繁 / 简 / ENG
App下載
代理登入
主頁

搵樓/成交
搵樓
綠表居屋
一手新盤
買賣成交
租賃成交
臨時買賣合約
一手消耗表

業主放盤
放盤主頁
搵地產代理
刪除樓盤

宅谷按揭
博客
博客主頁
所有回應
地產論壇
註冊成為會員
新聞

數據公佈

置業手冊
置業流程
租樓 vs 買樓
一手 vs 二手
睇樓書
居屋百科
村屋
物業起底
化妝樓
凶宅
驗樓 DIY
即時估價
按揭計算機
英中詞彙
英文縮寫
置業避雷針
租屋指南針
相關網站
VR睇樓

關於我們
地產論壇
論壇首頁
登入名稱
密碼
忘記密碼註冊成為會員
頁數：
阿媽同老婆一齊跌落水，救邊個先？
瀏覽人次：29654    回應：15

阿媽同老婆一齊跌落水，救邊個先？

 

湯文亮博士

紀惠集團行政總裁
2017年4月7日

　　四個大男人晚飯，話題天南地北，講講下又去到一條老問題，就是阿媽同老婆一齊跌落水，她們又唔識得游水，救邊個先？老實說，這條問題，到現在還未遇上一個令我滿意答案，表面上看，任何一個答案都會令對方不滿意，但如果當中加上時間性，就有機會找出一個令阿媽同老婆勉強可以接受的答案。

　　這條問題我有一個大家都會接受答案，不過，並不是我想出來，而是家母在我讀中學時教我怎麼回答，家母話如果事發時我老婆仍然年輕，仍未有小孩，就應該救佢，放棄老婆，因為我沒有牽掛，可以再娶一個老婆，但如果在事發時我們已經有小孩，就應該放棄佢，救我老婆，否則，我們的小孩就會失去母親，即使我可以再婚，對小孩成長仍然有負面影響，不過，從來沒有人向我問我這個問題，所以，我的答案仍然未講過俾任何人知道，即使我心中有一個既定答案，但我亦曾經考慮過，如果再結婚的費用很貴，即使我老婆年青，究竟是否應該救阿媽，但我唔敢問阿媽。

　　在以往，倘若有業主多買一層還未建成的新樓，其間經濟情況轉壞，樓市形勢逆轉，那位業主必須要放棄一個物業，就會好似我阿媽話放棄年輕的老婆一樣，會放棄新買入的住宅單位，保留自住單位，即使損失了新樓的訂金，但仍然是可以接受，甚至不太影響生活質素，但自從有了SSD之後，當樓市轉壞，那位業主如果放棄新買住宅單位，他是要付新樓的SSD，所以他別無選擇，一定要放棄自住單位，換句話說，即是政府教人唔好救阿媽。

阿媽同老婆一齊跌落水，救邊個先？
1. CD ROM
2017-04-07 09:05
哈哈，想不到這也能拉到樓市去。
2. LS
2017-04-07 09:28
博士家慈真的深明中國倫理之道. 百行以孝為先, 在愛情與孝道之間, 當選擇孝道. 但有後嗣時, 則以開枝散葉, 弘揚家族為重. 厲害!
3. Sam
2017-04-07 09:34
兩個都救！ ;p
4. Oscar Lam
2017-04-07 09:59
這個問題真的很難答，還是不答好了。
5. 香港土著
2017-04-07 10:12
哩個男人問題其實非常適用於今日香港樓市, 唔係因為情況相近, 剛好相反, 阿媽老婆跌落水問題對照今日樓市, 正好就係黑白強烈對比......

救阿媽定救老婆, 哩個係100%純感情問題, 電光火石之間, 冇數可以計, 功利計算亦有違問題原意; 今日香港樓市問題, 本身係純實用與投資問題, 基本上就係要計數, 但受到千萬地代、地產商及朋輩全天侯日夜無間斷渲染之下, 買樓竟然變成感情問題, 有樓有高潮！
6. 打工仔 Andy
2017-04-07 10:34
兩個都要救, 點救? 自已度掂佢! 哈哈!
7. 真真薯片
2017-04-07 10:47
現實答案應該係叫埋老豆兄弟姐妹一齊救

正如冇錢供樓/欠街外錢, 第一件事梗係問屋企人借啦
8. 十郎
2017-04-07 13:14


      在這個問題上，突顯咗女性一直受欺凌的事實，她以為嫁入一個異姓家庭，就成為家中一員，這是一廂情願想法。試想將掉水的主角換成媽媽和妹妹，男人就沒有了包袱，這樣就證明妻子是外人，起碼半個外人 。
   
      其實救妻子都不是有損倫理，記否結婚時，在神前發誓兩人憂戚相關，無論疾病災難，都㩗手共渡，救老婆係無問題，問題係老媽撤嬌。
9. 自我陶醉
2017-04-07 14:09
邊個長氣啲，就救另一個先，因為咁長氣應該鼎得一陣。哈哈哈！
10. 70後小弟
2017-04-07 14:54
小弟有幾個物業，依家個市道咁好，想放走其中一兩間，問題係賣左再買返要比15%稅，結果多一事不如少一事，唔賣就算，相信好多業主也有相同的想法，引致二手市場幾乎沒有供應。

如果政府能夠推出一張免稅卷，業主賣出就一個單位的時候， 就可以得到一張免稅卷，下次再買一間同級物業的時候，就免稅，相信在市道好的時候，例如現在，很多業主會把現有部份單位賣出，二手供應立即大增⋯⋯

業主賣樓之後，可能會把資金花掉，可能會作股票投資等等，可能最後再申請不到貸款，可能物業市場逆轉，始終有部份免稅卷最終無法兌現，最終設計來一賣一買的免稅卷，總有部份變成只賣不買的剩供應⋯
11. 引刀一快
2017-04-07 16:07
不如我代好友們回答喇！

遇到咁嘅情況，好友一於游過去，踩水托住兩個，一直托到水退，咁咪可以救曬兩個囉，自住出租一個都不能少，長踩水必勝！
12. 真真薯片
2017-04-07 17:33
賣樓有免稅劵其實有得諗

不過在下估計如果再出招, 應該唔會再郁印花稅, 因為已經冇乜人比辣印 (用人頭又好, 一約多買又好, 總之大家都比緊舊單人)

既然人人比單印, 冇人比辣印, 將辣印再加辣係冇意思, 除非正苦只係想出招比人睇, 否則冇理由再加辣印稅率
13. 救阿媽抑或救老婆
2017-04-08 17:08
救阿媽抑或救老婆，可以如此回答：

如果阿媽問你可以答救阿媽，如果老婆問你可以答救老婆。

如果阿媽問你點解，你可以話：「因為老婆懂得游水，所以我梗係救你先啦！」

假如阿媽知道老婆不懂游水的時候，再追問你，你可以答：
「如果老婆識游水，當然可以自救，老婆唔會怪我啦！如果老婆唔識游水，咁到時都無人會怪我啦！咁我救你，你梗係唔會怪我啦！」

如果老婆問你點解，用對阿媽的回答即可。
14. 引刀一快
2017-04-09 00:37
好嘢！正係語言專家，見人講人話，見鬼講鬼話。

呢個係社會高級技能。
15. 龍出大淵
2017-04-10 12:09
我會救老婆，唔只係佢會影響子女日後既成長，重要係佢會係老左時唯一一個人會陪伴我既人

唔係你父母，更加唔係子女
頁數：
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論；
  2. 禁止以名稱/暱稱/綽號/同音字等批評或映射任何人士、機構、公司；
  3. 禁止發佈有關招聘、推銷、廣告等內容；
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供，大部份回應/留言是即時上載，少部份未註冊為會員的回應/留言會經我們的系統過濾，所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限，故不能完全監察 所有留言，若讀者及用戶發現有留言出現問題，歡迎以留言或電郵方式與我們聯絡(admin@property.hk)，我們有權刪除/堵截任何留言 （刪除/堵截留言前不會作事先警告及通知）， 如有任何爭議，本網站管理員擁有最終的詮釋權 。