|
1.
向引刀‧土著‧自醉‧浪子‧阿井 說不 |
| 2017-04-09 11:13 |
|
簡單說：現在年青人上車前顧慮甚多，如是者先租屋幫人供樓住著先，順便申請公營房屋，千其咪做未來無把握的炮灰呀！好似上述幾位咁，無樓無高潮啫，又唔使死，完。
|
|
|
|
CY做左5年, 所謂重中之重既房策之中既短期供應, 其實只得3種 :
1/ 正常人入息唔準排既公屋 2/ 近一兩年推出, 每年兩千零個遠期居屋/置x心……等資助房屋樓花 3/ 賣左比地產商既地, 而地產業響應梁粉拖張十年黎賣
如是者, CY已經“做左野”, 但係問題唔止冇解決, 仲要持續惡化
林鄭背景比CY更弱, 睇怕唔洗指意佢會搞得惦班地霸, 未上車既人靠正苦, 同等運到冇乜分別
|
|
|
3.
Tony lam |
| 2017-04-09 15:21 |
|
撤辣…加辣…解決唔到根本問題、量化財資係天文數字、實體供應多多都滿足唔到、一萬個單位…平均每個一千萬…衹係一千億、以老湯玩388嘅本…都食得起3-5百個單位、有概念嘛？
樓好難冧、諗多棧腦痛、一於起多D公屋、等買唔起樓嘅人唔洗絕望。
有一招忍好耐唔講…按揭買樓出租…例係要銀行consent、一路冇嚴格執行…隻眼開隻眼閉咁、理論息口要高D、政府揸正做都會有D効果㗎 !
|
|
|
|
呢樣真, 其實超多人冇比5成首期扮首置放租, 要查亦冇難度, 查打左厘印既租約單位對照金管局/銀行既按揭成數立即無所遁形, 然後就追差價
不過咁樣有幾個影響, 首先係逼業主湧去財仔, 然後就係將遲買樓收租既業主既單位輸送比早買樓收租既業主既仔女, 本來既食物鏈係早買樓>遲買樓>冇買樓, 變成早買樓>>>>冇買樓, 貧富更懸殊
|
|
|
|
持物業的人如果三年至五年內 沒有供款的實力 買來做甚麼
|
|
|
|
|
|
|
辣招正常化你還不知道嗎人家覺得唔辣 就應該再加辣 越打越升 係正常 因為唔升爆點跌呢 這是真正經濟學呀 先生... 我今年希望再升20%
|
|
|
8.
磗家又唱淡！ |
| 2017-04-09 18:49 |
|
淡友夢想樓價跌，簡直就如發春秋大夢的笨？4月7日ccl樓價指又再升破歷史高位, 而50大私樓2手成交量，更大幅反彈1.8倍！樓價今年最少升30%，等跌嘅硬硬，又要蝕多一年租租了！！業主開心到震呢，哈哈哈，一定要磨死等跌入貨嗰班黑心淡嘅！！
|
|
|
9.
打工仔 Andy |
|
| 2017-04-09 19:27 |
|
如果有需要自住, 又有能力及可以承擔風險, 又唔買都要租的話, 自住其實可以不用理會SSD, 三年好快過!
|
|
|
10.
向引刀‧土著‧自醉‧浪子‧阿井 說不 |
| 2017-04-09 20:12 |
|
博士何需為時下年青人擔心？睇吓另一富豪父子，對現在年輕人的不同見解，就知引刀‧土著‧自醉‧浪子‧阿井等年輕人不會多謝你！
大劉對長子劉鳴煒評分很高，但對於外間批評兒子離地，大劉不認同，反而覺得現在年輕人才離地：「你可以話依家啲年輕人俾人縱壞咗未捱過苦，亦可以話，最重要一樣嘢係，佢哋唔係掂地，而係離地。佢唔知道個個人有今日嘅成功，個個都係咁樣捱出嚟㗎啦！」 冇錯，呢集，大劉鬧廢青。回少少帶，劉鳴煒兩年前曾指年輕人愛去旅行、買手機又追求最新型號，如果肯犧牲一下，「去少啲旅行儲首期」，言論一出被批離地，但大劉撐兒子沒有講錯，外界不接受是因為「唔啱聽」。【「爭人周身債破產咪啱聽囉！」】問大劉：「劉鳴煒俾人話離地，你覺得呢種批評啱唔啱？」大劉劈頭便說：「梗係唔啱啦！唔係因為佢係我個仔。佢嘅出發點係好嘅，啲人點會受落啫？啲人最鍾意聽你使咗幾多錢呀碌咗幾多卡數呀爭人周身債然後申請破產咪啱聽囉！我諗今日，香港最有錢嘅頭一二十人，如果係自己創業嘅，個個都係慳番嚟自己捱番嚟，唔係話有錢就去旅行冇錢就去碌卡。但依家啲人，你叫佢唔好去旅行？仲慘過殺佢老竇老母。」「我上次已經叫佢（劉鳴煒）唔好多多聲氣。其實佢講得好啱㗎，但啲人點會啱聽啫？啲人係鍾意聽啲啱聽嘅說話，但係對佢冇益處。」「點解有啲人注定冇得上位冇得成功吖？因為佢思想上已經係錯咗。但絕大部份都係呢啲人。正如股市，贏錢嘅人只佔好少數。」【住劏房的「廢青」】「有一次我喺電視見到，我都好傷感。我見到一個青年，25、6歲左右，好新潮，男仔，高高大大好大隻嘅，戴女人耳環，接受訪問話住劏房，地方好細。接受訪問嗰陣，佢拎住本漫畫，咁我心諗，如果你講到你間劏房咁細，你係咪應該去兼職？揸番一更的士又好巴士又好，或者搵番份工。但佢唔係，佢匿喺房裡面睇漫畫。咁呢啲，你有乜嘢可以怪人？」「你知唔知我去過幾多次中東同非洲？全部徒勞無功。坐四人的士，黑人又大隻又高，連埋我，都唔係細，四人的士坐五個人，坐白牌，一程車四個半鐘頭來回九個鐘，一單生意都做唔到。真係有淚水標出嚟。」三句唔埋，大劉再說：「今日啲年輕人，淨係識怨天尤人，你打開電視，係好恐怖。最多嘅廣告你估係乜嘢？旅行社、財務公司廣告，鼓勵你去借錢碌卡去旅行囉，咁邊個唔知歎係好吖？咁你使唔使孭債吖？你係咪想好似希臘咁，爭人錢發難渣唔還吖？」【「真窮易過，假富難捱！」】「根本好多嘢都係自己攞嚟，你一定要靠自己。你靠自己唔係一定會搵到錢，但你唔肯勤力唔肯發奮，你一定冇得發㗎喎！真窮易過，假富難捱！做人千祈咪充！」「所以依家啲年輕人，唉，有新機又要換有呢樣又要換，完全同我哋以前想法係唔同。」「我哋以前嘅居住環境曳到，老鼠通屋走，咁你點呀？依家有劏房，乾乾淨淨有冷氣咪好囉！」「睇番以前初初，我記得我同我前妻（寶詠琴）個理想，層樓千五呎，有一百萬定期存款，我已經好滿意。當時。唔係我一開始就諗要有錢要有幾錢，邊有得咁樣諗？你估傻嘅咩？」【大劉的致富心得】如題。大劉稱：「第一，一定要勤力啦；第二，信用好緊要，呢個係我由我媽媽嗰度學番嚟。」做生意要夠狠？大劉卻說：「狠，我唔承認囉！好有膽量我認嘅。其實我好心軟。好多嘢人哋對我唔住嘅，我都好易算，因為我好滿足，老天爺成日都照顧住我，我已經好開心。」心軟，就易受傷。大劉說：「一定會，做生意又有，男女朋友之間又有，一定會有。」
|
|
|
11.
浪子心聲 |
|
| 2017-04-09 22:06 |
|
樂見湯博士明白「政府預先張揚方式減辣」的政治風險，但要政府撤銷SSD，讓剛上車的業主在樓市下調期間可減輕損失，不至於變成負資產，我感覺這個方法不單只政治風險高，還有加劇樓市調整速度，到時跌得快到啲剛上車業主賣唔徹，重快啲成為負資產，所以這個想法可能更不切實際。
我認為在樓價下跌到一個情度如20％以下，可考慮讓銀行大幅度放寬樓宇按揭成數，讓有需要上車或換樓人士更容易買樓，增加需求，減低樓市調整的速度更現實，不但可以令社會減少一些怨氣，可能會得到一些市民的掌聲，何樂而不為呢！！
我對林太的建議在辣招方面一動不遇一靜，就算樓價繼續上升都不用加辣或減辣，市場已適應了辣招就讓它以現況發展，但還需完善房屋政策的漏洞，如制訂樓宇單位最細面積，減少納米樓的出現機會；完善一契多伙的首置走稅漏洞；恢復97年前的香港租管，保障大眾市民的租住權利，因為我認為租管是解決香港居住問題的一個重要政策，它不會解決樓價高問題，但可完善整個房屋政策。
新一界政府應繼續努力開發土地，讓市民更明瞭特區政府在提供穩定土地供應的決心和計劃，增加港人對未來有足夠土地供應的信心，減少市民在沒必要的情況下急於買樓，這樣便會增加香港樓市軟著陸的機會。
|
|
|
12.
真真薯片 |
| 2017-04-09 22:39 |
|
其實正苦唔係冇野可以做, 睇下有冇心者
689為左表示佢做左野, 今年會推3萬個單位既私樓住宅地(官地+港鐵), 雖然咁做係透支未來供應, 但係正苦如果夠狼既話, 可以話地產商已經囤飽地/囤飽錢, 今年果3萬個單位既地, 攞兩萬個出黎起居屋, 同時大幅提高居屋申請者收入上限, 由於係熟地, 要做既話, 明年之內已經可以賣樓花, 後年入伙
正苦突然係市場抽走兩萬購買力, 效力絕對非同少可, 就算冇效都冇所謂, 要上樓既人都上到樓, 冇人再投訴, 如果樓市大跌, 唔緊要, 正苦原價收回, 收5%手續費, 再按新市價再賣
咁咪解決到問題囉, 但係林鄭夠膽做嗎？佢岩岩先要地霸投佢票咋喎
|
|
|
13.
向飯民說不 |
| 2017-04-09 23:06 |
|
薯片，所以话你地黄c无脑啦。抽走2万做居屋，只会令私人楼价更加高。因为私人楼供应更低。仲有无地价收入，边个补贴公屋的福利开支。出销售税好唔好？
|
|
|
14.
Bos fan |
| 2017-04-10 02:46 |
|
點解而家呢一刻先考慮ssd, 唔係之前已經新高／或者一向高時呢
|
|
|
15.
引刀一快 |
|
| 2017-04-10 04:58 |
|
撤咗SSD的話，若然樓市冧，保住新入貨果位逃脫，但係接貨果個咪又係瀨嘢。
香港人逐步遷入珠三角，係言之尚早，但必然發生嘅大趨勢。
|
|
|
16.
香港土著 |
| 2017-04-10 08:04 |
|
其實家陣乾升都幾好呀，入市人數唔多，跌市都死少幾個。再講，地產商又錢多冇定使，唔怕坐貨，又有能力提供二按"幫人"，直情係施比受更有福啦。最近中原收入創新高，即係龍頭地代齋食一手都好開心。既然個個都開心，真係冇問題。只要政府努力起多少少公屋，搞好個安全網已經好足夠。
|
|
|
17.
引刀一快 |
|
| 2017-04-10 08:53 |
|
|
|
18.
向饭民说不 |
| 2017-04-10 10:12 |
|
“施比受更有福”，洗脑式的金句，都是一些极度自私的邪教散步。就好像鬼佬的捐身价，越捐越富。
“施比受更有福”--- 宝药党的洗脑方式。
|
|
App下載
