地產論壇
登入名稱
密碼
頁數:
治大國如烹小鮮
瀏覽人次:25794    回應:16

治大國如烹小鮮

 

湯文亮博士

紀惠集團行政總裁
2017年2月24日

  陳茂波前日宣讀明年度財政預算案,不少人話了無新意,理財保守,是曾俊華2.0,我認為說那些話的人要求太高,陳茂波接任財政司兩個月,要寫一份與曾俊華完全不同預算案,的確是很困難,況且治大國如烹小鮮,做財政預算案亦不例外,要一步一步來,太多改動不但會令人覺得困擾,而且極有可能欲速不達。

  有老友問我治大國如烹小鮮究竟點解,兩者好似風馬牛不相及,其實,我都唔知點解,於是我問一位廚師,佢話最初學煮餸,首先是模仿其他廚師煮法,更加要不斷體驗,過程中亦要反省,才可以找到最適合煮法,原來老子所說的治大國方法亦是一樣,要模仿,體驗,反省,所以,今次陳茂波的財政預算案有曾俊華影子亦是可以理解,畢竟現在是處於模仿階段。

  不少人認為陳茂波今次蠢過隻豬,曾俊華唔派錢,佢應該派錢爭取民心,話唔定可以繼續做財爺,我認為如果中央政府以今次預算案才為考核,陳茂波繼續做財爺的機會就很大,大家千祈唔好以為派錢可以得到民心,其實,大多數納稅人是希望退稅而不希望派錢,因為當財政出現赤字,不但沒有條件派錢,很可能還要加稅,結果是納稅人派錢給那些沒有納稅的人,所以,很少納稅人要求政府派錢,退稅就不同,陳茂波今次是做對了,不但沒有派錢,甚至連公屋免租一個月的措施亦取消。

  亦有人話財政預算案對樓價繼續上升問題束手無策,亦未有撤招時間表及意圖,只是不斷提及供應,其實,大家都知道,解決樓價飆升問題,供應是最佳良方,當供應到位,樓價就自然會下跌,要急也急不來,當政府官員體驗到樓價下跌,就會反省辣招的迫切性,現在距離供應到位的目標相距甚遠,暫時是沒有可能撤招,毋需以此彈核這份財政預算案,總括來說,這份財政預算案的模仿性雖然很高,但亦是一份合適財政預算案。

治大國如烹小鮮
1. Yuk
2017-02-24 09:37
老子說
2. J Chiu
2017-02-24 09:57
治大國如烹小鮮出自老子道德經,非孔子。差之毫釐,謬以千里呢文亮兄。
3. J Chiu
2017-02-24 10:00
而老子指的治大國如烹小鮮是指治國者不應多摻和,以無為而治做管治手法就最合乎老子思想。
4. Admin
2017-02-24 10:09
謝謝1及2樓指正, 文章已修改。
5. 引刀一快
2017-02-24 10:23
新財爺會唔會係任志剛?
6. hongkong people
2017-02-24 11:23
任志剛未必須有興趣做財政司, 做逍遙派長門爽太多了.
7. Ming Chiu
2017-02-24 13:12

發展商"浪"價的手法越來越高明

幾多供應都唔會大跌

8. KK cheung
2017-02-24 13:21
我最關心係預留100億俾創科, 怕倒左落咸水海, 仍然無成果!
9. 向飯民說不
2017-02-24 14:43
9楼,在港英的积极不干预的哲学之下,由于peg系统和qe这两个动作,印出来的钞票只往金融和房地产跑。结果现在香港除了金融和地产之外,其他都不行。
老美也发现问题,所以正在学大陆的那一套,将qe多出来的钱导向实体经济。但是香港人要知道这个手段肯定是官商勾结。

香港人怕被司法复核,怕被啦,所以政府想引导资金去玩高增值产品应该很难。
10. 引刀一快
2017-02-24 16:04
向飯

乜原來係老美學大陸呀?
11. Tony lam
2017-02-24 18:07
惾刀   咦  !  你話老表好唔掂㗎、點解又168億咁好意頭嘅、水頭咁充足嘅 ?  

照計你果一千蚊/呎嘅金融大道寫字樓、冇理由揾唔到老襯㗎 !  呀!可能真係質地問題、做老千都屎過人啦!
12. 引刀一快
2017-02-24 18:16
契弟琳琳

你走數兼老屈都冇用喇,都冇人睇得明你嗡乜。

人品低就俾D心機掩飾,俾人睇到一無是處都幾弊。
13. 長久粉絲
2017-02-24 21:24
冶大國如烹小鮮?意思話海鮮通常加熱少少就熟,無需猛火。猛火則煮到老哂,唔好食。點知思歪下下都猛火過猛火。煮到D黃絲呀D差佬呀走哂出來。佢D冶國技巧肥佬!
14. Tony lam
2017-02-25 00:18
自閹刀   詆毀自己國家嘅垃圾老千、係底你淪落嘅、望住中國人好景啦!你一定冇份、因為禽獸冇份 !       

以下呢句係禽獸刀噏嘅……廿年前湛江果邊捉到越南偷渡客,部分會拉去槍斃。…
15. 引刀一快
2017-02-25 00:27
契弟琳琳咁早屙夜尿嘅?

你望我淪落都冇用架,望就得喇咩,望你自己唔中風好過喇。哈哈哈哈,咁盞鬼嘅。
16. 引刀一快
2017-02-25 06:45
哎吔,乜琳琳咁晏仲未反咬嘅?起唔到身呀?

唔通真係中咗風?
頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。