地產論壇
登入名稱
密碼
頁數:
一樓兩價
瀏覽人次:29398    回應:8

一樓兩價

 

湯文亮博士

紀惠集團行政總裁
2017年3月8日

  我去北歐旅行期間,中原城市領先指數連環破頂,施永青轉軚,本來預測今年跌8至10%變成在未來18個月倒升20%,雖然理由頗為牽強,但夠膽在樓市從未下跌便預測調頭回升,一定要有相當心理質素,因為如果唔升反跌,就會被人笑到面黃,不過,樓價上升絕不出奇,因為樓市將出現一樓兩價。

  有年輕朋友同我講,他的住宅單位升了很多,如果現在賣走,可以幾年唔需要返工,我問他的住宅單位是不是用有限公司持有,如果唔係,他只不過是紙上富貴,事實上很難將單位以高價賣走,年輕朋友話他是香港人,買樓只需要付正常印花稅,如果用有限公司買,要額外多付15%BSD,有冇咁傻,物業代理同佢講真的有高價成交,而且新盤全部加價,唔通仲有假,佢叫我唔好睇樓市睇得咁淡,否則,我會損失搵大錢機會,我話多謝教誨,叫他嘗試將住宅單位出售,睇吓物業代理點樣講。

  如果有人在三年前買了樓,見到現在樓價,又不用付SSD,隨時會心動將自住單位賣走,不過,當他們放售時,物業代理第一句就會問那個單位是否由有限公司持有,如果話唔係,代理就會話很難做到好價,因為買家是找尋那些用有限公司持有物業,貪最高可以慳30%印花稅,如果不是由有限公司持有,減價兩成或者有機會,現在大家見到的高價成交,大部分的物業都是以有限公司持有,只要將股權轉讓,就可以完成物業買賣交易,不過,大家不能說那些成交價是虛構的,只是不需要付印花稅的成交價,物業代理當然不會講實情,不需要太久,物業市場便會出現一樓兩價,住宅單位如果用有限公司持有的售價會高很多。

一樓兩價
1. 引刀一快
2017-03-08 10:52
廣州果邊賣樓興“實收”,睇嚟香港會出一個“實俾”。
2. 小文員
2017-03-08 10:56
博士識果D應該大部分係同胞同投資者, 億億聲成交, 普羅大眾點會去買人間公司, 每年維護費都唔少, 又花神管理
3. 真真薯片
2017-03-08 12:15
引刀兄,

大陸買樓有冇稅? 實收包唔包稅?
4. 史路比
2017-03-08 12:33
博士 有限公司持有供款利息不能扣稅哦,小弟覺得用有限公司還是個人名義持有,主要是看年紀與收入和資產,年紀輕收入高的應該會選個人名義持有,趁年輕扣稅先。年紀大資產多的會選擇有限公司持有,因為風險細。
5. 向饭民说不
2017-03-08 12:37
有限公司over 千万先有意义,普通人点会用有限公司
6. 引刀一快
2017-03-08 12:39
真真薯片兄

大陸買樓當然有稅,“實收”即係賣家要收賣樓價,其餘一切款項稅項由買家負責,呢樣嘢最好有中介把關,成交之前按情况計算出大約稅費,令買家有充份準備。

按湯先生今日所提出情况,估計會出現類似“實俾”嘅交易方式。
7. 真真薯片
2017-03-08 12:56
引刀兄,

多謝分享

依家地代鐘意幫香港一手樓計所謂“光豬價”, 目的係扮平, 如果係“實比”, 價錢就會貴左, 只可以sell大陸客

其實之前有探討過, 發展商可唔可以開幾百間空殼公司, 賣一手樓時按買家要求將單位注入空殼公司然後再賣公司, 理論上係可行, 不過咁樣做太串. 正苦就算告唔入發展商都可以搞調查查到你唔洗賣樓, 結果搞唔成
8. 鳥5
2017-03-08 19:54
cY擺明打刧地商,仲要預地5會出声。條友係則師,招數非凡辈。。話佢搶地,要佢冇地,佢就搶錢。。借力打力。。上埋政協,亞爺攪香港地策要佢明再轉番暗。。
頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。