地產論壇
登入名稱
密碼
頁數:
香港與國內人置業心態
瀏覽人次:27894    回應:13

香港與國內人置業心態

 

湯文亮博士

紀惠集團行政總裁
2017年4月17日

  在復活節假期間,在深圳做了一個物業投資講座,我突然發覺,香港與國內人的置業心態不同,在香港,我們經常聽到如果以入息平均中位數計算,要唔食唔用十幾年才可以置業,在國內根本聽不到這個聲音,其實,道理很簡單,香港人是以打工仔心態置業,所以要計算清楚要幾多年才可以供甩所買的住宅單位,而國內人,尤其是在深圳,買樓的人是以創業者心態買樓,從來不用中位平均數,亦不考慮要用幾多年才可以供甩,只會考慮愈住愈好,愈住愈大,擁有更多物業,因為他們有信心未來的收入會大幅增加,這點與香港人不同,老實說,如果真的是要唔食唔用十幾年才可以買樓,倒不如唔好買算了,無謂做樓奴。


         在以前,香港人買樓亦不會考慮用什麼入息中位數,又要唔食唔用幾多年才可以買樓,當時買樓的人知道,只要捱過前幾年,以後當收入增加之後,就會有好日子過,現在,國內人有這種心態,我們反而沒有了,有人話這是居安思危,我不大同意,未有樓,又怎能夠說是居安。

香港與國內人置業心態
1. 真真薯片
2017-04-17 10:50
依家香港既打工仔係必須先令自己收入大幅增加, 由萬幾增加到4, 5萬, 之後先有能力買樓

要打工仔收入大幅增加, 買樓, 然後再預期自己收入再次大幅增加, 係咪有d強人所難?

在下同大陸朋友傾計, 佢地買樓最大動機, 就係對中國經濟發展有信心, 而樓只會越黎越貴, 買樓係唯一可以搭上中國發展成果既方法, 一被甩落車就以後都追唔返, 早年冇上車既年輕人, 同所有讀緊書既人, 如果父母冇上車, 已經玩完, 某程度上係走難心態, 買左樓=走難成功, 冇買樓, 就返老家吧
2. 引刀一快
2017-04-17 10:50
大陸人乜都一窩蜂,好多人係夾硬上車,亦有好多人D錢係好易得返嚟,近年廣州買樓嘅人,好多都係出于人口流動,心態當然同香港人唔同。
3. 占士
2017-04-17 11:09

博士,同您的觀察,一般來說,大陸的投資者比較進取,而香港的投資者比較保守。

4. Johnny
2017-04-17 11:23
完全同意1F真真薯片兄既意見
5. 鳥5
2017-04-17 12:01
深圳GDP去到近8%,息約3%。。香港GDP約近3%。。息约2%頭。。兩都差幾倍。。。睇到宇宙當然不同。。早幾年大陸跌近一半,頂到。。香港你話得5得。。大陸廠國家可以按,可以補貼。。香港私貸就得。。但幾多厘?財仔。。宇宙5同。香港97前GDP係8~13,中小企大部係赚錢,做飲食7分。。吊而家2~3分叫做好。。兩個宇宙
6. 太上忘情
2017-04-17 13:00
湯生, 對於這個現象,在下有一些愚見,還請閣下不吝指教

國內人現時置業心態和八、九十年代的香港一樣,當年香港正處於經濟起飛,又適逢移民潮和國內改革開放,人工每年三級跳,以雙位百分比增長,人自然充滿希望,亦因收入多了,轉化成財富,投資於地產。

現時香港正步日本後塵,亦即是曹仁超所說的經濟高原期,經濟掌握在大企業,小市民創業成本高,代價大。人工每年勉強跟上通脹,企業趨向以合約和兼職取代長工,年青人對未來悲觀,M型社會,飛特族,啃老族等出現。樓價因此缺乏當地年青人需求支持。這是日本樓價比較平的原因之一,而且各大城市如紐約和倫敦亦出現當地年輕人買不起樓的情況。右翼民粹主義抬頭乃是後話。解決方法...
7. 引刀一快
2017-04-17 13:08
真真薯片兄

我唔知你同咗幾多個大陸人傾過,可能真真兄D朋友高檔D,我識得嘅人,無論係唔係做生意嘅,基本上口徑一致,經濟明顯下滑。
8. 打工仔 Andy
2017-04-17 13:35
国内人只會覺得樓市長升長有, 不過都係事實 !
9. 京士頓
2017-04-17 14:42

樓上各人的意見也是我在國內和香港過去20多年所見所聞. 國內年輕人看見的都是更好的未來, 有目標地努力. 但香港的年青人則看不見未來, 尤其是他們在香港教育制度下, 政黨政治取向下影響了他們對融入中國盲目地抗拒. 在這10數年間不願意參与中國這正在高速行走的經濟列車.

誰能帶領香港年青人走出現今困局, 找到未來 ? 香港須要有一遠見及承擔的團隊....

10. 真真薯片
2017-04-17 15:52
引刀兄,

就係大家都知經濟差, 實體經濟唔惦, 打工做生意冇前途, 睇死阿爺都係得返印錢一條路, 唯有買樓!

不過在下有個朋友就唔同意, 好多人覺得阿爺唔敢比樓市爆, 驚影響穩定, 但係90年代下崗潮又唔見影響穩定? 

結論係, 大陸樓市前景主要係領導人鬥爭同一念之差, 冇得估
11. 引刀一快
2017-04-17 17:02
真真薯片兄

好明顯係印銀紙,但係工資升幅始終遠遠追唔上物價提升嘅比例,呢個就係我睇淡嘅原因。

最近,有位朋友嘅妹妹,話要買樓,借夾供,想揾120萬嘅屋,叫我陪佢參詳吓,你估佢月入幾多?研究所做文書,底薪三千有找!

呢D我係視為恐慌性買樓。
12. 真真薯片
2017-04-17 17:38
引刀兄,

同意大陸人收入根本支撐唔到佢地既樓價, 就算最叻果批月入五萬, 都遠遠供唔起過千萬樓價, 基本上係靠不斷加按去供, 供到冇晒錢, 就指揮銀行放水去庫存扯高樓價減低樓按成數, 然後又再加按再供, 所以你睇到樓價係呆兩年, 然後急升一年, 跟住又呆兩年

至於咁樣係咪一定爆煲? 在下又覺得中期未必爆, 阿爺指揮銀行配合, 呢個“停2進1”遊戲大可以玩多十年, 如果佢真係玩多十年, 都足以夾死所有睇淡既人先爆, 仲有, 如果阿爺唔想比佢爆, 但係又放水放到樓價太高, 阿爺仲可以減息, 以大陸銀行息率, 減息可以再次玩多5年……
13. 引刀一快
2017-04-18 08:23
真真薯片兄

呵呵,咁又夾唔死淡友,因為一線以外好多地方,樓價波幅可以喺一年有50%上落,呢個就係大陸樓市。

而且依家係強限購限售,香港用辣招,大陸用絕招,將D好友動員去二線三線去庫存,我幾時都係果句,筍就買。
頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。