茶餐廳亂話（55）神仙過鐵橋

唔知係澳門玩神仙過鐵橋, 可唔可以改做每日行入去只賭一鋪, 贏輸都即刻走, 輸就明天將注碼乘二再賭, 贏就從新由最細注開始再賭?

原來呢招叫神仙過鐵橋，我老竇以前去澳門，先買好回程船飛，攞三千過去，賭大細，第一鋪落一千，得手即走，唔得就買埋剩低果兩千，得就帶四千走，唔得就想唔走都唔得。

「神仙過鐡橋」的數學分析

神仙過鐡橋的賭法可以用數學的「概率理論」分析，便知是不是必贏之法：

為簡化分析，就以湯博士的5場賭馬法作分析，假設熱門馬勝出的機會率為p值，而賠率為二，其「期望值」就可表達為以下數式：

期望值 (Expected Value) = 100p + 100(1-p)p + 100(1-p)(1-p)p + 100(1-p)(1-p)(1-p)p + 100(1-p)(1-p)(1-p)(1-p)p - 3100(1-p)(1-p)(1-p)(1-p)(1-p)

期望值是隨機試驗在同樣的機會下重複多次的結果計算出的等同「期望」的平均值。

假若熱門馬的勝出機會率p為0.5，即是有一半機會勝出，以p=0.5代入以上數式:

期望值 (p=0.5) = 0

期望值等於零，即是以此賭法平均來說「無輸無贏」。

但如果熱門馬勝出機會率大過0.5，假設其熱門馬勝出機會率為0.6（即是有6成機會勝出），以p=0.6代入以上期望值數式：

期望值 (p=0.6) = 67.232

期望值等於67.232，即是以此賭法平均來說可贏到約67元，約百之99會贏錢，但其風險約有百之一的機會輸3100元。

結論，以概率分析「神仙過鐡橋」的5場賭馬法不是必勝，如不幸5場都輸其風險為輸3100元，但若你認為熱門馬而賠率超過二的勝出率高於一半，期望值便是正數，就有得贏但不會贏好多，可以話有「贏就贏粒糖，輸就輸間廠」的特性。


註：若以「神仙過鐡橋」賭大細，期望值必然是負數，因為p會少於0.5，所以用此法賭大細平均會輸錢，大家都係「小賭怡情」好啲。

浪子兄條數計得好

浪子兄

袋住3100去博100根本唔係賭博、話之比你夾叠、每一鋪都係輸贏50/50、呢招害咗好多儍仔做咗神仙、過奈何橋就似D !  咁有紀律/勤力、撈正行都吃喝不盡啦！

早兩個月，聽太太說有朋友的先生學了一個賭錢必勝法，聽說每日可贏幾千蚊，因此她丈夫每天坐船到澳門用這必勝法賭錢，頭幾天真的贏到錢，但好快就輸番晒，我相信他學的就是這「神仙過鐡橋」的賭法，所以都係寫一寫「神仙過鐡橋」賭大細的概率分析，以免更多人受害。

由於大細有圍骰，所以買大細贏的機會率p是會少於0.5，其三種機會率為：

開「圍骰」的機會率 ＝ 6／（6＊6＊6） ＝ 1／36

開「大」的機會率 ＝ 35／72 = 0.486

開「小」的機會率 ＝ 35／72 = 0.486

所以買大細贏的機會率p=0.486，而賠率為二。為簡化分析，就以5場賭法作分析，每次開始買100元，若輸就加倍再買（200,400,800,1600)，最多買5次，所以最多輸3100元，其概率「期望值」可表達為以下數式：

期望值 (Expected Value) = 100p + 100(1-p)p + 100(1-p)(1-p)p + 100(1-p)(1-p)(1-p)p + 100(1-p)(1-p)(1-p)(1-p)p - 3100(1-p)(1-p)(1-p)(1-p)(1-p)

以p=0.486代入以上期望值數式：

期望值 (p=0.486) = -14.68

期望值是負數，即是以此賭法平均會輸約14.68元，但輸3100元的機會率就高達3.6%，雖然約有96.4%贏100元的機會率，不要以為3.6%是好細的機會率，好用易就中架啦，比中六合彩不知高出幾多倍，如果由100元基數改為賭一千元或一萬元，就有3.6％機會輸三萬一或三十一萬，真係好像「贏就贏粒糖，輸就輸間廠」。

近日這種賭法的流傳，可能都係賭場的市場推廣手法，希望這個分析能大大減少上當的人。

浪子兄，受教了!

浪子兄

又删除咗 #6?

Tony Lam 兄：

你的過兩關賭法的特性是「輸就輸粒糖，贏就贏兩粒糖」，但輸的機會率就大過贏的機會率好多：

贏4000元的機會率＝ 0.486*0.486 = 0.236， 約23.6%贏錢。

輸1000元的機會率＝ 0.764，約76.4%輸錢。

浪哥   賭博數唔係咁計嘅、每一舖機率都係獨立計算、孖寶係焗賭場做神仙、比佢過鐵橋、亦體現贏谷嘅精義、不過衹谷一個孖寶咁解、長谷就比賭場過倒橋啦！ 最最最…重要係避免咗磨爛蓆、將賭博作為興趣*

贏錢唯一方法：做莊。莊家只怕冇恩客奉獻。

各位恭喜發財 !

很精彩的文章 (@@「事業心胸」第一次聽喔博士^^ ) 和回應。

原來地產網咁多賭神賭聖嘅......哈哈哈真係人才濟濟，好無敵；無得輸 !!

大家雞年贏多啲$$$$$$$$$$$ !!!