地產論壇
登入名稱
密碼
頁數:
茶餐廳亂話(73)北歐四國紀行之飲食篇
瀏覽人次:27197    回應:10

茶餐廳亂話(73)北歐四國紀行之飲食篇

 

湯文亮博士

紀惠集團行政總裁
2017年3月7日

  我雖然在北歐旅行期間依然有跑步,但始終不及在香港跑,今早跑完步,去到茶餐廳,老闆話我好似瘦咗,我話是的,本來我打算在北歐旅行會重3kg,但結果在回家後磅重,竟然發覺輕了1kg,老闆問點解,理由很簡單,就是冇啖好食,我話如果將茶餐廳搬去北歐任何一國,一定會客似雲來,老闆話明知有錢賺都唔去,天寒地凍,日子唔知點過。

  在出發之前,我已經知道冇啖好食,導遊同我講,最緊要在早餐時食飽飽,午晚餐的質素都不會很好,但估唔到,比我想像中還要差,尤其是在食材方面,餐廳選用剛產卵的三文魚為主菜,肉質很霉,與我們在香港所食的絕不一樣,我很多時午晚餐都只飲湯食沙律,所以體重不增反減,最滿意的一餐是中式自助餐,食物是茶餐廳式,老闆很大方,不斷添加食物,當中有葱爆牛肉及干炒河粉,我們將之兜亂,自製干炒牛河,而我對北歐的飲食文化,結論是乏善足陳,不講也罷,回到香港,唔知點解,食水煮麥皮都很好味。

茶餐廳亂話(73)北歐四國紀行之飲食篇
1. Oscar Lam
2017-03-07 16:05
香港人對飲食的要求非常高。去外國旅遊,才真正領會到香港這個美食天堂非其他國家可比。
2. 自我陶醉
2017-03-07 16:55
回想第一次去曼谷時,團裡的膳食都非常差,當時還以為所有泰國食物和烹飪都不入流,晚上餓了,在酒店點了一個普通炒飯,本來也沒有什麼期望,豈料,食物質素都竟比日間的膳食好十倍,這時才發現原來問題不在當地的食物,而是在旅行社的安排上。
 
3. 真真薯片
2017-03-07 16:58
難怪丹麥人身材好
4. 新抱仔
2017-03-07 17:07
完全明白😂
5. 引刀一快
2017-03-07 19:35
哇,唔係嘛?完全顛覆咗我嘅生物常識,我以為三文魚一產完卵就99%都會自然死亡,乜咁都可以攞俾人食?唔通北歐嘅三文魚同大西洋三文魚生物習性唔同?睇嚟北歐人好慳喎。
如果係人工催產,會打激素,係唔食得嘅。
6. 引刀一快
2017-03-07 19:44
自我陶醉兄

去泰國我最滿意嘅一餐,係喺芭提雅搵大排檔食宵夜,每檔埋一兩樣,血蚶、炸蟋蟀、燒牛廣仔、豬肘子成隻買、白切雞,地道嘢係正。
7. 香港土著
2017-03-07 23:03
個人覺得,現今市道大部分茶餐廳都係提供劣質食物,人頭$50樓下多數要食垃圾,連鎖快餐就好少少……
8. 打工仔 Andy
2017-03-08 07:09
一般茶餐廳好行貨, 好食嘅難揾, 不過東大街果d 幾好, 有驚喜! 
9. 自我陶醉
2017-03-08 08:40
引刀兄,

在泰國,有很多路邊小店都不錯,選些多客的店幫襯,唔錯得去邊。

10. 引刀一快
2017-03-08 10:46
自我陶醉兄

其實泰國嘅農産品質量真係幾好,我覺得有D嘢清水白烚都好食,比如血蚶,居然冇泥味。
頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。