地產論壇
登入名稱
密碼
頁數:
茶餐廳亂話(92)慎防1+1=0
瀏覽人次:24970    回應:10

茶餐廳亂話(92)慎防1+1=0

 

湯文亮博士

紀惠集團行政總裁
2017年4月19日

  跑完步去到茶餐廳,老闆同我講,有一個熟客打算加按自住單位,幫助他的兒子買樓,而老闆話,那個熟客還有三五年就要退休,現在的薪酬與工作量不對稱,不過,他的波士念舊,沒有將他辭退,如果由他的波士兒子接手管理,他是否能夠保住份工都是一個疑問,老闆覺得很危險,問我有何良策可以說服那位熟客,我話良策就沒有,方程式就有一條,不過一定說服唔到那位熟客,叫老闆即管盡吓人事,方程式就是1+1=0。

  較早前摩根大通發出警告,提醒那些做父母的人,千祈唔好輕率將唯一自住單位加按來幫助他們的兒女置業,因為如果樓市轉勢,就會遭受到雙重損失,又如果任何一方失去工作的話,隨時要賣走其中一個單位,剛買入的受SSD所限制,唯有要將老家出售,父母就要租樓住,如果情況繼續惡化,兒女對於每月供款感覺到壓力,他們待SSD期滿,便會立刻賣走新單位,結果是本來打算加按多買一個單位,結果兩個單位都沒有了,老闆如實同那位熟客講,誰不知那位熟客話老闆杞人憂天,樓市點會跌,如果樓市有機會下跌,現在又點會咁多人買樓,老闆語塞,我知道之後同老闆講,盡人事而已,何必放在心上。

茶餐廳亂話(92)慎防1+1=0
1. Tony lam
2017-04-19 09:10
早前講過…QE最後係將你嘅銀両扯光、物理性脫水、老湯就演繹操作過程嘞、起咗孖寶…望過三關…越叠越過癮…唔記得起身…結果…各自修行…
2. Tony lam
2017-04-19 09:52
老表大地商有D騎上虎背嘅現象、呢頭比成分息貴利拆散籌旗…果頭高價…高調咁回購股份、咁打耳嘅玩法…為乜 ?  貴利以股票照保 ? 扯高股價就再托易話為 ? 跌就大大活 ?
3. 真真薯片
2017-04-19 11:14
如果再升咪1+1=3

如果其中一層樓供款出問題, 阿仔可以搬返舊樓, 父子兩份工+新樓放租, 三份收入一齊供, 問題係舊樓按幾多出黎, 如果按一兩百, 應該ok既. 如果舊樓按3, 4百, 新樓又3, 4百, 仲要係樓花冇租收, 就係咁先
4. 自我陶醉
2017-04-19 11:22
唔怕你精,唔怕你呆,最怕你唔來。
5. 秋水
2017-04-19 13:19
表面上個個層樓都係按4-5成,但到啲父母過幾年退休,其實計埋條數咪又係周街做九成或全按揭,呢啲個案其實唔少,銀行唔出聲,政府睇落條數又反映唔到,大家隻眼開隻閉,繼續唱按揭唔高,樓市無得跌咪皆大歡喜
6. CD ROM
2017-04-19 13:24
很奇怪, 我發現原來真係好多人, 會因為其他人都在做這件事, 而作為主要原因去讓自己也做同一件事.................
7. 熊大
2017-04-19 14:06
9成9死硬,害死父母。
8. 熊大
2017-04-19 14:06
9成9死硬,害死父母。
10. Bos Fan
2017-04-19 21:09
1+1=0 
1+1=1 
1+1=2 
1+1=3
以上都有機會,各自修行好自為之。
11. 路過的人
2017-04-23 22:36
只要失業率唔升,樓價是唔會跌。97年的政府同私人公司對員工的strategy 同現在完全唔同。
頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。