地產論壇
登入名稱
密碼
頁數:
順德美食行(2)鮮菜細做  
瀏覽人次:24294    回應:8

順德美食行(2)鮮菜細做  

 

湯文亮博士

紀惠集團行政總裁
2017年4月2日

  有老友問我,今次美食行點解要揀順德,唔係廣州,有所謂食在廣州,我問老友有沒有聽過北方人講粗菜細做,佢話聽過,我再問有沒有聽過鮮菜細做,佢話未聽過,順德菜就是鮮菜細做,基本上順德人早上下午都會到街市買菜,冰箱是用來放飲品。
       今早一行15人,十一點從香港出發,下午兩點在順德新世界酒店用午餐,菜單見附圖,時近清明,燒鵝是最好的選擇,做得不錯,其他就普普通通,太多用剢碎了的鮮魚肉,不過,這就是順德菜特色,鮮菜細做,值得一讚的就是服務相當有水準,而且應變的能力很高,在上完全部菜之後,有團友問還有沒有,女經理答,有,不過留返今晚。
      下午我同另外一位男團友去行街市,我知道要了解一個城市最好從街市開始,尤其是在中國,民以食為天,街市如果百貨俱備,這個城市應該是很繁榮,我們在街市影相,那些睇檔阿姨不但不會不開心,而且將魚肉擺好才叫我們影相,行了三個多小時,回到酒店稍歇,酒店送上一碗淮山茨實豬?湯,真窩心,飲完之後休息一會,今晩又去食。

順德美食行(2)鮮菜細做  
1. 打工仔 Andy
2017-04-02 21:00
沙發先 ! 哈哈!

真係好想食 ! ! 
2. 歷史長河
2017-04-02 21:09
剛食完一個杯麵,見到這張菜單,又餓了。
3.
2017-04-02 21:16
好掛住豬肉婆添
4. CD ROM
2017-04-02 21:29
我也剛吃完外賣show me your love飯,見到博士菜單就發現自己還未滿足了。。。
5. Jerry
2017-04-02 21:38
雙皮奶,正!博士日日有食神。
6. 打工仔 Andy
2017-04-02 21:46
我今晚只食麵包! 现在好餓!
7. Alan Pepper
2017-04-02 23:32
好似好正,肚餓了
8. 引刀一快
2017-04-03 05:38
吉列春花餅,我從未食過,一查方知,係順德新世界酒店所創製,成張菜單,欠咗一條順德河鮮,估計下一張菜單好快就會有,個人猜估,會係河口嘅半鹹淡河鮮。

講到燒鵝呢,羊額燒鵝固然係地方特色,但係南番順嘅燒鵝食譜中,最強應該係禮雲子焗燒鵝。

睇街市確係觀察一個城市富饒程度嘅好方法,甚至可以由飲食感受到當地文化,信息相當豐富。好嘅街市一般離好嘅住宅區唔遠,品種齊,靚嘢多,地區多數富裕。


頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。