61.
CD ROM |
|
2017-04-19 15:19 |
|
littlemun 兄, 我本指本地父母jel, 隨著本身收入提升加上早年上車後自住樓既升幅, 有仔女既都有向呢3個number搬過去喇.
所以我認為將大陸屋看成自用本身係有好多既難度, 小孩上學已是一大課題.
|
|
|
47樓引兄,
你話香港人外移,年青人定上咗年紀先?年青人一般要揾食,除咗極少量好似我哋d外派職位否則都要每日回香港上班。廣州非核心二線位係平一d但會唔會遠呢?住深圳珠海(橋通了)香港返工就有d機會。但總價不會平。另外請教下廣州邊度有10000以下? 白雲?開發區都唔止啦。上咗年紀要真係完全無病冇痛,上係住幾年可以,但上面始終醫療係冇咁令人放心。其實我想令大家明白,大陸樓已經真係唔平(利申:我都仲有間屋仔係廣州)對比香港. 除非你話買間係3線位東莞,惠州,中山,順德純住,唔駛返工先有機會享受所謂低廉的消費水平。
|
|
63.
引刀一快 |
|
2017-04-20 09:01 |
|
Jon兄
廣州依家N個區,番禺區係廣州新住宅中心,一萬上下一方米嘅,大把喇。而且車程近過廣州中心城區好多,南沙就坐船快,若果係要廣州幾個舊中心城區的話,一樣有兩萬幾嘅,但係我認為冇必要,因為其他地方基本上全部通地鐵。
白雲區就唔推薦喇,除咗機場路、五號停機坪、萬達之外,大部分地方都雜到唔恨。
香港都進入人口老化期,老人返大陸住,後生嘅自然多咗地方,好多唔等駛雜物可以放喺大陸,住劏房嘅亦可以買大陸屋上車,孭幾十萬按揭好過孭三四百萬,間屋亦大一截。
至於醫療,好多人係睇小咗大陸,尤其是廣州,我唔覺得好過香港,但係有好多嘢好獨到,而且醫藥分家,越來越規範。再者,唔係急救的話,坐車返香港絕對係越來越方便。
既然Jon兄貼地產link,你應該睇到樓價跨度係非常大,睇餸食飯,各適其適。
|
|
64.
引刀一快 |
|
2017-04-20 09:47 |
|
|
65.
littlemun |
|
2017-04-20 10:14 |
|
同意CD ROM 兄, 有仔女既心態同冇既係好唔同. 學刀兄買大陸屋養貓都仲可以,但要我搬返大陸住係冇可能,成條根在香港點搬! 至於刀兄話坐車返香港好方便,如果每星期只返一轉係可以接受既, 但如果每日來回咁坐法我寧願住香港劏房喇!
|
|
66.
引刀一快 |
|
2017-04-20 10:24 |
|
CD ROM兄
大陸屋對唔同嘅人,有唔同嘅意義同作用,但係對於香港人嚟講,最大共通問題係有一D固有觀念未理順,如果諗住出租,就真係麻麻,但係作為生活質量上嘅補充,效果絕對超出一般人想象,我下個月得閒D就裝魚缸,兩米缸兩個。
好多人話香港係福地,你長期跑大陸,應該好清楚大陸有好多嘢香港係冇嘅,香港人可以隨意地同時享受兩地嘅好處,呢點先係香港有福之處。
細路讀書係問題,不過,我都讀咗咁多年喇,仲係九十年代添。
|
|
|
刀兄, 你話萬幾兩萬番禺就有嘅。但如果年紀大心態上都想多見親人朋友而唔會想到老「被放逐」到咁遠,除非有老朋友係嗰邊。醫療配套亦唔夠,等佢改善我諗要多10年8年。我有次係廣州哽魚骨上去睇急症,個醫生係櫃攞支夾消毒都唔消毒就放入我口。攞咗條骨出唻個靚女護士問我有冇舒服d,我感覺好似將我初夜比咗佢咁,一世都記得!
|
|
68.
引刀一快 |
|
2017-04-20 14:48 |
|
Jon兄
如果番禺區都叫做“被放逐”,咁住屯門叫做咩先?廣州以越秀、天河為中心,天河去番禺快過入芳村,依家珠三角地鐵網同公路網咁發達,基本上處處路通人通。
你可以睇睇地鐵人流最大係邊條線,十年八年前就已經將番禺設定為廣州新嘅住宅中心,早早睇通諗通嘅人最賺,因為當時番禺好多樓都係兩百零蚊一呎,兩千一方。
講到醫療,總體嚟講當然比唔上香港,但係喺廣州睇跌打骨科、中醫、皮防所,佢地有好多獨門嘢,而且平過香港好xyz多,香港人住大陸,就係要享受兩地各有優點,邊度好就用邊度嘅,就係咁簡單。
順便問一下,你見醫生冇消毒就放支鑷子入你口,咁佢係咪冇消毒就放番入櫃呢?呢個先係重點,因為,如果見到你先嚟消毒,咁先至有問題呀。
|
|
69.
引刀一快 |
|
2017-04-20 15:57 |
|
|
|
引刀兄
我用被放逐是以香港為中心劃圈,臨老要上大陸住,冇人冇物,我相信大部份香港人都寧願㨂屯門。
講番支拑,佢係櫃攞出唻嗰陣下面係墊咗條毛巾,唔好問我條毛巾有冇消毒。總知係一堆夾呀拑呀放一齊完全沒有密封或包裝。不过廣州中醫藥D傳統嘢係幾好。
|
|
71.
歷史長河 |
|
2017-04-20 17:46 |
|
Jon 兄,失去初夜係咩感覺?好痛苦嗎?一起研究 刀兄,皮防所是什麼東東?一起交流
|
|
72.
引刀一快 |
|
2017-04-20 19:47 |
|
Jon兄
到底去咗邊間醫院?等我入BBS唱下先。
至於喜歡屯門還是大陸,要考慮好多前提條件,依家嘅情況係,好多人唔夠條件或者唔夠膽喺屯門買屋,但係大陸可以諗諗。亦有人需要擴闊生活空間,而大陸屋嘅消費可以負擔得起,諸如此類,就係市場。
|
|
73.
引刀一快 |
|
2017-04-20 19:51 |
|
長河san
皮防所全名為“包皮防止過長所”,正是引刀成一快,不負少年頭啊!
|
|
74.
歷史長河 |
|
2017-04-20 20:12 |
|
|
|
長河兄,
還記得大概10年前左右我仲係上海,公司後面有間食小籠包嘅,有次同兩個女同事去食,佢哋叫咗又唔食,我又剛到上海不久覺得又平又好食,一人食咗28-30隻,個肚痛咗一個星期我都堅持唔入院。我嗰陣第一次入大陸醫院一入門口見到「輸液室」,成二三十個人坐係d類似按摩椅度一排排旁邊吊住包嘢,個個面色倉白咁款,我即刻掉頭走!之後我請了一星期假日日抱住個暖水袋係度呻吟,完全食唔到嘢!飲水都唔得,一飲就脹。痛苦咗個幾星期就好咗。就咁我守住了第一次。。。
但次廣州哽骨就冇咁好采,我叫老婆幫手夾出嚟,支骨越推越入,我又飲醋又剩都唔得,搞到3点入急症,咁就冇咗第一次!仲承惠80蚊。。。我最記得個靚女護士問我舒服d未。^_^ 一個人係外地年青還可以,老咗就可能唔係幾好啦。
引刀兄, 我去嘅係中山三院,靠崗頂。
|
|
76.
引刀一快 |
|
2017-04-20 21:16 |
|
長河san不妨去廣州皮防所幫襯下,咁就唔駛咁長河喇。
|
|
77.
引刀一快 |
|
2017-04-21 06:58 |
|
Jon兄
三院係專醫肝病,肝臟移植係廣東第一,你都唔駛咁驚嘅,最慘係你恐慌之下,冇留意佢用完點處理把鑷子。
睇嚟,你都係廣州女婿。
|
|
78.
歷史長河 |
|
2017-04-21 08:52 |
|
Jon 兄,有趣有趣。
上海的經歷應該屬於淡友比較喜歡的滯脹現象。而廣州的情況用初夜來做比則唔係好合理,不知浪子兄點睇?大家一起研究⋯⋯
|
|
79.
歷史長河 |
|
2017-04-22 10:01 |
|
香港樓市有沒有泡沫,好難講,因為泡沬總是在爆破之後才知道。不過網上流傳這樣一個段子,或許可以給予一定的啓示:
中國出了一道可以問鼎諾貝爾經濟學獎的課題:近半上市公司利潤不夠買京滬深一套豪宅,但賣掉1%的股份就夠買幾套了,請論證樓市、股市哪個泡沫更大?
|
|
|
泡沫肯定有,不能用量度的方法,只能用聽的方法才可知道。
沒有泡沫的經濟可能係死水一潭,沒有泡沫的樓市冇人會關心。
|
|