地產論壇
登入名稱
密碼
頁數:
點睇樓市
瀏覽人次:35554    回應:14

點睇樓市

 

湯文亮博士

紀惠集團行政總裁
2017年2月23日

  上星期,TVB「樓市點睇」同我做了一個訪問,分兩集播出,第一集已經播出,下一集是下一個星期一晚上七點半,在工作人員準備時,主播問我現在是否應該買樓,我話我不確定,如果是首次置業,不用問財務公司借錢,而又供得起,遇到質素比較好的物業是可以買,如果是用作收租,則可以稍等一會,如果有足夠資金,又唔想投資股票,債券或者其他金融產品,買多一個物業亦無妨,所以我話不確定,但我可以肯定的說,如果沒有必要,就千祈唔好賣走手上任何物業,除非質素很差,或者業主等錢用,至於幾時可以買樓,我話年底,當利息加了兩三次,有足夠新樓盤推出市場,屆時,無論樓價有沒有調整,都可以考慮買樓,不過,到時候買樓的人就會考慮到利息會繼續上升,供應是不會停下來,樓價有機會繼續調整,買樓的事,遲一些再作打算。

  當TVB工作人員離開之後,我自己想一想,現在的業主大多數知道手上物業如果賣走,要買返另外一個物業是很艱難,所以,大部分業主都不打算賣樓,只有小部分業主會被超高價打動,做成各屋苑不時做出一些超高價,老實說,現在我還夠膽叫人暫時唔好買樓,一定唔敢叫人賣樓,樓價在缺乏供應之下,想唔升都幾難,直至......。

  在物業市場出現一些高價成交之後,我相信不用太久,不少地產商就會將新樓盤推出市場,當供應到位,利息開始上升,樓價才會平穩甚至向下調整,所以,樓市去向,現在最大因素就是地產商是否願意推新樓盤,如果他們按樓不動,樓價一定會繼續上升,不過大家又不用擔心,地產商是頂級生意人,明白貨如輪轉才是做生意之道,在二手樓出現高價成交之後,不用太久,就會有大量新樓供應,做地產商唔賣樓,即是打開門口唔做生意,是不可能發生的事。

點睇樓市
1. KH
2017-02-23 09:30
"屆時,無論樓價有沒有調整,都可以考慮買樓"

不明白背後原因
請指教
2. 真真薯片
2017-02-23 09:40
本來話上年第4季有兩萬個供應, 講講下今年第一季都就完, 發展商亦已經有售樓紙, 但係好多盤都唔賣或者剩係賣少少, 講到尾發展商推盤既前題就係要浪價, 呢口價只賣得出幾多就賣幾多, 再加推就去唔到貨/要減價就唔推, 等樓市累積購買力
3. 過路人
2017-02-23 10:25
講真丫,大家見到最近新盤都係俾有米的香港人清晒。購買力個勢似係無窮無盡,實力無咁高的用家點夠人地入票多搶到新樓丫。佢地最後又係回流返去二手市場搵盤,咁又返返去湯博士提過既問題度,邊有業主肯平放俾你丫! 

我諗來諗去,樓價都真係無乜可能向下調整多過兩成。就算有都係好慢咁調整,咁不同現在買,早點供完早點上岸好過啦各位。
6. CD ROM
2017-02-23 14:36
要跌, 下個點可能會在這兩,三年樓花入伙之時了...................
7. 發話
2017-02-23 15:17
又係有能力自住幾時都可以上車
11. Tony lam
2017-02-24 17:50
鴨脷州地皮、估佢…萬八/呎…以上、都比老友笑一餐、點知而家又有幾餐牙餃餐食、2皮2/呎、一放絶塵、真係激死人嘞 !  浪 ? 冇好壞、睇你識唔識衝浪啫、可以好過癮㗎 !
12. 引刀一快
2017-02-24 18:09
契弟又認屎認屁,睇住報紙嚟寫自傳,爆笑。
13. 好友
2017-02-24 19:10
大陸個浪終於來了!港樓新一輪升浪正式開始!
14. Bos fan
2017-02-24 22:25
見到面粉價係咁升,而每次出面包都咁好賣,發展商跟本唔休賣, 亦唔會急賣。因為賣哂D包,買唔到面粉。
15. Tony lam
2017-02-25 00:11
閹人    我起碼都睇報紙吖、點似你生安白做、   ~廿年前湛江果邊捉到越南偷渡客,部分會拉去槍斃。~   咁嘅禽獸造謠行為、抹黑自己國家、真係豬狗不如 !  !   !

報應就係眼前、恨啦你 !  國家中興、你就淪落、底很死 !


16. 引刀一快
2017-02-25 00:23
哈哈哈哈,真滑稽,契弟半文盲學人睇報紙喎。


當年香港報紙都有呢類新聞,香港報紙同親歷其境有得比?咪傻喇契弟。

冇回鄉證係咪你嘅報應?哈哈哈哈哈哈哈哈
17. Tony lam
2017-02-25 01:07
loser刀    乜衰到剩番張回鄉証咋 ? 咁都仲唔感恩阿爺褲浪底比個位你、咁忘恩負義 !  不過禽獸係唔講呢D嘅 !
18. 引刀一快
2017-02-25 02:28
winner契弟琳琳,一張回鄉證勝過你千言萬語喇。哈哈哈哈

我幫阿爺做農務,你就淨係攞把臭口做人情,講再多都係假嘅。
19. 奶媽甲
2017-03-07 01:20
深圳樓2年超越香港樓??


頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。