成交量大幅下降代表什麼
|
|
|
成交量大幅下降代表什麼
湯文亮博士
紀惠集團行政總裁
2016年12月6日
政府推出新印花稅制接近一個月,成交量大幅下降,物業代理界牙痛咁聲,又開記者招待會要求政府減辣,物業代理都知道,他們的要求只是浪費唇舌,政府是不會減辣,不過,我認為物業代理要求政府減辣沒有一個重點,如果能夠捉著這個重點,政府是有可能考慮減辣,而這個重點就是現在打算上車人士根本不多,在政府拉停所有需求之後,導致成交量大幅減少,新印花稅制根本沒有發揮應有效用,如果成交量繼續處於低水平,政府應該考慮放寬新印花稅制,我相信業界會接受劃一將新印花制下降至7.5%,所以,現在物業代理界開記者招待會是沒有作用,最低限度要等一段時間,成交量長期處於低水平,才可以要求政府放寬新印花稅制。
政府過往推出的辣招,SSD拉停了炒賣需求,BSD制止海外需求,新印花稅制則減少了投資需求,而政府推出那麼多辣招,目的只有一個,就是希望打算初次置業的人可以比較容易上車,在新印花稅制推出初期,買樓的人大多數是上車人士,成交量應該不會太差,隨著人已上車,成交量開始下降,政府便會考慮放寬新印花稅制,但官員們想唔到,打算上車的人士不領情,見政府出招,他們又不打算現在上車,破壞了政府如意算盤,現在成交量大幅減少,政府又不能夠即時撤招,都唔知道怎樣可以解開死結,其實,政府可以考慮,新印花稅制是有一個期限,到期就會修訂,如果打算上車的人在到期前還未上車便會失去優勢,他們便會積極考慮上車,不過,亦有人會話,地產商或者賣樓的小業主知道有期限,便會持貨不賣,供應減少,樓價依然會高企,我不排除有這個可能性,不過在香港,地產行業並沒有被壟斷,有人採取持貨不賣,亦有人採取薄利多銷,擔心其實是多餘,如果沒有一個期限,打算上車的人始終是猶疑不決,他們唔肯上車,即是證明新印花稅制是無效,更加要考慮修定新印花稅制。
|
|
成交量大幅下降代表什麼
|
哈哈... 「辣招目標係幫首置客上車」, 哩個本身係一個偽命題... 亦可以話係斷章取義。
地代今日苦況, 係政府保護整體金融經濟穩定一個副產品, 幾萬地代涯寒冬, 點都好過攬炒。
既然好友們喜歡辣招, 繼續不買不賣好開心, 即係冇問題。
又既然好友們認為辣招之下, 地產商可以繼續開心賣樓冇晒二手競爭, 即係又冇問題。
大家都冇問題, 地代們要犧牲小我喇!
|
|
|
這些所謂地產專家地代連個市升跌都講唔準, 將心比己, 政府官員又如何能拿出勇氣減辣? 年頭市跌又嗌減辣, 年中市升無人講減辣, 地代個個唱好話準備單邊爆升, 搞到政府仲加辣, 而家無成交又嗌減辣! 如果政府一年入面聽班專家地代亂舞, 又加辣又減辣, 咁香港樓市就真精彩, 哈哈...
|
|
|
香港土著兄
香港樓價高企,有正面意義,就係加速港人北上發展進程,不過,不買不賣的好友們要留意,一旦社會開啟北上平常化之觀念改變,香港人意義上可居住區域瞬間以百倍計擴張,情況好似十年前嘅廣州,遠過之絕無不及。
|
|
|
辣招係689面對樓價急升但係又冇辦法之下既無奈辦法, 唔加辣既話樓價早就破晒新高
早排市好未加辣果陣, 發展商控制供應節奏, 大幅加價, 帶領樓價急升, 結果新盤加價加得太盡, 咪逼到正苦加辣囉, 如果發展商當日肯克制少少, 萬三蚊呎大量推盤, 供應到位又去到貨, 首置客又上到車, 就唔洗加辣啦
如果辣招有期限, 唔洗問發展商同業主一定封盤, 坐兩三年賣貴兩成(佢會覺得係咁), 何樂而不為? 期限未到前供應急跌(起碼少左一大批坐貨既供應), 到時但係買家就要限時買, 隨時升得更勁
|
|
5.
Johnny |
2016-12-06 09:50 |
|
其實成交量低好正常,每一次出招初期都係咁架啦。 成交低係因爲大部分人都預期樓價會跌些少,所以等多鎮睇定d啫,咁都可以話係首置客唔敢入市? 政府優先照顧首置需求係無可口非,唔明博士點解新招啱啱出黎果時話收貨,而家又日日嘈呢樣果樣。
|
|
|
刀兄, 親身感受及觀察所得, 八九十後千禧後適應力好強, 你所講的加速北上進程, 其實已經悄悄地進行緊...... 但係基數仲係細, 估計黎緊幾年會越黎越明顯。
|
|
|
有沒有辣椒,有沒有期限,根本都唔重要,樓價只會不停向上爆,這是不能夠改變的事實. 發展商幾萬元一尺買地,唔通他們是傻的嗎,香港缺地,顯而易見, 現在吹噓發展的地,全部都係山卡啦,仲要唔知堅定流,10年定20年後的事. 大陸和海外資金不停買港樓,這是必然的,因為香港係國際金融中心. 無樓的窮人將會越來越窮,下一代都好大機會被拖累,除非僥倖中了金多寶或出了一個李+x,不過機會係接近零. 2手無晒盤,樓價無可避免大升,新盤停賣或定高個價幾十個%,然後送15%折扣給你
|
|
|
以在下見到的情況,好的新職位已大部分落欧洲和星馬印籍同事手中,反映本地優才人不及外國優才。唉,北上北上,也可說據點失守,不是一件值得高興。不明白的人就是不明白,既是無奈。
|
|
9.
人在天堂 錢在銀行 |
2016-12-06 11:26 |
|
刀兄
又係喎, 而家愈來愈多年輕人係新移民既第二代, 佢地父母係大陸已有人際脈絡, 甚至有地有產, 加上生活習慣, 言語溝通都冇問題, 北上生活對佢地新一代實在輕易, 如果內生活環境不比香港差, 而生活空間比較多, 可能北上居住先係正路, 雖然兩地都要接火棒, 但對佢地黎講可能仲方便過第時住大嶼山... ...
|
|
10.
引刀一快 |
|
2016-12-06 12:13 |
|
天堂銀行兄
你真係睇得通,未來珠三角同香港嘅關係,哪怕政治上未融合,商業、民生必然大融合,雖然總體嚟講大陸生活未比得上香港,但係中港兩地生活就遠比留守香港要富足豐盛得多,我住咗大陸咁耐,要我返轉頭只在香港活動的話,真係會覺得寡。
至於接火棒問題,大陸相對好D,因為選擇多的是,豐儉由人,依家幾十萬一樣買到唔錯嘅屋,關鍵在於買家應該了解自身條件及需要來選擇,就算蝕曬都係幾十萬,恐怕香港嘅納米屋要跌的話,可能都會跌咁多。
廣州地鐵上蓋物業,仲有好多一萬蚊左右一方嘅電梯樓可以揀,而且地方唔錯,我近排睇過兩廳四房兩廁兩陽台,1700幾呎,185萬有得傾,至於早前睇嘅九百幾萬人仔10000呎嘅別墅,估計應該俾人搶曬。
|
|
11.
引刀一快 |
|
2016-12-06 12:29 |
|
香港土著兄
的確係進行中,每年大陸高校嘅港澳生都增長緊,你話80.90.00後嘅年輕人,適應力強,我諗,佢地返過大陸生活之後,適應力會更強,競爭力一定有所提升。
一旦大陸各城市裡面嘅香港人族群成型,就會吸引更加多香港人北上,未來幾年,我諗廣州會有新景象。
|
|
12.
引刀一快 |
|
2016-12-06 12:35 |
|
元朗人兄
港人北上,同大陸人南下,都係一個理念,尋求更佳發展同生活,兄台所言,好的新職位,點解落入印歐人手上,而唔係大陸過江龍頂上,好多問題,不言而喻。
|
|
13.
引刀一快 |
|
2016-12-06 12:38 |
|
|
14.
85後已上車 |
2016-12-06 12:43 |
|
LYC, 上次見你登月中途休息, 喜見你又開始火星登陸之旅!
|
|
|
|
|
在登上火星的航程當中,突然出現一些數據突變,所以我之前才發出警示。現在已經釋除疑慮,萬理長空,再冇任何阻礙,樓價只會永遠向上衝,不停爆上,直至永遠!
|
|
17.
Eclipse*~ |
2016-12-06 16:03 |
|
純分享,大家可作參考。 我係一個 80後,在 2008,和 ex 分手後心頭一橫,買咗第一層樓。2010 年因返工太煩,諗住換樓。賣咗個單位後兩個禮拜第一次 SSD 出爐。本身諗住租住先,點知租左三年,2012 年我父親突然離世,令我明白人生唔係 take it for granted. 2013 年趁大家話會跌時買咗而家個市區兩房單位自住。 今年,男友想搬埋一齊住,本來我係諗住放盤,換三房(佢太多野,兩房唔會夠),點知新辣招出爐,D agents 狂打俾我睇樓,什至 photocopy 落訂票但想叫我平 10% my asking price. 我同個agent 講,算啦! 而家決定 delay 換樓,繼續自住。因為未來 2 大房 500 呎嘅單位係會越來越渴市。全部地產商唔會再在市區起合理價千嘅兩房單位。完。
|
|
|
17樓,謝謝分享。
股票放在不知什麼地方,勿然發現其價值升了許多。
|
|
19.
Eclipse*~ |
2016-12-06 17:51 |
|
其實講咩賺錢係剛需真係唔 apply.唔係個個都有一千幾百萬現金隨時可買樓。每一個人都會驚。好似我同我男友咁,如果我地兩個在HK 冇物業,我估我地都會持觀望態度,等振唔會死。但我係業主,我就會話 chur, 又係咁,幾次都係升!還掂唔急放又供樓冇問題咪放住先囉~~~ 「股票放在不知什麼地方,勿然發現其價值升了許多」2007年經歷過,你諗下那時宏利幾勁!!
|
|
20.
第二次留言 |
2016-12-06 18:31 |
|
見到LYC留言, 我諗大家都笑左出黎, 唔經唔覺LYC已經變左大家嘅好朋友同開心果!其實成日睇住呢個討論區嘅網友,不論有無留言(好似我咁)或者係咪同路人,大家已經成為一班好似日日保持住聯絡嘅老朋友一樣!
|
|
回應 / 留言規則
- 禁止撰寫粗言穢語、誹謗、渲染色情暴力或人身攻擊的言論;
- 禁止以名稱/暱稱/綽號/同音字等批評或映射任何人士、機構、公司;
- 禁止發佈有關招聘、推銷、廣告等內容;
- 禁止公開任何個人資料(如電話號碼、電郵地址、即時通訊帳號等)。
敬請留言者自律。本網站保留刪除/堵截任何留言的權利。
聲 明
所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/
留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察
所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。
|
|