地產論壇
登入名稱
密碼
頁數:
麥黃小珍收得平
瀏覽人次:18236    回應:6

麥黃小珍收得平

 

左丁山

2017年5月4日

  林鄭月娥選舉經費公開,其中一項係政治公關費用,掛名做林鄭頭牌公關顧問嘅係麥黃小珍,公關行業內一位知名人物,工作69天,收費32萬元,即是日薪4638元,貴定唔貴?估唔到葉劉淑儀替「妹妹」肉痛,批評麥黃小珍可能知道林太有能力籌款,想「鑿一筆」喎。

  林鄭都冇出聲,葉劉就出嚟摑麥黃小珍一巴,可見其人刻薄寡恩。喂,你葉劉開支經費披露,搵化粧師化粧扮靚,每次付費3000元,咁又貴唔貴呢?一次化粧要幾多時間?一小時還是要姿整啲,用兩小時?化粧師時薪就係千五到三千。做政治公關一日工作幾多個小時?據上一次2012年梁唐競選經驗,唐營公關講過俾左丁山聽,做特首競選公關,幾乎係一日24小時工作,平均每日睡覺時間只得五至六小時,如果收取時薪千五元至三千元(如葉劉嘅化粧師)嘅話,日薪應該係三萬至五萬元起碼,69天就是二百萬元以上,依家公關重量級人物麥黃小珍只收32萬,直情係大出血,乃念林鄭係佢港大同期同學之故,故此收費平到喊。
葉劉唔識公關行情,唔該咪亂噏,麥黃小珍如同其他公司客戶做顧問,每小時唔收費二千元就算佢冇料到。肯以低薪替林鄭辛苦69天,當係捱義氣及為CV增加亮點啫。

  麥黃小珍收嘅月薪18萬,係克己價錢,無可批評,至於林鄭嘅公關形象、民望及選舉公關功效不如曾俊華嘅團隊,係另一件事,可以講係羅永聰一班新生代砌贏一班近乎退休年齡嘅公關大哥大姐而已。左丁山唔記得有冇見過麥黃小珍,但從葉劉淑儀之無的放矢就聯想到香港有好多人誤會公關行業,以為公關唔應該收錢。香港好多大機構做重大決策時,往往視過程為機密,只有董事會及法律顧問知道其詳,到政策公佈後,如受到公眾惡評,網上惡搞,先至慌忙推公關出台擋箭,做傷害控制(damage control),搞唔掂就搵公關人員做代罪羔羊,其實香港嘅有牌顧問(律師)聲音最大,吩咐董事長、公關人員在出事後,呢樣唔講得,嗰樣有法律後果,於是公關被逼變成啞吧,俾傳媒鬧多幾錢!律師收嘅費用高過公關顧問好多,躲在後面被鬧最少,可憐低薪無牌專業公關顧問要在前面捱箭,呢個世界係幾唔公道㗎。但政府及商界有太多葉劉淑儀呢種得把口之人,莫奈何。

麥黃小珍收得平
1. 十郎
2017-05-04 22:41


      咁樣,你現在是否向葉劉放箭呀?

2. 十郎
2017-05-05 08:18


      閱畢文章,感覺閣下亦正在向別人放箭,頂多五十步笑百步而矣。

3. Johann
2017-05-05 11:17
時薪跟日薪唔同 , 日薪跟月薪又唔同 , 月薪跟短期合約又另一個價嗰喎 ? 點可以用時薪計算法合併成月薪計架 ? 乜銀行家咁計數法都有既 ? 公關價值唔在於每日付出幾多時間 , 係佢既意見值唔值錢啫 !
4. Auyang
2017-05-05 13:04
呢位雞腸大佬分析很得中肯。立見高低了!
5. 林鄭
2017-05-05 13:13
冇時間分析這位阿嬏建議, 結局是俾500蚊蝗蟲乞兒咁撚仆街,"物非所值"......貼錢買難受

都喺亞聰邏輯力強百倍
6. 向飯民說不
2017-05-05 14:54
5楼,你对中国人的仇恨,好像是杀了你父亲,还要老强你母。

毒煤洗脑真系可怕。70年代的武侠小说,最大的仇恨,就是杀父之仇,现在黄C对中国人的仇恨已经超过杀父之仇,应该仲要加埋老强他老母。
頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。