地產論壇
登入名稱
密碼
頁數:
茶餐廳亂話(97)國內樓市有沒有泡沫
瀏覽人次:25041    回應:8

茶餐廳亂話(97)國內樓市有沒有泡沫

 

湯文亮博士

紀惠集團行政總裁
2017年4月29日

  今早天氣甚佳,稍涼,最適合做運動,我跑完步去到茶餐廳,老闆話有人搵我,他已經問搵我為了什麼事,那人是一間出版社編輯,想搵我替一份月刋寫文章,在大家見面之後,我推卻了那人的邀請,理由很簡單,因為月刋文章是比較有學術性,並不似得報章,週刊,或者網文,見到即發新聞,都可以即時發表意見,而且我的文章學術性不足,放在月刋沒有多大吸引力,編輯同意,飲完咖啡就走了。

  那人走了之後,老闆問我,點解唔話俾那人知道,你已經接受了一本國內月刋雜誌邀請,定期出一篇講國內地產文章,我話本來打算接受邀請,只要那位編輯話我的文章有足夠學術性,誰不知我話學術性不足,他立刻打退堂鼓,我相信並不是那位編輯想搵我,而是他的老闆想搵我,現在,他回去可以交差,話我自認學術性不足,沒有誠意的邀請,我點會睇唔出,老闆問我國內文章會不會在香港轉載,我話唔知道,因為國內出版社買斷了版權,幾多錢就不方便透露,老闆死心不息再問題目可不可以透露,我相信可以,第一篇,國內樓市有沒有泡沫。

茶餐廳亂話(97)國內樓市有沒有泡沫
1. 自我陶醉
2017-04-29 12:31
這樣的印鈔量,到處都是泡沫,現在還沒有泡沫的地區/國家,就不用投資了。泡沫是一定會爆的,無須懷疑,要押注只能找個漲得快,復元能力高的泡沫,也要控制注碼,別無他法。
2. 打工仔 Andy
2017-04-29 12:50
有時有少少泡沫先有飯食, 好似飲咖啡一樣!
不過, 我同意自醉兄講法, 有道理 !
3. 阿豬
2017-04-29 14:27
以博士身份地位
又何需每天費神出文?
博士筆耕不輟
是我這小市民的福氣
4. 引刀一快
2017-04-30 05:40
好驚呀好驚呀,如果大陸出現一次“細價樓爆煲論”社會現象,可能會暴亂。

湯先生影響力由南至北擴展,今後地產網都會有好多大陸嘅讀者與辯者加入,越來越好玩。
5. 真真薯片
2017-04-30 12:07
在下建議博士評論內地樓市要小心, 記得以前有一排, 係大陸睇淡股市係犯法嫁
6. Tony lam
2017-04-30 12:20
真哥    大陸睇淡犯法  ?  ? ? 即係比買唔比賣啦!  幾時…有冇實例 ? ? ?  咪成日hearsay啦!

造謠…發佈假消息…全世界都拉㗎!知唔知…香港股市發佈假消息都有刑責㗎?睇淡…造謠…攪錯咗概念嘞!
7. 真真薯片
2017-04-30 12:56
http://hk.on.cc/cn/bkn/cnt/news/20160127/mobile/bkncn-20160127122208496-0127_05011_001.html

林生, 發布睇淡評論算唔算發布假消息? 算唔算“妄議”?你認為如果阿爺唔準睇淡, 而你走去發表睇淡言論, 阿爺會有心機聽解釋睇下你係咪有真憑實據去支持, 有既話就唔算妄議, 冇先至算係發放假消息, 定還是你一講個跌字就已經係妄議, 拉得?
8. Tony lam
2017-04-30 13:18
真  係唔明你想噏乜、大陸咁多股評人…拉咗邊位呢?妄議係講股市咩?攪清楚先啦!





頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。