地產論壇
登入名稱
密碼
頁數:
茶餐廳亂話(27)炒車位
瀏覽人次:29193    回應:6

茶餐廳亂話(27)炒車位

 

湯文亮博士

紀惠集團行政總裁
2016年12月5日

  今早去到茶餐廳飲咖啡,有位師奶突然坐在我對面,問我有沒有興趣投資幾個車位,她說兩星期前買入了幾個車位,見我對地產有多少認識,亦在業界有多少名氣,她因為沒有時間打理,希望將那幾個車位賣給我,我話我只識講,唔識做,更何況炒賣車位是一門非常高深學問,我未達到這個級數,連寫都唔敢寫,師奶一面不屑的話,枉別人說你是什麼大師,連幾個車位都唔敢炒,講完之後便坐回她自己的位置,大聲夾惡鬧同行的那位物業代理,雖然令人側目,不過,伙計話,好彩還未出手打人,否則,報警之後要落口供,很麻煩。

  其實,炒車位是一門非常高深學問,首先,要希望大業主或者大炒家將全部車位賣走之後,才有機會摸走,能夠在成交前摸走而又賺錢的百分比很少,可能不到十分一,所以,投資車位,不要奢望在成交前可以摸走賺錢,就算物業代理誓神劈願話一定得都唔好信,要預足夠的款項成交,否則,就有很大機會撻訂,就算撻訂都不能夠向物業代理發脾氣,因為,做決定的並不是物業代理,做炒家都要有風度,不能夠贏就笑,輸就叫,這樣會影響炒家聲譽,輸都要輸得大方一點,我同伙計還未講完,見到那位師奶同物業代理又不知幾好傾,物業代理話,又有停車場拆售,今次包賺,師奶話賺了錢會請飲茶,那位物業代理的功力真的是很深厚,咁快就可以化干戈為玉帛。

茶餐廳亂話(27)炒車位
1. newbie
2016-12-05 10:51
2. 引刀一快
2016-12-05 11:17
唔係嘛?咁都得?諗到個場面都相當滑稽。
3. 老年新症
2016-12-05 13:07
一定係地代亂咁誇下海口,結果無料到,俾人砌一餐補數!通常摸貨成功是地代促成嘅多,單憑師奶自己本身,會接觸到咁多有意買家和用家嗎?
4. CD ROM
2016-12-05 18:54
真心想有興趣投資車位既人, 對租金這一項多花點功夫考証~~~

最近收到aa傳來拆售車位既ad, 當中提及的車位租金, 被mark高50%都夠膽死, 水份相當嚴重!!!

如果想入手又唔係話買10個8個, 何不在2手市場, 特別係大屋苑慢慢揀呢???
5. 打工仔 Andy
2016-12-05 19:26
好, 有使乜搞拆售! 
坊間可能有更好選擇。
8. 知心
2016-12-05 21:24

香港樓市的發展已經去到價高量低的地步。對於只是擁有一層自住物業的小巿民,樓價起落只是賬面富貴的高低,而在辣招之下,加上收租開始唔夠供,投資客不會加注,但由於重新上車手續費太貴,又未必會減持,他們多數是不買不賣。至於內地人及發展商當然有自己的盤算,所以樓評的讀者基本上是一批心大心細,在上車邊緣準備初次置業的年輕人。

想像一下,自己好不容易才儲了一筆首期,為一個關乎一生的財務決定而徬徨,希望參考一下大師的意見,卻見到大師飛完個髮,聽到髮型師睇好就包拗頸要睇淡,轉過頭大師落茶記食個tea,撞到個大陸名人,吹兩句就轉軚話睇番好,會有甚麼感覺。大師買樓如買菜,但自己絕對唔係,容乜易下個星期大師又有奇遇,睇個市大跌,唔通到時又叫我撻定,邊度撻得起?轉軚轉得咁密,又無嚴謹數據支持,過份兒嬉,難怪會惹人反感。

「樓神」這種角色,本質上已經犯眾憎。小市民上車難,既得利益者還要指手劃腳,見到自然火都嚟。而且炒樓致富,話就話合法途徑兼且攞命博,可是始終對社會沒有實質貢獻,只是騎劫社會上各階層努力的成果。做生意發達,一定是成功幫助市民解決某一個特定的需要,至於「股神」一樣是搭順風車,卻是揀啱生意,提供資本讓管理層為社會作出貢獻,在深層意義上,都比「樓神」值得尊敬。

其實大師近期的言論,說明了兩代香港人為甚麼存在鴻溝。上一代處於資產膨脹期,不必聰敏過人,可能只是基於一些低能的理由,總之一味盲信樓,越買越多叠上去,就成就億萬富豪。這一代上車門檻高,就算上得到都無得炒,頂多一世為層樓做牛做馬。於是你睇唔順佢符碌發達還要扮理財達人,佢又睇唔順你唔努力無去博,邊有偈傾。

所以傳媒真的無謂再報太多樓評,惟一作用是加深兩代矛盾。既然真正核心讀者只是準備初次置業的香港年輕人,評論十分簡單,就是一如前輩曹仁超先生所言,關鍵在於是否願意被一間500呎的物業綁死青春。怕樓價再升,一世睇老細面色也無所謂,就不妨去買,如果不甘心一世無得發圍,就唔好孭重磅去跑。

香港真正需要的,是能夠擺脫上車的恐懼,勇敢去博開創事業的年輕人。樓評比股評更要低一級,受重視多人睇其實是社會的悲哀。

頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。