2017-05-08 21:37
不過我又咁諗,死做爛做,就算升埋職。對比起樓價,都係雞碎咁多。做得咁辛苦都係住鞋盒,做嚟做乜?
5. 樓上正能量
2017-05-09 00:43
人話買樓,咁心態都講買樓,仲係為數不少咁淡法唔會搭沉船,大善人畀個讚。
頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。