地產論壇
登入名稱
密碼
頁數:
茶餐廳亂話(24)發財後要悶聲
瀏覽人次:34430    回應:20

茶餐廳亂話(24)發財後要悶聲

 

湯文亮博士

紀惠集團行政總裁
2016年11月25日

  今早去到茶餐廳,見到一個物業代理,佢牙痛咁聲話實施新印花稅制之後,有1,500個物業代理未開單,叫我向政府反映意見,我問佢點樣反映,我又唔識政府高官,我寫文章又冇官員睇,叫老C反映仲實際,其實,今次政府推出新印花稅,有多少是物業代理自己攞嚟,不懂得發財後要悶聲的道理。

  物業代理立即糾正我,話應該是悶聲發大財,我話,這是先後分別,舉例說有人知道一隻冷馬必定跑出,他就要悶聲,如果將這個貼士對其他人講,將彩金分薄,他就不能夠發大財,在他取彩金,發了大財之後,更加要悶聲,否則,除了請飲請食之外,仲會被老友話有好貼士都唔通知,老友都冇得做。

  物業代理行在年初的業績有兩個月見紅,老闆立刻要求政府減少供應,如果唔做,樓市就會進入蕭條期,好彩官員冇照做,否則,在下半年樓價回升,成交量增加,發財的是物業代理行,揹鑊的就是官員。

  在政府推出新印花稅制前一個月,物業成交量與價均不俗,有物業代理行搞什麼十億佣金慶功宴,表明樓價繼續上升,是無可阻擋的事實,今年內一定破去年歷史性高位,他們這樣明剃政府眼眉,即是叫政府出招,結果求仁得仁,官員們二話不說就出招,物業代理就自嚐惡果,他們應該知道,政府出招易,撤招難,應該用盡一切方法避免政府出招,現在,招已出,叫我向政府反映,不如當初收歛一些,唔好咁大聲同人講發了大財,現在就可以繼續發大財。

茶餐廳亂話(24)發財後要悶聲
1. 廢柴出廢招
2016-11-25 09:40
心中有招手中無招先係真高手,俾人一種睇唔透嘅心理壓力,出咗招就已經落咗下乘,因為人哋已經睇穿你嘅底牌。
2. Desmond
2016-11-25 10:51
博士說得對,龍頭大行還建立了一個經紀人指數,政府出招前該指數徘徊在80以上,大行發言人就經常引用該指數說數價指數快破頂。
3. 引刀一快
2016-11-25 10:57
十億佣金慶功宴 ”

其實,我認爲係舒一口悶氣,人之常情。
4. x
2016-11-25 11:04
槍打出頭鳥 自己攞黎
6. 打工仔 Andy
2016-11-25 11:27
同意博士講法,
市場是, 愈多聲音, 愈多競爭 , 揾到食係應該低調 d 好! 
7. Tony lam
2016-11-25 12:34
啱吖 ! 揾到使乜曬命、儍刀咬牙切齒咒人股票瀬嘢、如果比佢知執咗幾多、實即時噴血休克、執到水時冇人撩下好悶嘅 !

十哥  #5揸長D點睇 ?
8. 真真薯片
2016-11-25 13:12
地產界本身接受唔到樓價大跌, 所以一直坐貨擠牙膏浪價, 市一好就狂加價, 對政府黎講, 唔加辣樓價一定再升多一兩成

如果發展商冇咁貪心, 早幾個月市好果陣唔加價, 而係原價大手加推, 去到貨之餘又幫正苦制造供應, 吸收左購買力, 賺到大錢樓價又唔會再急升, 正苦應該冇需要加辣

可惜發展商太貪心, 賺大錢唔夠, 要賺大大錢, 狂加價逼正苦出招, 招一出就好難撤, 結果就成個香港經濟要食辣招

所以話凡事太盡, 緣份早盡, 之前某發展商推盤時不斷強調係原價加推, 冇加價, 用意其實好深, 可惜同行唔領情
9. 引刀一快
2016-11-25 13:12
五億................一張嘛!哈哈哈哈
10. 引刀一快
2016-11-25 13:20
契弟琳琳,快D講執咗幾多張喇,睇下點噴血法?
11. Tony lam
2016-11-25 14:19
 傻刀  唔止幻想過萬呎屋、仲儍到玩埋億億聲一張D假嘢、都好嘅、冇銀用、假假依安慰下好過哂錢買藥食、可憐可憐 !
12. 如我冇估錯
2016-11-25 14:38
Tony問5号仔能否否長揸,引刀睇咗5億。
13. 向飯民說不
2016-11-25 16:14
12楼,等我抽下水先,银行和寿险股,应该会是一个很大的升浪,最近这几年的超低利息,令到以赚息差的银行和寿险股,都无淡好食。特朗普上台之后,话明要加息,息差将会矿大,所以最近银行和寿险股都处于强势。反而以低息借钱扩张的高科技股,就差一D。
14. 引刀一快
2016-11-25 18:48
契弟琳琳,又話要講執幾多等人噴血嘅,幾多呀?睇下我噴幾多血吖。



15. 十郎
2016-11-25 23:45


      一架 Benz 掛!

      有一日,的士跟 Benz 在路上 kiss,兩個車主落車傾偈,突然間的士哥對 Benz 伯伯說:你唔駛牙刷呀,我架車貴過你架 Benz 。

16. 引刀一快
2016-11-26 01:53
BENZ又係一個幾好嘅價碼形容詞,比如亞視每日推一部BENZ落海,好形象。

不過十郎兄太睇少股皇琳琳D“股”嘞,冇500個以上唔會喺度曬嘅,仲要預期人地聽到會噴血,咁我估佢應該有5000到8000個進帳啦。

不過我都係唔會噴血,喺大陸耐咗,對呢D嘢比較麻木。
17. Tony lam
2016-11-27 12:00
十哥    15年頭到而家4個開左右啦 !  儍刀呢次都有D神通、唔好比佢知、佢噴血多少都唔好、冇佢唔過癮㗎 !

正經嘢、#5我係有即時暗示嘅·
19. Tony lam
2016-11-27 21:34
貼文又唔見咗
20. 引刀一快
2016-11-28 03:06
契弟琳琳

你隔咁耐回應,已經露餡喇。

五億有幾多個零你都未數清。
頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。