地產論壇
登入名稱
密碼
頁數:
年輕人該如何應對樓市狂潮?
瀏覽人次:13646    回應:22

年輕人該如何應對樓市狂潮?

 

高占

(信報) 2017年4月8日

本港樓市繼續破頂,市場氣氛熾熱,荃灣新盤柏傲灣一房戶最近以960.5萬元成交,以實用面積421方呎計算,呎價高達22815元,貴絕新界一房新單位。樓價看似高處不勝寒,但市場確實存在強勁購買力,面對如此瘋狂的樓市,未上車的年輕人該如何面對?

在最近的長和(00001)業績發布會上,有記者問到年輕人如何上車的問題,誠哥只重申不要炒樓,但如果能力許可,買樓自住無問題,並拋出一句「市場購買力實在很強,未來一兩年看不到樓價會下跌。」

掌握可以控制的事

你可能會問:那麼,兩年後會如何?其實誠哥也不是神仙,兩年後的事無人能說得準,不過他有提到今日樓價雖然貴,但幾年後計及通脹等因素又不會那麼貴,此話對年輕人來說有如淋了一大盤冷水。

筆者認為,年輕人首先要分辨什麼是自己可以控制的事,以及什麼是自己不能控制的事。等待沙士、金融海嘯、政府推出租金管制及資產增值稅等等,很可能只是不切實際的期待,事與願違令人愈想只會愈氣憤,對自己毫無幫助。所以應該要將注意力放在自己可以控制的事上面,一個剛畢業或踏足社會幾年的年輕人,無父母幹,無錢買樓,又有什麼是可以控制的呢?答案是時間。

請檢視一下你工作以外的時間到底是在做什麼,留在家中「煲劇」、漫無目的地上網、玩手機遊戲,這些看似是低成本消費,但長此下去,你是否覺得這些活動有助於達成上車夢?

筆者覺得趁年輕到外國旅行或假日出外與朋友逛街也沒有什麼問題,畢竟省錢是有個限度的,學「50蚊哥」克制自己每日只可以用50元的意義不大。重點是一定要避免入不敷支,畢竟省錢相對來說是比較容易的,但要真正累積財富必須從開源入手,要開源就先要有一定的知識及智慧,這些都是要通過經驗累積的,而要累積經驗就需要用到時間。

利用公餘增值自己

年輕人可以從自己的興趣、日常消費習慣,或自己的優勢着手,多思考如何透過這幾方面增加自己每月的現金流,當然在工作上也要力求上進,吸收經驗,以累積晉升籌碼。

有錢買也好,無錢買也好,吸收一下樓市知識是非常基本的,可以向已有物業的長輩或朋友請教,也可以參考網上的資料,當然自己也要多角度分析,不要只聽單方面的意見。新樓被人高價搶購,就由他們搶到夠吧,如果你放低要求,市場其實還有「貼地盤」的。

另外,年輕人也可思考一下怎樣可以對沖樓價上升的風險,筆者早前提到的累積REITs計劃會是一個不錯的選擇,長期來說,總比將錢放在銀行存活期划算。

goaljim00@gmail.com

年輕人該如何應對樓市狂潮?
1. 亮劍
2017-04-08 22:50
在6年前有網民留言,說细讀正反雙方對後市的推算,好友理據充分,理念清晰,可自圓其說;反之淡友只是單憑感覺推測,以口號呼應樓價高的問題,誰勝誰負答案已經寫在牆上。

小弟三生有幸,能見證呢個這大時代,而且所有推斷大致成立或出現,實不枉我苦心喺呢度筆耕幾百萬字,第二時老咗,可攞出來同孫子孫女分享,嗰時真係可以說:「此生無憾」。
2. 引刀一快
2017-04-08 22:51
理據有冇加埋大陸資金盲流呢part?
3. 亮劍
2017-04-08 23:01
如果你話無就無囉,呢度既留言可隨便翻查,反正真的假不了,假的真不了。
4. 亮劍
2017-04-08 23:08
亮劍 2017-03-16 13:50:28

類似啟德及鴨脷洲這些新發展區既「豪宅」,先係大陸「有錢」人那杯茶。


而我相信以實際人數計,大陸同胞在可見的將來會多過「香港有錢人」好多!


類似啟德及鴨脷洲呢啲樓,不能買嚟收租,不能同佢計回報率,因為大陸人係買來珍藏,用於炫耀…… 


大陸人係呢20年才有發大達的機會,其實不少人都有暴發戶嘅心態,不過你就算日日用法國紅酒沖涼、餐餐食日本四方西瓜,都不夠「show 地址」來得震撼!


例如某月某日某甲問阿乙:「你平時到香港在邊度落腳?」


阿乙:「咪又係 mount nicholson 分層囉!」


某甲:「你就好啦,話晒都係山頂,我住鴨脷洲獨立屋咋,得果六千幾呎,香港D屋就是细得離譜!」


路過既阿丙答嘴:「下個月我間啟德天池屋裝修完入伙,你哋幾個得唔得閒去參觀?地方係就係比較屈質,得9千幾尺,但裝修咗成幾千萬,都唔會失禮各位!」

5. 亮劍
2017-04-08 23:15
亮劍 2014-09-11 13:30:54

to 10楼……打後幾年楼價再升幾成或者樂觀咗,但之後数年港楼喺高位徘徊的機會,本人覺得成数極大!


但就計你楼價唔再急升,好多未上車的年輕人,他們感覺自己份人工,只有万零兩万,佢哋心中盤算,就算自己日日过苦行僧的生活,都無法儲蓄得到足夠首期迫上私家車,会感覺沮喪及失望, 呢度我是理解的。


但我講過無数次,呢個浪要咁睇。


因為「環球QE 將會此起彼落冇極限」!!!


由日本弍拾多年前發明,用量化寬鬆政策救市開始計,呢个QE世紀已來臨!


之後美國及歐洲相繼跟隨,主要原因係用呢種方式最無痛,遇到的阻力最少,理論上財金官員别無選擇!


隨着先進國家,相繼步入人口老化的高峰期,根本上任何先進國家,你想用加税減福利等方式,以平衡財政預算,真係發夢,因此大家焗QE,乃常態!


兄台話:「欧洲開始QE,会利好美元,而根據以往經驗,強美元對香港房產價格不利,呢度我基本上同意你的分析」。

 

但如果根據半杯水理論,若果欧央行再係咁加碼QE,去挽救疲弱的經濟,咁就會令欧元不斷反覆下跌,但奧巴馬會唔會咁順攤由得欧元貶值?

他會為救欧洲於水深火熱而犧牲自己嗎?


世界各地D熱錢在可見的將來,会急劇增長,而呢D聰明錢又有腳四處走,人哋欧洲用貨幣貶值加QE來力挽狂瀾於既倒,那你美國就放棄QE、而採用加息同緊縮政策來成人之美?兄台咪講笑啦!

 

因此美國延緩加息時間表,其實係绝對有可能的。

 

在呢段時間,有價值的稀有資產,如不能同步增加供應的話,咁呢D資產就会升值,其實係經濟ABC!

記住爆升的不是楼價,係環球貨幣供應先真呀。

 

就算退一步來說,加息又有乜好怕?

我之前都講到口水乾:

一 呢个加息周期可能比大家估計來得遲。

二 呢次加息的幅度可能比大家預期來得少。

三 請各位業主當自己供緊5厘半,有剩储起來作弹药。

四 揾得万零兩万嘅仁兄仁姊,唔好勉強同人迫上車,麻煩坐定定,年尾先去抽新一期居屋。

6. 引刀一快
2017-04-09 00:25
哦,原來你話早幾日講。
7. 引刀一快
2017-04-09 00:32
幾年落嚟,我一直講緊大陸人合埋眼搶樓托高咗個樓市,大陸經濟下滑有大浪過嚟。日日同人拗翻天嘅事情,就因為早幾日人地一句,我變咗啦啦隊。

哈哈哈


8. 亮劍
2017-04-09 01:17
亮劍 2013-09-11 11:04:13

喺我仲係初出茅廬嗰陣,我成日都路過畢打街嗰幾間名店,想當年見倒佢哋標到啲衫成千,啲袋成萬,最誇張係嗰啲我連個牌子名都讀唔倒嘅所謂名錶,成六位數咁狼,我心想你斷搶咩,有鬼水魚幫襯你?

但好奇怪嘅係,呢啲名牌店須然我每日行過都唔覺有乜客,但唔知點解佢哋唔執不得止,還越開越多,仲越整越大間變愎式,而且啲標售價仲越來越離譜添!

呢個現像咪稱為三日唔發市,但發市當三年囉!

現在私樓因為高到發花癲,那些普羅大眾當然無得玩啦,而且係神早嗰隻,但地產商由來已久有當過佢哋係客嗎?情況有如你著到牛記笠記,就去名店買包包一叉樣!

而剩下來仲有些唔知啲錢係咪執翻來嘅客,當然比對舊陣時係少咗,但仲有小貓三幾隻嘅!

你政府出三D,除了令不少買家卻步外,還使大小業主唔出貨死揸,咁唔知高官又有無對沖供求兩條數先,供應就咁計啦,當130-140 萬個(連居屋)單位,七八成人係自住,六成幾人有現契喺手,兩成多人在 09-11 年做了 H + 按(實際供緊一厘唔使) 唔肯走,仲有係唔好忘記還有兩成幾人受 SSD 影響而唔出得貨,咁實際可供轉售嘅二手樓有幾多?幾萬個俾多你啦!

唔知係唔係地產商「當黑」,今天由5月開始大半時間係雨水天,13年一手樓落成量到目前係兩千唔夠,加埋你政府出嗰個 DSD 最大效用,就係遏止住啲人去換樓,那政府叫到,地產商無奶油玩嘢啫,佢哋咪聽教聽話,走去等啲大中型以上單位變成現樓才攪銷售囉,咁就無端瑞整咗個真空期出來,真係估你唔倒!

大家要記住,現在唔係無人買樓,而係少咗而矣,但入得場嘅人就係一個打七個之徒,實力就如往時喺畢打街不問價買「剛屎單頓」嘅有錢人一樣,只要有幾丁友,只要拒哋不差錢,就會俾佢托着成個市場價!因為現在香港樓市俾政府玩到扭曲咗,變成乜東東嘢都化身成名牌加限量版!

講完供應及價格,到需求啦,現在仲可抗衡佢哋呢班不差錢影響嘅本地客,就係父母神早有樓嗰堆年青人,大話怕計數,現在香港最大嘅年齡層就係 4X-5X,就當有幾十萬啦,而四伍拾歲係個人事業高峰期,仔女就或已經出身,咁計你弍拾多萬家庭應無乜走雞,就算你一半有私樓,供甩當一半,潛在可入市嘅家庭最少就係五到六萬個!

 

如果我以上圍嗰條數有錯,咁我同那些好友就會被市場嚴肅修理,否則租客交租會交到發惡夢!


………………

請留意我呢篇野的日期。

9. 引刀一快
2017-04-09 02:08
我留意到冇提大陸人。
10. 向引刀‧土著‧自醉‧浪子‧阿井 說不
2017-04-09 10:55
請用大陸傻燦食屎專家身份,一腳牛屎的調理農務系有限知識,點評一下最近內地熱門新政策;『關於泛珠江三角洲粵港澳大灣區域合作』,將對未來區域經濟發展,帶來何種級數的大中細浪?

推動區域經濟達致互聯互通 譚志源稱建設大灣區 中央冀港當領導角色

星島日報星島日報 – 4小時前
星島日報相片

【星島日報報道】特首梁振英下周三將率團到粵港澳大灣區考察,負責統籌的政制及內地事務局局長譚志源昨出席電台節目時表示,香港有一國兩制的優勢,國家希望香港擔當領導角色,帶領區域發展及對外開放,而編制大灣區發展的具體方向,第一要符合一國兩制原則,第二要配合香港的功能及定位,包括重新肯定並提升香港作為國際金融、貿易和航運中心的地位,第三則是做到大灣區內的各城市互聯互通,形成優質生活圈。行會成員、商界議員林健鋒冀特區政府盡快成立跨行業小組,促進香港參與大灣區發展。

  譚志源表示,香港、澳門、珠海等地發展多年,粵港澳大灣區的概念是如何運用好這些地方的優勢貢獻國家,早在國務院總理李克強今年三月兩會期間發表工作報告前,去年公布的十三五規劃的「港澳專章」中已有提及建設粵港澳大灣區。他解釋,放在「港澳專章」是因為香港坐擁一國兩制的優勢,中央冀香港擔當領導角色,帶領區域經濟發展及對外開放。他指政制及內地事務局跟發改委有直接對口,發改委提出粵港澳大灣區可以參考美國的「三藩市灣區」。

  參考美國「三藩市灣區」

  譚志源認為,編製大灣區發展的具體方向首要符合一國兩制的原則,「一來是憲制、法律基礎,二來是優勢也是挑戰,要符合香港的法律、法規、程序」,同時亦要配合香港現有的規劃,如「2030+」等。

  其次是要配合香港的功能及定位,譚志源指香港的國際金融、貿易及航運中心定位應重新肯定並提升,以金融為例,香港能否成為區內的離岸人民幣中心、融資中心,處理新興的金融業務如飛機租賃等。至於在航運方面,他認為香港可參考英國倫敦做好航運的融資、集資及保險工作,「粵港澳大灣區已經有五個機場,我們又起緊第三跑道……在空域管理做大、強那個呢?香港空運,尤其是貨運是世界第一,是否香港優先呢?」

  第三則是做到大灣區內的各城市互聯互通,形成優質生活圈,譚志源指所謂「互聯互通」,除了硬件上的交通問題,還要保證人才、貨物、資金及資訊流動,他舉例,現時港人在內地工作一百八十三日就要繳交內地稅款,日後可否作特別安排,令有意在大灣區發展的港人毋須受限?

  互聯互通成優質生活圈

  行會成員林健鋒表示,率團考察大灣區是跟區內各市交流的第一步,希望政府盡快成立小組,吸納金融、環保等行業專家加入,促進香港參與大灣區發展。他指區域合作是大勢所趨,相信大灣區可擔當一帶一路的窗口,而香港則可發展為區域的金融、融資及仲裁中心。他形容大灣區發展是百年一遇的機遇,促香港勿因政治爭拗錯失機會。

  經濟發展委員會委員、廠商會永遠名譽會長黃友嘉將會隨政府到大灣區考察,他明言對大灣區發展抱持很大期望,指國家未來的發展重點在金融及資本市場,香港作為國際金融中心,可以配合專業服務,協助國家現化化,其中在人民幣業務可做到在岸及離岸結合。他又指,對比過去提倡的泛珠三角洲區域合作涉及九個省,今次大灣區的發展更聚焦亦更有必要,香港不應妄自菲薄。


11. 路人xx
2017-04-09 11:27
五年前有兩個人,收入差不多,儲蓄差不多,兩個都日日上呢度睇。

可是,一個信亮劍,一個信引刀。

信亮劍的,買了兩間沙一395,一間自住,一間收租,做其樓奴咸魚。

信引刀的,多年來交了一百萬租,仍然每天在海邊等浪

12. 回 樓上
2017-04-09 13:01
儍豬豬 真浪漫
在沙灘 吹海風
看夕陽 聽浪聲
等浪到 結果是
媽媽聲 X X X

13. 引刀一快
2017-04-10 04:47
五六年前,跟我買大陸屋果D friend,唔計槓桿,實價起碼賺200%以上,呎價最高升到五倍幾。

不過當時我未嚟地產網。


14. 路人xx
2017-04-10 08:05
你仲好意思話叫過人買大陸樓,成日都話大陸唔惦波及香港,所以唔好買香港樓,但係自己又走咗去大陸買樓喎,乜你個人咁混亂嘅呢?

反而亮劍幾年前就講過:「⋯大陸同香港的中長線前景,小弟可謂極度睇好⋯」條友仔講完之後,然後呢,深圳啲樓又升到阿媽都唔認得喎,我覺得佢啱D囉⋯⋯

15. 呵呵大少
2017-04-10 10:18
呵呵,路人兄你唔信廣州佬,佢一陣又話搵班friends出文做見證,等你恨到流口水失控,開唔到口駁佢,呵呵
16. 向飯民說不
2017-04-10 10:35
引刀,这条友真系阴暗,一面闹大陆,一面叫人反大陆买楼。

正常在大陆赚大钱,大可以来香港高价买楼。就好像大陆的发展商。因为香港楼价相对大陆楼价是下跌的。

点解黄C心理甘变态。香港人,如果你在这样的心态,点同大陆人竞争。
17. 向飯民說不
2017-04-10 10:37
15楼,你话浪子,自嘴,薯片,这些黄C柴心理非常阴暗。
18. 自我陶醉
2017-04-10 12:05
向飯,

真係睇錯咗你,一向以為你係死硬建制派,點解政府要打樓價,你仲叫人嚟買?想與政府唱對枱嗎? 

政府有咩大方向,我第一個支持㗎,睇嚟你先至係黃屍啊!哈哈哈!

19. 呵呵大少
2017-04-10 12:20
收錢做嘢佢手寫佢心唔陰暗食唔起哩碗飯,人為財死鳥為食亡也。識嘅唔識嘅人都話係自己friend壯大聲勢搵食技倆,買樓係唔會賺幾多倍,賣咗袋錢先算賺,認屎認屁領功查實唔關佢事,一年到黑都興風作浪,衰退浪又係佢升浪又係佢,總之就有浪打埋嚟,唔食暈浪丸點頂。呵呵
20. 引刀一快
2017-04-10 16:43
真係搞笑,我幾時話我前幾年喺地產網叫人買大陸屋唧。我係同人討論大陸近年經濟低走,港樓係咪值咁嘅價啫。點解你理解力咁低嘅?

兩三年前,大陸成個地產行,個個地代都認為頻爆嘅時候,我仲叫人等爆添,個個最前線嘅都係咁睇法,經濟又唔好,呢D就係貼市嘅資訊。

路人xx,總而言之,大陸一線完勝港樓,係事實,就算冇2016嘅大漲,都係完勝,你吹?


頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。