地產論壇
登入名稱
密碼
頁數:
茶餐廳亂話(75)九倉應該對社會有承擔
瀏覽人次:30196    回應:35

茶餐廳亂話(75)九倉應該對社會有承擔

 

湯文亮博士

紀惠集團行政總裁
2017年3月11日

  昨晚在紅棉路壁球中心有比賽,打完波之後接近8點,壁球水吧收工,對方班鬼佬鬼殺咁嘈,因為中心11點才關門,冇可能8點鐘水吧就收工,工友話,水吧見8點以後生意不多,所以關門,我們話沒有可能,經營機構投到水吧,就一定要根據壁球中心開放時間營業,不能夠話某一個時段生意唔好就關門,唔知點解康文處又容許他們這樣做,大家冇啤酒飲,唯有早一點去食飯地方。

  今早跑完步去到茶餐廳,同老闆呻下,老闆話,壁球中心水吧關門,只是小事一件,有缐分分鐘會停播,因為有缐年年蝕錢,九倉停止泵水,老闆認為在商言商,九倉是沒有錯,但有線是傳播機構,九倉投得有線之後應該是長期營運,續約只不過是大家優化雙方有利條件,並不是九倉可以利用續約而停播,在法律上九倉可以說是無懈可撃,但應該對社會有承擔,繼續支持,這就是我們常說的社會企業責任,一間大機構將不賺錢的附屬公司撇除,情況好似水吧將少人幫襯的時段關門一樣,我見老闆憂心重重,叫佢放心,有線不會停播,只不過是趁續約時爭取更有力條件,如果九倉打算唔玩,索性將有線熄機,派一個公關大員講幾句說話就可以何需勞動主席。

茶餐廳亂話(75)九倉應該對社會有承擔
1. 打工仔 Andy
2017-03-11 08:45
曾經用過十幾年, 好辛苦先可以轉得走 ! 
2. Oscar Lam
2017-03-11 10:05
年年蝕錢,最重要是看不到前景,很難向股東交待。
3. 引刀一快
2017-03-11 10:28
打工仔兄

唔係喎,我前年退有綫好輕鬆,差唔多到期,去砲臺山個門市,填張方就ok,完全冇刁難阻撓。
4. Jerry
2017-03-11 10:31
哈哈,聽說退有綫要帶炸彈去喎
5. 引刀一快
2017-03-11 11:03
淨係要你還機頂盒咁多啫,完全冇阿吱阿咗。
6. 向飯民說不
2017-03-11 12:02
香港人懒者,吾肯跟有线步骤,cut 过两次,都无问题。不过pccw简单很多。打电话就可以。专人上门拿setup box。
又是那一句,香港吾和深圳融合,700万市场无乜竞力。

7. 引刀一快
2017-03-11 13:44
向飯

呢次我同意你講法,砲臺山個哥哥仔好好態度,不但冇阿吱阿咗,仲俾好多其他意見,怪之有綫客戶流失喇,哈哈哈哈
8. 引刀一快
2017-03-11 13:47
向飯

你眼光就係低喺呢度,要融合就融合珠三角,淨係融合深圳,攞唔到最大著數嘅,既生瑜,何生亮,深圳硬件又超過香港,咪盞俾人撳住。
9. Jerry
2017-03-11 14:14
引刀兄:


你咁順利cut 台,可能同以上新聞有關,哈哈!

我最近幫個外籍租客cut有線都好順利,前人種樹,後人乘涼,哈哈
10. 引刀一快
2017-03-11 14:19
Jerry兄

問心果句,有綫果位哥哥仔攞唔到100分。面對客戶當然唔應該惡意阻撓,但係作爲員工,為公司為老細,係咪有個善意溫馨挽留會好D呢?起碼俾個客感受到重視同存在感嘛。
11. 打工仔 Andy
2017-03-11 14:29
引刀兄

可能後來易d, 我都轉走左幾年了! 
12. 向飯民說不
2017-03-11 14:34
引刀,香港和深圳融合,自然会同珠三角融合。

不过宜家香港人仍然觉得自己高人一等,完全没有放下身段。重要驱惶,沟物,点融合。每一次政府搞融合,饭民都会阻止。拉布。高铁,港珠澳全部都因为饭民玩野,而推迟。
13. 向飯民說不
2017-03-11 14:54
连一地两检,饭民都反对,仲点融合。引刀,你讲比我听。
14. 引刀一快
2017-03-11 15:11
向飯

珠三角同深圳,係大異其趣呢。香港必然係先与珠三角融合,有足够籌碼先同深圳親熱。
15. 十郎
2017-03-11 15:28


      財爺話,有咁耐風流,就有咁耐折墯。哈哈,好好笑。

      不計算回歸之前,單是回歸後20年,每日150人入境香港,就有110萬人,計算埋出生的,和稀了不少。香港人!哈哈-----早睡早起喇!


16. 向飯民說不
2017-03-11 16:17
引刀,这样的舍近就远,是好难成功。
但是饭民的行动反对港珠澳大桥,一地两检实际上破坏你的理想。港珠澳大桥,令香港可以by pass深圳。一地两检,令香港人可以不在深圳下车,直接出大陆。而3跑更是同全世界连接。海阔天空。
17. 引刀一快
2017-03-11 18:54
十朗兄

你漏咗一類,就係攞咗香港身份證之後,返大陸繼續生活生兒育女,子女都係香港戶籍,但係係大陸成長受教育,呢類子女係名義上香港人,唔少。
18. 十郎
2017-03-11 20:18


      香港人班細路驅蝗,夠污,本土優先。但係點解追隨一個湖南仔,攪港獨呢?這樣何謂本土優先?湖南仔係唔係蝗蟲?我好混亂!


19. 向飯民說不
2017-03-11 22:18
十郎,你有无观察到条湖南仔可以去哈佛读书,还有占中时,西媒话比nobel 和平奖比河童,难道这些都是巧合。什么港毒,驅蝗,夠污,本土優先。其实背后都有金主支持。

无论你憎唔憎恨中共,香港维持现状,对香港人是最有利的。对这里的投资者,甚至对投资大陆的业主都是最有利。什么港毒,驅蝗,夠污,本土優先,占中,只会搞乱香港,中国。破坏你的投资组合。占中颜色革命都是西方刮毛的方法。

你不明白湖北仔的行为,我更加不明白这里的投资者包括业主支持饭民。

20. 引刀一快
2017-03-11 23:48
http://mp.weixin.qq.com/s/g0aTPH-Ih6G9LHhQemcZsQ

峰迴路轉……
頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。