地產論壇
登入名稱
密碼
41. 歷史長河
2017-04-18 21:25
浪子兄,租樓住不可以嗎?
42. 浪子心聲
2017-04-18 21:33
如果要用租樓解決中產住屋問題,就要實行租管,保護他們的租住權,我相信你又不同意喇?
43. 歷史長河
2017-04-18 22:46
浪子兄,到依家仲在講租管,很遺憾,你應該未睇明在下本篇文章。湯博士也評論過租管為「未見其利,先見其害」,可能你也不明。租管是雙輸,無人得益。這也正是為何我在另一篇文中稱其為「無腦租管

刀兄,廣州有租管嗎?你點睇?
44. Jon
2017-04-18 23:15
引刀兄,

你講得啱,係好多香港人上大陸居住,但內地現在已經唔平, 除非二三四線東莞,中山,但有幾多香港人真係會揀, 珠海新樓都40000-50000 (4-5球人仔)?揀都揀一線啦!一線講緊二手都70000-80000(市中心計),咁仲有乜誘因上去住?而生活成本又唔平。而一般好似我哋d上咗去一段時間嘅香港人,總會想係香港買返層留返層,留返條根。好多港男十年八年前係深圳幾十個買咗間屋仔用來包個阿二,而家升咗幾倍,年紀大需要少咗,見層樓又舊又漏水,繼而沽出買港樓,呢類人也不少。。。

45. 浪子心聲
2017-04-18 23:24
讓私人市場的租戶享有租住權的保障,業主若非自用,而租客又能支付市值租金的話,業主不能拒絕續約;雙方若對市值租金沒法取得共識,可交租務仲裁署裁決。

97年前香港長時間實行這樣的租管,我唔覺得有什麼問題喎!!
46. Bos fan
2017-04-18 23:50
長了知識,謝謝!
47. 引刀一快
2017-04-19 05:41
To 44樓 Jon兄

粵港澳大灣區內,所謂一線,就深圳同廣州兩個,加兩個特區,其他唔講,就講廣州,分咁多區,10000一平方米有找嘅比比皆是,7-8000嘅都可以揾到唔少,加上廣佛同城,萬零蚊一方好多嘅。70000-80000蚊一平方米係核心區域或者學位房。

至於“而一般好似我哋d上咗去一段時間嘅香港人,總會想係香港買返層留返層,留返條根。

好正常,有一間細屋就想變大屋,有一間大屋就想變有兩間屋,不過大家都要睇餸食飯。


至於生活成本,廣州一定平過香港,加埋供樓俾少咁多,問題就唔大喇。
48. 引刀一快
2017-04-19 05:51
長河san

點解你唔問刁兄、引力、弓I刀、弓力兄幾位,而問刀兄呢?真係無上光榮。

廣州住宅租值好低。
49. 打工仔 Andy
2017-04-19 06:08
一句到尾,

少壯不買房, 老大徒傷悲 !
50. 引刀一快
2017-04-19 07:21
打工仔兄

依家早早考慮買大陸屋就真

51. 打工仔 Andy
2017-04-19 08:04
引刀兄

是的, 好彩都早買左 ! 
52. 歷史長河
2017-04-19 08:48
浪子兄,既然是市值租金,東家不租西家租,又有何大問題?點解要浪費公共資源去仲裁署裁決?食飽飯撐的嗎?
53. LS
2017-04-19 09:26

浪子兄:

謝謝, 明白了.

54. 歷史長河
2017-04-19 11:00
44樓Jon 兄,網上流傳的一則笑話,印證了你的講法。


10年前包二奶,在深圳買樓給二奶住,花掉40萬元(人民幣.下同),而每月給二奶6,000元。今年與二奶分手,將單位賣了,拿回280萬元,原來扣掉樓價、二奶家用後,還賺逾100萬元。
故事說:「感謝人民,感謝共產黨,感謝房地產商,原來包二奶也是一種投資!後來被老婆知道了,老婆一個巴掌甩過來,為甚麼你只包一個?」

55. CD ROM
2017-04-19 12:16
多年來一直錯過大陸樓, 最過唔到自己既就係低租值...

租值我視之為非常扎實既一項基本因素, 是支持樓價的支柱. 

1.5%, 1%, 丟空等升................ 當然市場已狠狠地教訓了我一頓
56. CD ROM
2017-04-19 12:23
刀兄, 單單小朋友讀書一項, 已令好一大批拼搏時期的父母對移居大陸卻步了.

更恐佈的是, 他們還有向南移既勢頭, 向著41, 11, 12呢三個number移動中.............
57. littlemun
2017-04-19 13:26

CD ROM 兄,

11, 12 好似未去到掛, 41 就............

58. littlemun
2017-04-19 13:31
買大陸樓丟空等升, 真係過唔到自己果關....
想租出去, 又驚租霸....
可恨當年年紀少, 又冇本事返大陸買屋包奶....

我知我老土, 有機會白白錯過唔少機會。但隔山買牛, 總係會令人心不安....

59. Jon
2017-04-19 15:14
47樓引兄,

你話香港人外移,年青人定上咗年紀先?年青人一般要揾食,除咗極少量好似我哋d外派職位否則都要每日回香港上班。廣州非核心二線位係平一d但會唔會遠呢?住深圳珠海(橋通了)香港返工就有d機會。但總價不會平。另外請教下廣州邊度有10000以下? 白雲?開發區都唔止啦。上咗年紀要真係完全無病冇痛,上係住幾年可以,但上面始終醫療係冇咁令人放心。其實我想令大家明白,大陸樓已經真係唔平(利申:我都仲有間屋仔係廣州)對比香港. 除非你話買間係3線位東莞,惠州,中山,順德純住,唔駛返工先有機會享受所謂低廉的消費水平。

比個網站大家參考下大陸樓價。http://m.anjuke.com/sh/?jump=site



60. Jon
2017-04-19 15:14
47樓引兄,

你話香港人外移,年青人定上咗年紀先?年青人一般要揾食,除咗極少量好似我哋d外派職位否則都要每日回香港上班。廣州非核心二線位係平一d但會唔會遠呢?住深圳珠海(橋通了)香港返工就有d機會。但總價不會平。另外請教下廣州邊度有10000以下? 白雲?開發區都唔止啦。上咗年紀要真係完全無病冇痛,上係住幾年可以,但上面始終醫療係冇咁令人放心。其實我想令大家明白,大陸樓已經真係唔平(利申:我都仲有間屋仔係廣州)對比香港. 除非你話買間係3線位東莞,惠州,中山,順德純住,唔駛返工先有機會享受所謂低廉的消費水平。

比個網站大家參考下大陸樓價。http://m.anjuke.com/sh/?jump=site



我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。