地產論壇
登入名稱
密碼
頁數:
茶餐廳亂話(61)應使得使
瀏覽人次:25474    回應:5

茶餐廳亂話(61)應使得使

 

湯文亮博士

紀惠集團行政總裁
2017年2月8日

  今日去到茶餐廳,太子仔搵我訴苦,話過年期間收到不少利是,用得比較手鬆,買了幾樣唔等使物件,又同朋友去吃飯,用咗大部分利是錢,點知道阿媽查數,認為佢唔識得理財,唔明白應使得使道理,佢阿媽仲話有特首候選人的理財哲學就是應使得使,所以一定沒有錯,太子仔問何謂應使得使,佢阿媽又答唔出,叫佢問我,將個波傳俾我,叫我點答,於是,我反其道而行話,茶餐廳唔想做我生意,叫我自己返屋企煮早餐。

  老闆在遠處聽到,立刻走過來話絕無其事,我話是佢老婆弦外之音,我回家叫家務助理煮早餐,唔需要10元,現在要付35元,絕對不是應使得使,佢叫太子仔問我,即是叫我唔好幫襯,老闆兩父子不斷賠罪,其實,沒有應使得使這回事,應使得使即是唔好使,年輕人的理財觀念並不是應使得使,而是使得起,不會因為使費而欠下錢債或者人情債,理財觀念並不是儲蓄,而是認識金錢重要性,儲蓄是守財,不是理財,而所用的錢被稱之為消費,經濟繁榮是以消費為基礎,如果每一個人都應使得使,消費行業萎縮,城市沒落,有錢唔使的人好大罪,年輕人如果沒有使過籠,就已經是合格,做父母的千祈唔好太苛求,否則,或者會有反效果。

茶餐廳亂話(61)應使得使
1. 引刀一快
2017-02-08 09:49
未雨綢繆,總好過大陸式假大空。
2. Tony lam
2017-02-08 13:09
消費…係為過癮、甚麼14代、25麥老威、阿一鮑、使得起就係嘆、使唔起就係…負…擔、食完痾咗以後衹可以攞嚟吹。

應洗得洗呢?今日使咗置傢撑、明日歸本求生利咁解 !
交學費…投資…買樓…基建…都係要洗錢。

阿爺如果真係假大空、loser就唔冼寄身阿爺袴下!學下感恩啦!不過通常loser都係覺得自己見解精闢嘅。
3. 引刀一快
2017-02-08 13:15
大陸假大空係大陸人講先嘅,夠膽就上天涯,唔使喺度靠臆測一味狗嗡。

寄身英女王胯下果D咪叫winner囉,金毛嘛。
4. Tony lam
2017-02-08 18:50
嚇得我呢!以為話夠膽就上廣州、得閒就遊食四方、成個地球順時針玩可以、逆時針玩亦得、點洗頭痕落腳之地、英女皇幾十歲啦!有敬老之心好D、金毛/黑毛 ? 兩情相悅先至要、風流/下流嘅分別嘞 !
5. 引刀一快
2017-02-08 18:58
你就幾時都係下流喇,幫女皇陛下接尿喇。

順時針,逆時針,你都係六點半,攞住個pp去玩咩!

大陸假大空呢個話題又甩腳嗱?老吹你就得,講正事你咪兜花園囉。
頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。