地產論壇
登入名稱
密碼
頁數:
順德美食行(1)不是追求美食的美食行
瀏覽人次:24118    回應:13

順德美食行(1)不是追求美食的美食行

 

湯文亮博士

紀惠集團行政總裁
2017年4月2日

  有老友趁清明節有幾日假期,又知我小病初癒,問我有沒有興趣去順德一行,尋找美食,我話我有一個租客,是順德首席名廚,他主理的酒家晚晚爆棚,順德名菜,我亦試過不少,而順德各鎭名菜,我也認識不少,例如大良炒鮮奶,均安蒸豬,倫教白糖糕等,老友話今次有所不同,主餐全部在酒店,出外找一些平民小食,而國內酒店的中菜廳相當有水準,以不是追求美食的心態去尋找美食,箇中亦有其樂趣,老友這樣說,我唔去都唔得,坐言起行,稍後出發,我記得在一個月前去北歐,有網友叫我寫食經,老實說,當時我唔知點寫,今次不同,我會將此行的所飲所食寫出來,大家唔好妒忌,出發。



順德美食行(1)不是追求美食的美食行
1. 打工仔 Andy
2017-04-02 14:57
順德美食正, 
食在廣州, 煮在順德 !
2. 元朗人
2017-04-02 17:01
祝博士旅途愉快,稍後分享美食經歷。期待中!
3. 無奈
2017-04-02 17:46
寫西方食經的確有點困難,有研究顯示人種之中,亞洲人種(亞美人種)的味覺基因比歐洲人種(歐羅巴人種)的要複雜得多,所以菜式亦以亞洲人種類較多。

早年華人在西方開唐餐館,總能以餛飩湯(清水+蔥花+生抽)及炒雜碎而打出名堂,老番的舌頭其實很簡單。

我覺得去歐洲其實冇啖好食,其吸引之處在於文藝復興之後的歷史遺跡。
4. 引刀一快
2017-04-02 18:15
好嘢呀好嘢呀,湯先生呢個級數人士去到順德,肯定大把嘹能嘢食,以文字餐饕餮,翹首以待,看後一定按圖索驥。

雙皮奶,姜埋奶,順德就大良,番禺就沙灣鐘村,香港賣幾貴都唔係佢哋果種風味。

5. 引刀一快
2017-04-02 18:20
打工仔兄


順德人識食,南海人為食,所以兩個地方都好多好嘢食。
6. 引刀一快
2017-04-02 18:27
無奈兄

我諗,中國南北方人味覺都有差別,所以好多北方人嚟到香港就覺得豐富到不得了。
7. 無奈
2017-04-02 18:43
刀兄,我反而覺得食在廣州名不虛傳,到處都有中國及世界各地菜,香港的中國各地名菜不多。
8. 打工仔 Andy
2017-04-02 20:59
引刀兄

真係聽见都口水流呀 !
9. CD ROM
2017-04-02 21:32
我對自己既家鄉,真係一d認識都無。。。

要靠博士介紹了~
10. 打工仔 Andy
2017-04-02 21:48
CD兄

我都未回過鄉 !
11. 引刀一快
2017-04-03 04:03
無奈兄

廣州食其他中國菜系必然優於香港,因為廣州包容力強,全國幾乎九成地方人士都在廣州活動,各地地方菜式有市場,而且廣州本地人食性亦因應而廣,辣、麻、生、醃、肥、陳、醜、腥、膻、嗆,乜都食得落,甚至有大量嗜食者,中國各地菜比較容易落戶生存。

不過外國菜式就明顯不如香港,材料、廚師兩者未能跟上或配合,我幾年前同人夾份做西餐,除部分拳頭菜式外,其他西菜我並不滿意。
12. 引刀一快
2017-04-03 04:18
打工仔兄,CD ROM兄

家鄉有人冇人差別好大,不過有空閒最好趁早揾時間去下,會發現到好多家中習慣、觀念嘅根源。
13. 打工仔 Andy
2017-04-03 09:54
引刀兄

都要了, 有机會會上去睇睇 !
頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。