地產論壇
登入名稱
密碼
頁數:
茶餐廳亂話(83)製造動亂的消息
瀏覽人次:29730    回應:7

茶餐廳亂話(83)製造動亂的消息

 

湯文亮博士

紀惠集團行政總裁
2017年3月29日

  今早天氣不穩定,跑步比較辛苦,跑完步去到茶餐廳,咖啡還未到,老闆連其他人客人都唔招呼,立刻坐在我對面問我政府是否準備加差餉,因為花旗銀行發表消息,政府準備在今個星期五或者以後任何一個星期五加差餉,我知道老闆在該社區有十幾個物業收租,我話唔需要擔心,這是一份可行性報告,只不過分析員希望市民留意,於是引用政府內部消息,嚴格來說,他是發放擾亂市場的假消息,是嚴重罪行,如果政府在這個星期五真的是加差餉,又變成有官員洩露政府的機密,同樣是嚴重罪行,我認為花旗的分析員做得很錯,相信政府已經採取行動,分析員有得震冇得瞓。

  老闆聽完之後開心很多,其實,做分析就是做分析,千祈唔好為了加強認受性而說消息來源是有關人士,那些人不是做分析,而是製造消息,就好似今次加差餉,政府如果在今個星期五加差餉,分析員就會話他的消息來源準確,如果唔加,根本唔關佢事,只是給他消息的政府官員發放不實訊息,既然什麼也不關佢事,就不算是分析,今次加差餉事件,的確引起些少風波,如果政府要加差餉亦無話可說,如果不是的話,請政府撤查那些發放不確實消息的人。

茶餐廳亂話(83)製造動亂的消息
1. 真真薯片
2017-03-29 09:59
以689既性格, 你叫佢做就做, 咪好冇面? 

所以比佢咁樣講一講, 本來要加都變左唔加得啦, 花期其實係做樓市好友, 同菜生請正苦加辣防止一份合約買幾個單位一樣, 唔想689做既野, 你大聲叫佢做就得

2. Tony lam
2017-03-29 09:59
花旗比呢份垃圾出街、真係要問責先得、連最基本嘅邏輯都冇、業主會硬食咩?租樓已經咁重皮、真係想好多人瞓街抗議  ?
3. Tony lam
2017-03-29 10:21
每次銀行蹓我傾偈、扮哂專業、又風險評估、又市場分析、我都忍笑忍得好…幸…苦、哦…哦…哦…比唔到反應。
4. 十郎
2017-03-29 10:29


      牛奶仔+牛奶妹。

5. 凝風
2017-03-29 10:46
我都希望係假消息~
不過聽完既所有業主,邏輯上就覺得好真,不然老闆不會飛撲去問博士。
政府要住宅不要成為投資產品,不斷想壓縮投資回報,阻嚇投資者再入市。
不過賣樓就未必~
6. 真真薯片
2017-03-29 11:25
正苦不如出“甜招”

多過一層樓既人, 賣樓唔洗比印花稅, 仲可以退單印稅, 你肯賣樓就塞錢入你袋! 但係賣完樓收完錢3年內再買樓就要比40%超辣稅!
7. 租管
2017-03-29 18:16
加差响必定出埋租管,否则本来倒置。
頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。