茶餐廳亂話(69)如何做一個合格CEO
|
|
|
茶餐廳亂話(69)如何做一個合格CEO
湯文亮博士
紀惠集團行政總裁
2017年2月21日
今早天陰陰,氣壓很低,個人情緒亦很低落,跑步比以往辛苦,總算完成既定路程,去到茶餐廳,見到老闆情緒同樣低落,唔使問阿貴,同我一樣,因為曾蔭權入獄而難過,老闆同我講,曾蔭權唔係貪官,只不過是貪小便宜,理論上唔應該坐監,我話,如果係我做官,我都唔會判曾蔭權坐監,不過,法官有法律觀點,不能夠質疑法官判決,如果不同意,香港是有上訴機制,老實說,雖然曾蔭權在上任時話做好呢份工,但他並沒有做好,只不過將問題冚實,不會在他的任內爆出來,所以,我唔認為他是一位合格CEO。
特首即是CEO,是香港的二號人物,他要執行中央政府指令,同時又要當機立斷處理棘手問題,但曾蔭權做法就是妥協,與地產商妥協,將土地供應權交給地產商,做成日後樓價飆升,但又不作出有效應對,而將問題卸給物業投資者,從而制定出擾亂物業市場的各項特別印花稅,與反對政府人士妥協,令到反對派坐大,從要求真普選到港獨,而又不避嫌親近富豪,甚至是江湖人士,一切都被中央政府看在眼裡,早已被認定不是一位合格CEO,否則,唔會因為咁小事而要坐監,老闆話,做官很難,其實,做人都很難。
|
|
茶餐廳亂話(69)如何做一個合格CEO
|
貪憎7年都唔造地, 有個勾地表冇人勾就當係土地儲備, 7年唔造地, 造地要10年, 於事香港就有17年缺乏新造土地供應, 即使689盡力搵地, 佢極其量只係盡力去搵d半熟地如地鐵上蓋/啟德之類快手推, 689新造既地係下任特首任期內都無法推出
貪憎令到香港接近廿年缺乏新土地供應, 累死唔止一代人, 判佢坐監係罪有應得
|
|
2.
to 1/F |
2017-02-21 10:17 |
|
曾先生是個不合格的特首,但坐牢是因爲貪心。
如果因爲確定錯而要受罰,美國華爾街的一幫人,應該死不止一遍。
|
|
3.
向饭民说不 |
2017-02-21 10:43 |
|
|
|
貪增係執老懂手尾,亦是集體決定. 香港是冒險家迪士尼,不是無樓賣,不是無地方住,只是買不起.累死人的是qe令全球資產狂升. 用盡全港地起樓之後,又有誰敢講長遠樓價不再升?咁之後點?
|
|
|
好多人都有做錯過事, 致於是否受罰就睇個人得罪左邊個, 好多案件都係先得罪左大人物, 然後大人物再諗辦法搵地方去告佢
從第三者角度睇, 被貪憎害慘既人可以覺得佢抵死, 或者唔應該形容係罪有應得
|
|
|
|
|
老董叫停港樓供應, 唔代表就唔洗造地, 造左地樓市唔升正苦可以坐住d地唔賣, 到有需要既時候就有地賣, 唔造地到需要既時候就冇野可以做, 只可以出辣招, 進一步令樓市進入厚利少銷既低成交, 高樓價時代
|
|
|
廢話!什麼貪曽?他從來沒有貪!
有證據就一早判咗啦!
就係東方(代言人)及北京唔妥佢,佢唔埋堆,晤做政協,所以落得如此下場!
今日一事,歷史自有公斷!
|
|
|
有一方法比造地有效,比租管易執行,比辣招重稅討好,是樓宇投資者死穴,只是不能說.
|
|
10.
向飯民說不 |
2017-02-21 13:34 |
|
9楼,有咩不能说,老毛在世,斗地主,分土地,这就是饭民梦。
|
|
11.
打工仔 Andy |
|
2017-02-21 14:53 |
|
MMC 兄講得好! 曾是個忠實嘅人, 對香港有功有勞, 貪方便, 貪小便宜出事十分不值 ! 無奈 !
|
|
|
10 樓 , 共產黨都不提共產多年了. 文明社会不應亂來.
|
|
13.
向饭民说不 |
2017-02-21 15:22 |
|
|
14.
Or Sir |
2017-02-21 16:03 |
|
很久沒有在這裏發表意見了。看了曾先被這樣被判刑,真為他不值。一間過百萬一年租金的單位,只要求業主簡單裝修(可能業主主動提出要裝修),這三十萬裝修費,竟成催命符。回想數年前,我老婆叫我用了十二萬裝修了一個單位租比同事住 (他比我高級),每月收取市值租金$12000 (我們亦報足稅),老婆認為這是應該的,而且單位日後也容易出租,我們全沒有想到佔對方便宜。同事入住的時候,還說其實也不用花錢裝修單位給他住,這真令我哭笑不得。後來我的同事租了年半就冇租了,租金也抵不上裝修費。主觀經驗話比自己知:人怕紅,豬怕肥。唉!
|
|
15.
hongkong people |
2017-02-21 19:10 |
|
樂見咁多人替曾生不值, 令我覺得香港不至於咁醜陋, 起碼仲有D正常, 識感恩及有良知嘅人; 呢幾日係不同媒體見到一堆落井下石之輩, 感覺就好似回到文革時代對不意見嘅人肆意批鬥, 悲哀!
正如各位所言, 曾生乃正直之人, 只是貪了小便宜, 貪小便宜其實又只不過人之常情,何至於要坐監?? 想起佢98年打大鱷及帶領香港走出7年經濟困局, 我真心心存感激.
至於日日話佢停造地造成香港樓價髙困局, 我只能講一堆馬后炮嘅廢話; 97-03年樓價狂跌7成半, 香港元氣大傷,弱不禁風, 土地儲備亦被董伯伯耗盡係8萬5上, 傳媒無公平嘅講一句, 一眾有影響力嘅人亦一沉百踩, 對無權無勢嘅曾生加多腳, 見倒咁情況,真正覺得厭惡. 再講, 香港經濟好返D, 07-08年就迎來百年一遇嘅金融海嘯, 各位馬後炮唔好話我知, 你可predict香港可以安然度過??
樓上有網友説出樓價升嘅主因, 美國及中國齊QE大合奏, 香港跟隨美國開展連近10年低息潮. 就算香港老早開始造地, 都快唔過各國一齊印銀紙, 所以香港樓價升同造地關係好細.
再講, 造地係咁容易, 689以解決樓價問題為重中之重,就應該造咗大Q把地, 解決晒樓價問題, 又點解樓價係佢任內升咗四成咁多??
|
|
|
很同意啊。曾生件案件根本是找埋的雞毛蒜皮做佢。佢做政府工成四五十年,貪都唔會貪咁少嘢。咁易比人告得入,仲有叻人肯入政府?容嘜易有少少嘢哀咗就比人拉入冊?替曾生覚得很難過。希望法官唔好咁重手:(
|
|
|
博士,對於閣下同情曾生,小弟十分同意。 但兩點卻有意見,一,就如CY出盡九牛二虎,造地上亦見不了多少成績。不淮搞效野公園不是今日才有的事。 二,反對派是否加大打壓就能消去,此說法確有些想當然。換個角度,博士冇理由未聽過洪水不可擋只能疏導,若非反建制不可能直捲全球。當然呢個世界好多時是以成敗論英雄也冇辦法,只好接受。
|
|
18.
香港公議 |
2017-02-21 21:42 |
|
貪曾是香港的千古罪人 求情者全部貓哭老鼠。 廉政是香港的核心价值 一定要堅守。 如果連這點都消失了 香港就是貧官的天堂了。 杀一敬百。决不能手軟
|
|
|
都說曾生推高樓價,難道那些人認為當深圳樓賣300萬的時候,香港樓仍可保持100萬?查5年也入不到貪污罪也夾硬叫他貪,很難過,希望曾生保重
|
|
20.
安全駕驶 |
2017-02-22 10:30 |
|
15/F hongkong people 女士, 十分同意閣下所說。
|
|
回應 / 留言規則
- 禁止撰寫粗言穢語、誹謗、渲染色情暴力或人身攻擊的言論;
- 禁止以名稱/暱稱/綽號/同音字等批評或映射任何人士、機構、公司;
- 禁止發佈有關招聘、推銷、廣告等內容;
- 禁止公開任何個人資料(如電話號碼、電郵地址、即時通訊帳號等)。
敬請留言者自律。本網站保留刪除/堵截任何留言的權利。
聲 明
所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/
留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察
所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。
|
|