地產論壇
登入名稱
密碼
頁數:
多倫多樓市會不會爆煲(3)泡沫
瀏覽人次:28710    回應:8

多倫多樓市會不會爆煲(3)泡沫

 

湯文亮博士

紀惠集團行政總裁
2017年5月5日

  早兩日與加拿大舊同學聚會,講及多倫多按揭貸款公司要借貴利,如此類推,多倫多樓市呈現爆煲跡象,我以防萬一,文章不會在大型媒體發表,只在我個人fb及地產網上載,但舊同學來電,我的文章依然有很大迴響,叫我暫時唔好去多倫多,我都唔明白舊同學點解咁講,我超過三十年沒有去過多倫多,即使去紐約,也沒有順道前往,舊同學知道,莫非多倫多市民不願意接受現實,這點同香港部分業主一樣,不能夠接受樓價下跌的分析。

  舊同學話,多倫多絕大多數人話樓市沒有泡沫,樓宇交易並不頻繁,沒有我所說的靜態泡沫,按揭貸款公司的年利率是6.99%,絕對不能夠說是低息,不會產生我說的靜態泡沫,既然沒有泡沫,多倫多樓市又怎麼會出現危機,我危言聳聽而已。

  我並不反對我是危言聳聽,但動態泡沫,靜態泡沫只是概括而言,多倫多今次的是自我膨脹式泡沫,由於按揭貸款公司的放貸條件十分寬鬆,對審核借款人的還款能力亦不嚴謹,在高成數按揭之下,令到物業資產價格自我膨脹,上升速度令到按揭貸款公司亦甚為憂慮,以一個住宅物業為例,業主的叫價是100萬,最後以140萬賣出,新買家向按揭貸款公司申請75%按揭,即是按揭公司要批出一筆105萬貸款,比業主的叫價還要高,當樓市轉勢,按揭貸款公司就會遭受到重大損失,近日,幾間按揭貸款公司的股價都大幅下挫,相信是投資者意識到其危險性,舊同學聽到之後冇晒心機,不過,佢話好彩放了按揭貸款公司股票,我同佢講,事情並不是太壞,多倫多市政府已經出招,希望可以穩定樓市。

多倫多樓市會不會爆煲(3)泡沫
1. 引刀一快
2017-05-05 10:04
同香港差唔多啫,120%按揭都有喇,好多人認為係鐵泡嚟架,呵呵


2. 湯瑪斯
2017-05-05 10:29
「多倫多絕大多數人話樓市沒有泡沫」,香港都好似有好多人話香港樓市沒有泡沫。上文話「舊同學來電,我的文章依然有很大迴響,叫我暫時唔好去多倫多」,乜多倫多D華人咁惡!係香港,好似湯博士咁睇淡樓市最多俾人笑,但不致於唔敢出街也!
3. 引刀一快
2017-05-05 10:48
樓上兄台

淡友最多俾人話發窮惡啫,好友唔likey會叫人食“史”架。
4. AH-HO
2017-05-05 12:42
120%按揭只是卓頭。。真的可以申請用到的人,都是有實力的人。
5. Tony lam
2017-05-05 13:51
老湯  點衹多倫多唔會爆煲、全世界都唔會爆煲 !  點解 ?  ? ?
美國佬帶頭玩篤手指…QE囉、大佬篤開又篤…全世界咪鬥篤囉、好多人都試過塘水滾塘魚D賭局、篤開白頭片就玩大好多、其實D數都係張紙度、keep住張紙…下次再賭再計數、真金白銀找數 ? 大家咁老友、A欠B、B欠D、D欠C、A又欠C…一路對數啦!有賭未為輸…對得掂就…千日找數啦 !
6. 自我陶醉
2017-05-05 13:51
加國最大房貸公司Home Capital Group,上週股價單日跌6成以上,年初至今股價蒸發近8成,存款量亦在短時間內流失近7成,聽聞近期安排的廿億加幣信貸額, 首十億息口22.5%,後十億15%,相信情況會比想像中嚴峻,有機會成為房利美、房貸美的翻版。 

7. 真真薯片
2017-05-05 15:02
睇個勢多倫多似乎真係會爆, 可能秋天後股市會有一浪, 咁岩港銀跟加息, 港樓就需要調整, 可能跌返一成鬆d, 跌到明年第二季, 林鄭出黎勝利宣佈打壓樓市措施有效, 就會反彈
8. Bristol03
2017-05-08 04:23
我末見過租金升幅3至5成,大過樓價升幅2至3升會爆,仲未提加紙只係5.7  。爆春咩
頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。