地產論壇
登入名稱
密碼
頁數:
一個稱心滿意的講座
瀏覽人次:27818    回應:26

一個稱心滿意的講座

 

湯文亮博士

紀惠集團行政總裁
2017年4月16日

  大約一個月前,受到深圳方面邀請,做一個關於地產投資講座,內容講投資地產技巧,沒有框框,可以自由發揮,而且只是由我一個人講,時間大約兩小時,包括半小時發問,最初我沒有應承,後來,他們向出版社埋
手,希望天窗能夠說服我,天窗對我說香港出版市場根本不是市場,如果不能夠進入國內,倒不如唔好出書,在國內,一本稍為成功的書都可以賣幾十萬本,在香港,能夠賣出一萬本的就已經屬於最暢銷書藉,其實,我亦希望可以在國內演講,但有兩個難題要解決,首先,我的普通話不好,其次要面對一個我不了解的觀眾群,不知道講什麼才可以引起他們的共鳴,畢竟兩地文化有別,而且,當發問時,我有可能不懂得提問者的用語,主辦機構請我放心,同時,俾了當日的時間表給我。

4月15日行程

9:30   到我家接我出發
11:45  午餐
13:00  接受媒體訪問
14:00  演講開始
15:30  提問時間
19:00  回到家晚飯

  主辦機構為我準備了即時文字翻譯,除了令觀眾可以知道我說什麼之外,亦會讓我了解到觀眾的提問,遇到我不明白的用語,司儀會給我解釋,一切都進行得很順利,只是發問時間用多了半小時,有觀眾問我會不會在國內出書,我話會,這本書的名字將會是「物業投資基本法」,我回到香港就立刻寫,有天窗配合,兩個月就可以出版,七點鐘,我回到家晚飯,的確很攰,對於這個講座,我只能以稱心滿意來形容。

一個稱心滿意的講座
1. 打工仔 Andy
2017-04-16 09:18
博士勁呀 !
2. LWM
2017-04-16 09:20
Congratulation!  
It is not easy to take on this challenge task at all!

3.
2017-04-16 09:42
恭喜博士講座圓滿,又能回家晚飯
4. 真真薯片
2017-04-16 10:51
放假返大陸, 發現一線城市, 市中心三房單位閒閒地都成千萬人民幣

基本上同香港睇齊, 只係佢地既三房廳大房大, 香港既三房就縮細左

難怪表叔表嬸都唔覺香港樓價貴了
5. 向飯民說不
2017-04-16 11:57
楼上,黄c,你觉醒啦。
6. 引刀一快
2017-04-16 12:33
無論兩地文化差異有幾大,歸根結底就係一個財字,呢個係必然共通點,總之有料放,一定會對講者尊重有加。

湯先生影響力都已經進入大陸,大家都係時候留意大陸投資,準備需時。
7. Oscar Lam
2017-04-16 13:35
恭喜博士進入中國這辽濶的投資市場!
8. 大喊
2017-04-16 13:49
博士返大陸講香港房地產,九乘講好嘢,香港房地產更唔得掂。
9. 向飯民說不
2017-04-16 14:49
最近广东二线城市也发力,广东人的财富效应之下,肯定有更多人来香港投资。而且会发现的租金回报是奇高。引刀望香港楼价跌,又会失望了。
10. 向飯民說不
2017-04-16 14:51
博士也觉醒,记忆中,博士之前只玩香港地产。
11. Ben 仔
2017-04-16 16:13
有料唔出去做演講會,埋沒了湯博士對樓市的真之酌見。博士日後在國內成名也不要放棄香港呢班粉絲。
12. 無奈
2017-04-16 21:34
在樓市大時代想盡辦法搵博士演講,可見大陸買家對港樓的重視,香港仍是一個吸金的地方。

估計博士講詞相當平實。

恭喜博士,前面一馬平川,好片戰場。
13. 真真薯片
2017-04-16 21:51
同大陸朋友傾樓市, 發覺佢地坦率直接過香港人好多, 問佢地d樓咁貴年輕人點買, 佢地簡單直接既答案就係年輕人冇可能買到樓, 只可以靠父母/上一代有樓先有可能買到, 再問佢地咁樣會有唔公平嗎?佢地又係簡單直接話, Yes! 不公平! 不過這就係現實, 沒辦法啊!我鐘意佢地夠爽直, 係事實就認, 完全唔洗怕羞, 唔似得香港正苦仲講緊乜野置業階梯, 幫市民置業, 年輕人應打拼/唔去旅行/唔用iphone, 就上到樓之類既廢話不過話時話, 大陸雖然樓價貴, 但係租金唔貴, 好多樓用今日價計租金回報只有1.5%, 所以買唔起都可以租, 香港租金回報相對就勁好多, 同時亦逼死好多租客, 好易租4, 5年就用左100萬, 攞人命
14. 向飯民說不
2017-04-16 23:10
楼上,因为大陆行资本主义。而香港政府怕左饭民左棍,所以只有推出阶梯。
仲有因为港英的人民公社公屋政策,令公屋户无钱帮二代置业。
所有这些都同政府关系不大。
15. 引刀一快
2017-04-16 23:31
向飯

你係失憶兼思覺失調。
16. 引刀一快
2017-04-16 23:33
真真薯片兄

大陸租金低,但係收入亦低。
17. 真真薯片
2017-04-16 23:49
引刀兄,

大陸如果有3, 5年工作經驗, 一個人搵萬一, 二, 唔難, 攞5千出黎已經租到地點同呎數不俗既樓住

香港類近資歷既人可能搵兩萬幾, 但係租金就起碼萬五, 單位細人一大截

付出更高既月薪比例去租細左既單位, 由此推斷大陸租金既可負擔性係高過香港, 事實上大陸租盤係多過香港, 坐45分鐘地鐵既區直頭成街都係盤任租, 香港就連屯門都冇鎖匙盤, 相差甚遠
18. 引刀一快
2017-04-17 00:14
真真薯片兄

我唔清楚你所講嘅行業,咁好揾請告知。

我知道大陸亦唔少打工皇帝,我有個管院嘅朋友,畢業4年已經年薪一球,但係呢類人唔係社會主流,亦唔租屋,除非長年四圍調。

我亦有朋友,農務系博士畢業已經九年,依家底薪依然未夠7000,人亦唔係唔叻仔。

就算揾萬一二一個月,交五千租亦係好傷,因為大陸依家通脹嚴重,剩番6-7000,要養兒育女就一定要兩公婆一齊工作,不過,近十年確係呢種模式,夫婦兩個畢業生打工,家鄉嘅老人出嚟帶孩子,外省嚟廣州嘅,幾乎清一色係咁。
19. 向飯民說不
2017-04-17 00:26
引刀,讲到思觉失调,有谁比你厉害啊。你就高级黑大陆,但是又日日叫人投资大陆。有无病。
大陆租金回报只有几个大城市市区比较合理。其他偏远地区,租金非常低。租金低到不适合出租 因为租金都不足够用作保养。所以如果话泡沫,大陆比香港严重。
高级黑引刀,不要太贪心,趁大陆楼价升得多,卖大陆楼,买香港楼啦,高买高卖,大陆楼吾跌,香港楼都唔会跌。
20. 真真薯片
2017-04-17 10:55
引刀兄,

在下所知大陸藍領/操作員/customer service之類的確係得5000-7000左右, 但係專業少少又識少少英文, 例如工程師, 市場推廣, 財務, 月薪過萬比比皆是, 兩個人返二加埋搵兩萬, 住遠少少交4000蚊租, 都係收入1/5, 重有地鐵, 香港就唔得啦
頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。