繁 / 简 / ENG
App下載
代理登入
主頁

搵樓/成交
搵樓
綠表居屋
一手新盤
買賣成交
租賃成交
臨時買賣合約
一手消耗表

業主放盤
放盤主頁
搵地產代理
刪除樓盤

宅谷按揭
博客
博客主頁
所有回應
地產論壇
註冊成為會員
新聞

數據公佈

置業手冊
置業流程
租樓 vs 買樓
一手 vs 二手
睇樓書
居屋百科
村屋
物業起底
化妝樓
凶宅
驗樓 DIY
即時估價
按揭計算機
英中詞彙
英文縮寫
置業避雷針
租屋指南針
相關網站
VR睇樓

關於我們
地產論壇
論壇首頁
登入名稱
密碼
忘記密碼註冊成為會員
頁數：
有劉有高潮
瀏覽人次：28010    回應：10

有劉有高潮

 

湯文亮博士

紀惠集團行政總裁
2017年3月1日

　　我們在少時候去玩，有時會跌到一仆一碌，起了一大個腫瘤，阿媽見到實鬧到飛起，我們一定話唔緊要，最緊要玩得開心，有瘤有高潮，估唔到這句話在幾十年之後，在香港人被一個非常現實小姐唱紅，不過就變成有樓有高潮，老實說，我聽唔到人鬧佢，不過，就有不少女士認為佢唔值，男士就會話如果有一層2,000呎樓就唔揀佢，原來全香港都咁現實，大都會的特徵之一。

　　香港選特首，林鄭幾乎收盡天下兵器，我在飛機上寫這篇文章時，知道曾俊華入閘，胡官亦沒有問題，不過就唔多滿意，最唔滿意當然是葉劉，就算可以入閘，都不知道費盡了多少唇舌，又要低聲下氣，好似跪地餵豬乸，老實說，我都唔知道點解咁多人鍾意做特首，其實，有樣辦俾大家睇，收場都唔係幾好，最多只是曾經風光過。

　　根據今年大熱金句「有樓有高潮」，選特首就唔能夠沒有葉劉，否則就會失色不少，如果沒有葉劉，就算其他參選人全部入閘，結果其實早已知道，曾俊華同胡官早已打定輸數，些少高潮都不會出現，但如果葉劉入閘又絕對不同，結果雖然不會改變，不過，她見到形勢不佳，一定會出聲話班選委偏幫林鄭，論資質，兩人不相伯仲，論管理，兩人受同樣訓練，況且，葉劉自問對國家忠誠度比其他參選人高，又夠膽將23條立法，所以，葉劉如果能夠入閘，一定高潮疊起，同時應了今年金句，今次是「有劉有高潮」。

有劉有高潮
1. 咁都得
2017-03-01 14:36
博士真不是凡人，咁都寫到编，仲要好抵死。
2. 真真薯片
2017-03-01 14:55
博士又講到重點, 其實林鄭除左係中聯辦指定之外, 客觀條件同其他幾個候選人分別不大, 入閘前d人妖魔佬兩位男仕, 如果兩位男仕最後突然唔入閘, 變做林鄭對葉劉隻抽, 其實冇乜客觀理由支持或反對其中一個, 再者葉劉屋企冇移民(好似係), 仲因為推23條而下過台, 客觀睇背景仲紅過林鄭, 撐林鄭班人點樣兜?
3. 秋水
2017-03-01 15:56
林鄭最大敵人好明顯就係葉劉，從提名票大比數落後可證明，論政績大家50/50，而葉劉經歷我深信比林鄭多，處事方式都會較圓滑，如果入到圍未知數和變數都很大。至於另外兩位都係算吧啦，都係反對派為反共而無奈支持，薯片從佢一怒之下派六千，已經唔適合做特首，身為領導人IQ唔高唔緊要，EQ及AQ才是重點，明顯佢兩者欠奉，而責任感同承擔都無為多說，臨做財政報告先走嚟辭職，將來特首做得唔如意有壓力，佢會點做？至於胡官參選時已講明係針對CY，我相信CY話唔連任佢真係有啲驚，但洗濕咗個頭，唔撐落去唔得，真係選到佢自己都唔知點算，之後走落去佢應該都會求求其其，不會太給力。而且識揀現在一定揀葉劉，除佢可塑性較大外，最大原因係佢現在入唔到圍，將來有問題都可以看到拋低一句「如果當日選葉劉就可能唔會有咁嘅問題!」
4. 向飯民說不
2017-03-01 16:12
饭民325铁票。所谓建制派的有几多系鬼，真系吾知道。如果有两个建制派出选，分分钟比毒梅做造皇者。薯片已经是饭民代言人。不要在欺骗大众。
叶刘太stubborn.仲要成日要和中联办切割。中央点信他啊。中央不想在玩23条和政改啦。唔想在饭民民粹玩撕裂。
在次证明黄c。明明黄c日日抹黑林郑。但却倒转讲。
5. 引刀一快
2017-03-01 16:23
點解中央唔欽點葉劉？
6. 真真薯片
2017-03-01 16:31
其實葉劉唔選好過選, 睇下唐唐, 689同貪憎既結局就知
7. CD ROM
2017-03-01 17:26
剛宣佈競選工程結束了............
8. 向飯民說不
2017-03-01 19:12
哈哈，引刀，薯片一唱一和。
9. 打工仔 Andy
2017-03-01 20:52
葉劉值得尊重! 
10. 引刀一快
2017-03-02 06:13
葉劉係最衰搞23條啫，聞說愛惜下屬，起碼唔會出現“尖啤”事件吖。
頁數：
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論；
  2. 禁止以名稱/暱稱/綽號/同音字等批評或映射任何人士、機構、公司；
  3. 禁止發佈有關招聘、推銷、廣告等內容；
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供，大部份回應/留言是即時上載，少部份未註冊為會員的回應/留言會經我們的系統過濾，所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限，故不能完全監察 所有留言，若讀者及用戶發現有留言出現問題，歡迎以留言或電郵方式與我們聯絡(admin@property.hk)，我們有權刪除/堵截任何留言 （刪除/堵截留言前不會作事先警告及通知）， 如有任何爭議，本網站管理員擁有最終的詮釋權 。