地產論壇
登入名稱
密碼
頁數:
現在買樓的人才是大淡友
瀏覽人次:30508    回應:13

現在買樓的人才是大淡友

 

湯文亮博士

紀惠集團行政總裁
2017年2月25日

  昨日下午中原城市領先指數破頂,有剛剛買了樓的年輕朋友問我點解睇淡樓市,我話我幾時有睇淡樓市,我又沒有賣樓,怎樣算睇淡樓市,我明白不少人誤會我是大淡友是因為我在兩年前發表了「細價樓爆煲論」,其實,那篇文章是向那些打算向財務公司借錢上車的人提出一個警告,絕對不是睇淡樓市,爆煲論發表之後,有人不理勸告,仍然買那些全開放式單位,當時他們是好友,但現在有不少買家撻訂,那些撻訂買家的好友轉變,現在他們睇淡樓市,他們才是淡友,不過不是大淡友。

  我認為在過去有能力買樓的人一直唔願意買樓,到現在才入市買樓的人,他們才是大淡友,從各個新盤的銷售情況,大淡友其實不少,現在我們要考慮的就是現在樓市上升動力竟然是大量大淡友做成,其實是不穩陣,因為,他們的心態始終是淡友,稍有風吹草動,他們便會放棄買入的物業,而剛買了樓的人話我是大淡友,我都唔知道點樣反駁。

現在買樓的人才是大淡友
1. Tony lam
2017-02-25 11:54
小心嘞 !  轉角位點做成嘅呢?

地皮搶到咁嘅價位、跟住啟德果幾塊會乜價呢?起碼又~萬八~過外啩。

趁政府預備換届、諗住冇乜辣嘢出到嚟 ?  攞一千幾佰億煲到個市發燒 ?

就當阿爺唔干擾香港、咁香港政府係咪一味加辣、或者可以唔做嘢呢?呢點要小心思考嘞…政策…係而家嘅焦點。

低息令到資產發水係禍首、但而家呢個地價令市場即時high咗、民生住樓租金一定同步跟住癲、好多租住樓先、等負擔得起時上車嘅市民、即時絕望  !  !  ! 

最勤力果班人都絕望時…社會點走呢? ? ?

政府唔好再攪咁多花辰嘞、居屋現價都唔平、其實都食咗好大部分入息。

一招必殺…即時公布…集中資源…全力建造公屋…中期目標…輪侯縮短至兩年…提高入息限額……

以入息計算租金、累進計算租金、可令富戶自動遷出、令不同入息者住公屋時、可公平使用社會資源。

咁玩法似足一盤冷水照頭、發燒即時發冷。

我而家預備高位散咁D水、唔驚 ! 但做生意要有進有退、先可以揾多D、好似過大海、贏到一抬籌碼時、何妨cash轉個圈呢!

上車呢?唔等都等咗咁耐、而家上車真係要計自己頂得住冇、你係要嚟住嘅、人地就炒嘅、呢點要清醒呀、等乜 ? 等政府做嘢囉 !

 政府到咗唔做嘢唔得嘅地步嘞  !  !  !
2. 引刀一快
2017-02-25 15:02
你不如請佛祖整兩塊地俾香港好過喇,哈哈哈
3. 破頂了!
2017-02-25 15:21
本週ccl已創出新高,售價、租金及成交量三大數據之升速逐漸加快,再加上鴨脷洲新地王誕生 ,種種好消息带動下,業主及有意入市的買家信心更為增強!!在反價、追價的促使下,相信下半年樓價升勢可快速向上升,必屢屢創出歷史新高位。淡友所說的要跌357成,已一 去不復返了!!硬淡請繼續唱淡吧,香港樓市售越唱淡越升的!!哈哈…
4. Tony lam
2017-02-25 22:05
儍刀    香港大把地、唔洗求佛祖、你就祈禱求耶穌都冇用嘞、塘邊鶴…起跌都冇你份…整定一世做拗爛腳啦!
5. 引刀一快
2017-02-26 01:29
呵呵呵,契弟琳琳,起跌有冇我份?睇心情囉,大陸靚位仲癲D,低價唔限購嘅我冇興趣,最緊要係升幾多我都唔睇好,等引刀拗完爛腳就幫你拗籮柚喇,哈哈哈哈哈哈哈
6. Tony lam
2017-02-27 01:19
儍刀   又蠢又死剩把口、開口又挾着脷、有冇份要睇有冇銀、扮心中有樓…實情冇樓呀?咁梗係睇心情啦!靚唔靚…癲唔癲…升幾多…都唔睇好 ?  冇你份、梗…唔睇好…過睇啦 ! 拗爛腳係終身角色嚟嘅、邊仲有機會幫人拗C food 吖、咁很蠢難怪喺老表褲浪底、挾到死死實…同情…同情…
7. 引刀一快
2017-02-27 01:43
契弟琳琳


知道你晚晚蘿柚痕喇,攞D無比膏止痕喇,今晚唔得閒幫你R。

你就一味望人冇錢買樓,乜咁低要求架,望人冇錢買鋪嘛,咁都唔識。
8. Tony lam
2017-02-27 13:46
傻刀   舖 ?  就算有多少銀頭、都咪制住呀!輸埋就真係絕望㗎。
9. 引刀一快
2017-02-27 16:21
契弟琳琳

鋪永遠勝樓一籌,買乜都要睇時機環境展望,筍就買。
10. 向飯民說不
2017-02-27 22:05
引刀,你又落伍啦,淘宝之后,人的消费模式完全改变。铺头黄金岁月已经过去啦,以前好多毒男铺头都就来变死场,湾仔298,旺角电脑中心,变得非常萧条,街铺都好唔得几多。好多旺铺都变成散货场。
11. Tony lam
2017-02-28 00:15
儍刀   崩口人忌崩口碗、切咗就唔好提契厘契路、棧勾起切咗嘅傷痛、為你好咋。

舖永遠勝樓~呢句就證明你真係塘邊鶴 ! 有貨在手嘅、就舖/樓都勝啦! 

睇時機…環境…加埋展望…仲要等埋筍嘢 ?  你都做齊哂啦!咪落得而家咁眼光光、日日揼日日咒囉!
12. 引刀一快
2017-02-28 01:42
契弟琳琳

狗嗡都冇用架,日日望人冇錢就得喇咩,時機,環境,展望,總之筍就買,唔筍就唔買,咁都有錯?呵呵呵呵,你係咪買咗只唔筍嘅艇,日日坐住食蟹呀?
13. 浪子心聲
2017-03-01 01:07
博士分析得好,易明清晰。本來我認為香港樓市有機會軟著陸,現在泡沫己有趨形,真係有機會在年尾或下年初會爆煲。

現階段這麼多「中資癲價投地」,港府應在好價時多賣地,有幾多推幾多,除平衡供求還能增加庫房收入,令政府實力更雄厚,有更多彈藥面對未來泡沫爆破。 
頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。