地產論壇
登入名稱
密碼
頁數:
有資格說樓市爆煲的人
瀏覽人次:31048    回應:8

有資格說樓市爆煲的人

 

湯文亮博士

紀惠集團行政總裁
2017年3月22日

  有記者朋友同我講,施永青有多少火,佢話買唔起樓的人才會說樓市爆煲,擺明是講我,我叫記者請勿誤會,雖然,我個人名下沒有持有任何住宅單位,但我其實擁有很多物業,老施知道我一定夠資格買樓,只不過是留番配額買優質住宅,老施絕對不是講我,再次提醒記者請勿誤會,我後來才有多少恐慌,如果我沒有持有任何物業,仍然是租樓住,甚至真的是買不起樓,而我又話樓市爆煲,任何人都可以話我沒有物業,根本沒有資格講樓市爆煲。

  老施不明白,我話細價樓爆煲只不過是提醒那些準備上車人士,應該量力而為,條數唔好計到咁盡,更加唔好向財務公司借錢上車,是叫他們小心一點,並不是買唔起樓,畢竟在市場上有實力而有願意提醒買樓人士的人實在不多,我略盡綿力而已。

  大家去睇足球比賽,任何一隊領先的足球隊,即使他們的實力稍強,無論是領隊或者是球迷,都會大聲疾呼叫球員打防守,反之,如果是輸緊波,即使球隊實力稍弱,領隊一樣會大聲叫進攻,反正都是輸波,倒不如搏一搏,所以,買得起樓的人提醒別人樓市會爆煲的説話才有認受性,不過,老施亦說得對,市場上的確有一些買不起樓的人說樓市會爆煲,我認為那些人好似賭場的塘邊鶴,根本不適合發言,我對記者話,相信老施的說話是針對他們,並不是針對我。

有資格說樓市爆煲的人
1. 歷史長河
2017-03-22 10:13
老施亦說得對,市場上的確有一些買不起樓的人說樓市會爆煲,我認為那些人好似賭場的塘邊鶴,根本不適合發言」



我以前用太監論女人來做比,可惜鶴們不太受落。唔知點解。難道「塘邊鶴」聽來順耳一些嗎?
2. 真真薯片
2017-03-22 10:14
大家對唱反調既人要求會比較高, 人之常情

如果人人都睇升, 你去睇跌, d人會諗“你乜水啊?” “你咩新鮮蘿蔔皮咁巴閉啊?”總之你同大眾睇法唔同, 就會比大衆質疑同批評, 你跟大隊睇升就冇人會理你有冇樓

同一道理當人人睇跌既時候都一樣
3. 鳥5
2017-03-22 11:06
米就話,估中都冇運行,摸頂上車,通常都係被迫架啦!
4. 湯瑪斯
2017-03-22 11:37
我有一層樓及兩個車位,應該屬於買得起樓既人,我都認為香港樓市兩年內會爆煲。施兄不應該一竹篙打一船人。至於話買唔起樓既人雖屬塘邊鶴,但香港有言論自由既,無理由唔俾人地發表意見。至於塘邊鶴的意見合唔合理,睇理據既姐。樓市同股市一樣,唔易睇。如果唔係好多人都發左達啦。近數十年,玩股票既十個有九個都輸,現樓市既多數都贏。不過亦有人現樓市輸到身家性命都冇埋!
5. 金樓玉衣
2017-03-22 12:00

to 1/F

此乃腸也, 太監最忌諱比人話無x用.

博士用賭場的塘邊鶴好得多, 不過我去賭場, 最討厭的便是那些無錢或唔敢落注又阿支阿左的塘邊鶴. 多謝博士今日比喻.

好評!

6. 向引刀‧土著‧自醉‧浪子‧阿井 說不
2017-03-23 00:27
你以前用太監論女人來做比喻邊個呀?邊個咁冇種,冇咗隻啫啫雞?講清楚啲好喎,唔係,俾個賣水產海鮮位大嬸話你性別歧視,咁就唔好聽啦‧‧‧
7. 引刀一快
2017-03-23 07:11
木乃伊碌X用紗布卷住,可以充避孕套喎,哈哈哈
8. 引刀一快
2017-03-23 07:17
老鴇招唔到客就話路人係太監,結果成街都係公公。
頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。