地產論壇
登入名稱
密碼
頁數:
幼稚園不寫字
瀏覽人次:21502    回應:5

幼稚園不寫字

 

左丁山

2017年3月9日

  特區政府教育局明令接受政府資助的幼稚園,不得教導學生寫字,引起一班有兒女、有兒孫嘅朋友熱烈討論。首先講幼兒(K1-K3)學生應唔應該學寫字,老一輩就以為點解唔得呀?我地阿爸阿爺嗰一輩,如家裏有個錢,就會三四歲入學讀私塾,背誦三字經、千字文,跟住學揸毛筆寫字;上一輩人即使因種種原因,例如戰亂而輟學,以致教育程度不高,但一般都有中文底子,識寫書法,呢樣嘢當然係歸功於小時候背誦之學與自細學寫字之故。

  現在教育專家有新研究、新理論,認為幼兒過早在幼稚園學寫字,有害無益,一啲理論係睇落有道理,古老人唔明白嘅,就係幼兒體格未發育完成,過早學寫字會對坐姿,脊椎、手腕嘅發展有影響,如一向姿勢不正確,長大後身體就容易發生毛病或甚至有少少缺陷,其次,如幼稚園太過重視寫字功課,相等於迫使孩子犧牲其他學習玩耍時間,視寫字為苦差,久而久之,會發生厭學情緒。前者係「體格」不良影響,後者係心理不良影響,21世紀家長聽見就怕。

  係唔係因為一啲新研究、新理論出現,就會令教育局禁止幼兒學寫字嘅指引,大受家長歡迎呢?哈,又唔係噃,左丁山問過幾個家長,佢地意見一致反對幼兒唔寫字,Y女士話:「教育局官員啲仔女梗係預備留學英國㗎啦,對香港教育實況堅離地。幼稚園學生畢業都未識寫字,點入DGS,DBS,喇沙呀,傻嘅咩。」Y女士嘅仔讀九龍塘著名幼稚園,K1就學寫一、二、三、四呢啲簡單中文字啦,會一路一路加上去,目的就係要培訓學生考入上述著名學校,呢啲幼稚園係私營「國際幼稚園」,以英語、普通話教學,因不受政府津貼,可以當教育局指引冇到。問另一小Y Y,佢個女讀緊K1,又係已經學緊寫字,不止一二三四,連個山字都識寫;再問記者G,佢個仔讀幼兒班,下一學期升K1,佢話:「好多家長群組嘈緊呀,話學券幼稚園唔准學生寫字,三年後一定落後於人,學生唔夠爭,家長諗辦法轉仔女入讀國際幼稚園呀!」果真「一國兩制」,幼稚園學生係行緊「一港兩制」,莫講係吳克儉,搵李國章做番教育局長都冇法子解決「幼稚園兩制」問題,問今日成為英文ghost writer嘅肥仔K,記唔記得幼稚園學寫字,佢諗咗一輪話:「我讀啟思幼稚園,明玩嘅啫,冇功課做,記得讀完K3都唔多識英文!

幼稚園不寫字
1. Ong
2017-03-09 16:51
睇十七才子抹幾塊薄片當樹開畫展,就知同佢個人咁單薄冇料了,哈哈 !
2. Leo
2017-03-09 17:02
Ghost Writer(Ghostwriter),影子作者,幽靈作家,代筆,凡是用筆輸出腦汁者,都可以雇用這些専才或通才,包括作曲寫詞畫畫,他們取利捨名。左生忙於刨馬或外遊或偶而微恙欠安,也不妨請乖仔客串一下GG細語,保證100%左生的口吻筆風!
3. MMC
2017-03-10 10:09
香 Sir 好文!全球也確實面對很多矛盾,其中一個就係世代之間的,唉。
4. 李伯恒
2017-03-10 11:08
左膠講到好神奇, 乜都唔駛做
大咗咪好似佢地咁鳩吹水囉
5. Popo,學習和別人溝通。
2017-03-10 17:55
寫字是有用的,不過,不同年紀,學習不同的東西,年幼時應該從遊戲學習,才能訓練他們視覺和手腳協調,也可以在過程中學習和別人溝通技巧。過早學習寫字,只會減低學習興趣,也損害兒童的身體。
頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。