地產論壇
登入名稱
密碼
頁數:
轉軚再轉軚
瀏覽人次:28957    回應:4

轉軚再轉軚

 

湯文亮博士

紀惠集團行政總裁
2017年3月7日

  我去北歐旅行,一到埗便已經收在不少短訊,全部都是問我老施轉軚,我又點睇樓市,當時我連時差還沒有適應,又肚餓,對於這樣突如其來問題,都唔知道點樣反應,唯有話我正在旅行,不問俗世煩事,老施是地產及代理界泰山北斗,轉軚一定有他的原因或者苦衷,我堅持己見,在利息還未上升,供應正在增加之際不敢轉軚,因為,這兩個因素的確是最能夠影響樓市,否則,政府官員就不會經常話小心加息,以及在未來三至四年內會有九萬四千個住宅單位供應,記者們都夠老友,在我旅行時沒有再搵我,使我有時間認真思考這個大問題。

  我去到挪威,參觀一個以「性」為主題的公園,本來公園最著名雕塑是「憤怒的小孩」,但我發覺另一雕塑更加符合未來香港樓市預測,叫「反轉再反轉」,在供應未正式增加,利息未開始上升時轉軚,恐怕唔需要太久,當上述兩個因素出現的時候再轉軚,就會變成轉軚再轉軚,難度比反轉再反轉高很多。

  我在旅行期間,收到老施為了轉軚而發表了自辯書,與我所想的有很大出入,甚至根本沒有半點牽連,如果我轉軚就會話國內的走資情況嚴重,國內人士不問價買香港樓,樓價想唔飆升都唔得,老施竟然同意香港樓市與用家購買力脫節,不過,與投資者的購買力沒有脫節,換句話說,香港物業市場是炒家市場,老實說,老施可能不懂得炒家心理,炒家就是快用家一步入市,當樓市上升,他們就會獲利離場,既然現在的樓價已經與用家購買力脫節,唔通上升了兩成之後,他們又可以負擔得起,我不明白老施道理,唯有堅持己見,認為今年樓市是先升後跌,無謂他日被人媽到反轉再反轉。

轉軚再轉軚
1. 真真薯片
2017-03-07 12:31
如果維持低成交量, 靠大陸資金不問價買樓, 的確可以再炒上兩成, 今年一手成交如果少於一萬個就得

話時話, 中原指數148再升兩成就係177, 如個可以係4個月之內達標. 絕對係比689完成任期既最佳禮物. 在下祝願老施馬到功成
2. 鳥5
2017-03-07 18:21
李生話5谦最後一個銅,錢,最後果個銅錢,通常都係最堅,而家地商平手成本,约出貨6成,(似前3成)所以供應出到市場6成就不敗之地,所以供求係可以人為樓曲一段時間。牛市估頂,非理智。灰熊估底如是也。心中有數是也
3. 真真薯片
2017-03-07 20:41
2樓講到重點, 近排起碼有兩個盤都係賣到7成左右就收手, 呢招炒股叫做放風箏, 因為已經完全收回成本, 剩返果d可以擺係度睇超長線, 讓盈利奔跑

如果個個發展商都咁做, 新樓供應可以打返個7折
4. 鳥5
2017-03-07 23:56
應同3/F供應係可以人為打7折,但如果我地果今日認識既刚需跌過3成呢!(暫未發生)如果一件 賺錢赚足13年既投資產品一但頂部跌2一3成,全人類盡出借盡買樓。。之後一年升5番。。D個時候既刚需同頂部果刚需又打?折呢?。。。賺錢果時人人有需要,叫老豆做孝子,如果書綫又有幾多人有需要呢?所以既數據分息,不能绝準,因為數據在事件之後,即係浪頂high野果下睇見到係最靚既數據。。。同埋孝順仔。。Ho1dingPower,係唯一自身保障,市塲無常,息率無常
頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。