【港樓有高潮】施永青180度轉軚 樓市展升浪睇升兩成

【新增影片】
反映本港樓價走勢的中原城市領先指數（CCL）最新報147.74點，創下歷史新高，打破2015年9月內所錄的紀錄。

中原集團主席兼總裁施永青在上月曾預測今年樓價會跌一成，但今日開記者招待會，他劈開頭就說，想開記招，因為上周開始轉了軚，由睇樓市下跌到而家睇好樓市，是180度轉變，有需要交待。基本因素不好，政治經濟欠佳，美國加息，影響樓市。但要面對現實，CCL突破，睇個樣唔係突破就算數。之前睇樓價呈M型，去到2015年高位後回落。而家唔係高少少就停。由於CCL滯後3周，而目前反映即時市場的經紀人指數上升，意味CCL尚有上升空間。

從技術上來講，今次唔係調整，今次是一個新的升浪的開始，估計樓市升1至1年半，升幅約20%，而今年內有機會升10%。

基本因素而言，尚有一個因素未睇，是通脹重臨，一旦通脹快過美國加息，將抵銷加息對樓市壓抑作用。這與特朗普政策有關，例如把製造業重返美國，福特汽車、富士康等生產線已重返美國。另外，大興土木，重視基建，擴充軍備。美國勞工市場緊張，工資上漲，刺激消費，將影響通脹上升。這會令加息次數遠多於預期，下半年加息在所難免，預期明年加息多於3次。通脹重臨，加息隨時加1至2厘。不過通脹重臨，令美元走弱。歷史上看，美元弱，香港投資市場蓬勃，本港樓市更趨活躍。

對於政府房屋政策，施永青稱，政府早前稱辣招成功地杜絕外來資，杜絕本地投資需求，令首置者有更多選擇，但他並不贊成。

他稱，今日行山撞到個師奶，佢話個仔大個啦，未買到樓，他無言以對。因為供應再增加都幫唔到佢。而家啲樓純粹按政府統計，是否售予首置客，是否最逼切買樓既人呢？好可能是老竇見個仔「處女身」，即未買過樓，而用佢個名去買樓。市場買樓並非予逼切需要的人，而是資金無出路又睇好樓市的人。政府拿一兩個數字出來自欺欺人，目前房屋政策幫唔到逼切需要的人去置業。

將樓市壓落來的主義是行不通，目前逾50%人有樓，壓樓價落來，打擊50多個巴仙嘅人，在政治上是行不通。所以要一個特別市場，每年新推出土地，一半是為首次置業者而設，規定售予沒有持有物業的本港居民，不許出租，只許自用。政府在這方面執行不難。不過這會影響政府賣地收入。

中原地產研究部高級聯席董事黃良昇補充，今次CCL破頂，是另一升市再來。過去只是重拾2015年8月起的跌幅。今次樓市升幅唔會1至2%，估計升1至2成。

中原地產亞太區住宅部總裁陳永傑補充，面對市場情況，本港分行將增加20間，人手增加500人。