地產論壇
登入名稱
密碼
頁數:
施永青並沒有轉軚
瀏覽人次:25469    回應:7

施永青並沒有轉軚

 

湯文亮博士

紀惠集團行政總裁
2017年2月28日

  我去了北歐旅行本來暫時唔評論香港樓市,但想做都做唔到,落機冇耐,收到無數短訊,話施永青轉軚,從年初預測樓市下跌接近一成,到昨日在記者會上預測未來一年半會升兩成,我早已打算唔覆任何提問,但當中有一個訊息話施永青,林一鳴,以及小弟都是預測今年樓市先升後跌,現在老施過了我們兩人一棟,朋友講得咁坦白,我有必要了解究竟老施點解會轉軚。

  我一睇張相片就知道原因,老施在記者會上發言,左有升哥,右有杰哥,我並不是說他們兩人挾持老施發言,而是施永青昨日代表中原地產預測樓市,即使他不同意,他亦要以中原地產利益為依歸,情況好似一個地區民選議員一樣,要以地區利益反對國家政策,況且,中原有足夠數據支持樓市預測準確性,不過,伙計要老施今日的我打倒昨日的我就有點那個,但老施為人隨和,唔會太計較,而且昨日還昨日,今日是今日,正所謂昨日之日不可留,如果我察覺到樓市有急劇轉變,我一樣會轉軚,但我始終認為,真正的老施並沒有轉軚。

  團友問我會不會轉軚,我話暫時唔會,遲吓就唔知,因為影響樓市的因素尚未出現,利息還未開始上升,雖然政府的供應已經到位,並且陸續登場,但地產商仍然按樓不發,新盤供應仍未進入市場,現在只有零星供應,做成樓價上升之後,估計會有大量新樓盤推出市場,雖然有人話國內走資,令到香港樓價飆升,其實,走資問題國家已經關注,影響香港樓價程度亦降低,如果上述的情況按照預測而行,我唔敢轉軚,除非政府話以後會大幅減少土地供應,耶倫話唔加息,國家又容許走資,上述三種可能只要出現一種,我都會轉軚。

施永青並沒有轉軚
1. Desmond
2017-02-28 14:00
真辛苦老施了,經常為了業界利益要不停轉軚。
2. Tony lam
2017-02-28 14:07
儍刀    今日還今日、噚日還噚日、今日的我唔敢打倒噚日的我嘅話、唔係叫口齒、係冇進步…很冇用、呀!對…你根本冇很用、睇得明嘛?

識執字粒有很用咩!字粒冇錯、明白意思又識落注先有用㗎、人生要隨波逐流、即係食住D浪、御風而行明未 ! 成日昂交交等浪、浪係乜嘢都未識、冇浪點食大茶飯 !

塞好多銀落你袋嘞、唔好成日未誡奶咁、淨係識講童話喇 !
3. 引刀一快
2017-02-28 15:50
哈哈哈哈,你老婆話,你,已經唔係兩年前嘅你喇。

你得把口,冇牙齒,棚假牙要“睇情況”攞出嚟用。係咪咁嘅意思?

能否食住D浪,御風而行就係睇法問題,我未回歸就上車返大陸,喺你口中係住大棚,香港撈唔掂,我身邊有人覺得我當年敢做先驅,依家乘風破浪喎,呵呵

日日咒人就得喇咩,琳琳


4. Tony lam
2017-02-28 16:20
儍刀   咁你老婆有冇話我表現點呢?
5. 引刀一快
2017-02-28 16:45
你講Ivanka?佢話你離遠見到佢就扯蝦,打911送咗你入急症室喎。哈哈哈哈
6. Low b
2017-03-01 01:56
因為依家派貨
慢慢接啦

7. “返大陸“從來都是負面詞
2017-03-01 08:07
現今港人極度抗拒返大陸,國內人就極想移居香港。香港食物藥物醫療衛生是原因之一。港人返內地是討平宜,但消耗自身健康和財富,可以消費女同胞作補償,攜眷者白痴!財盡燈枯回港領綜緩住安老院者所在多有,是無力留港玩競技遊戲者的哀歌。
頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。