地產論壇
登入名稱
密碼
頁數:
長時間冬泳會令人昏迷
瀏覽人次:28807    回應:10

長時間冬泳會令人昏迷

 

湯文亮博士

紀惠集團行政總裁
2016年11月25日

  昨天游冬泳,救生員同我影了幾幅相,我手痕放上fb,有老友打電話俾我問點解咁勇,十幾度去游水,是不是有游冬泳習慣,我話唔係,只不過是想體驗自己是否可以在十幾度天氣游水,以及可以持續幾耐,昨日我落水之後急游了一個塘之後就已經適應,可以用正常速度繼續,但游了二十分鐘之後,覺得身體開始冰冷,救生員亦指示我要上水,否則,就會昏迷,我亦明白,冷水是會令人昏迷,在電影「鐵達尼號」亦有類此情節,所以,在沒有救生員地方,就千祈唔好游冬泳。

  從游冬泳令我想到辣招,在每一次政府出招,樓市都會受到影響,樓價下跌,成交量減少已經是指定動作,但過了一段時間,樓市回復穩定,成交量增加,大家似乎適應辣招,政府有見及此,以為辣招無效,於是繼續加辣,大家迫不得已要繼續適應政府辣招,但市民適應能力及時間始終有限,如果政府不在適當時候撤銷部分辣招,即是游冬泳的人不在合適時候上水,始終會出現昏迷,樓市亦會因為長時間實施辣招導致成交量長期偏低而昏迷,大家不能夠在樓市升跌體會到經濟環境好壞,亦不能夠利用物業資產渡過難關,當香港受到世界性金融危機衝擊,香港人根本沒有應變能力,久而久之,香港變成一個表面平靜,但經不起考驗的城市,這表示香港已經昏迷,所以我認為,政府出招亦應該考慮撤招時間及條件,到市場強迫政府要撤招,就已經太遲。

長時間冬泳會令人昏迷
1. 香港已經昏迷
2016-11-25 08:37
無論在政治或經济方面,政府落药太重,同意香港已經進入昏迷狀态。
2. 打工仔 Andy
2016-11-25 09:21
博士比喻得十分好,  
不過, 博士真係要小心凍親!
每次出招後市場過一段時間有適應了! 
但今次唔同加15%後, 投资樓市如買樓收租根本絕不吸引, 今次無十年八年都好難復原! 樓市已無投资空間!

3. 浪子心聲
2016-11-25 11:11
過去適應辣招的方法是找尋在不同辣稅下,有沒有空間繼續在樓市投資,但新辣稅已加到15%,大大減低香港住宅樓房的投資價值,猶如SSD那樣成功消滅短炒買賣,新辣稅好大機會改變香港人的投資睇法,如「儲磚頭一定發達」、「買樓只會有買貴無買錯」,不會再是必然的真理。

辣稅不改或不減,樓市再不是香港最階的投資工具;由於深港通即將開通,人民幣持續貶值,我個人相信資金有好大機會流向股市。
5. Small Potato
2016-11-25 11:43
加到15%稅,攪到咁難買樓,真係有D忟憎,樓市啊!幾時先可以正常番啊😞
6. 引刀一快
2016-11-25 11:47
我就真係試過游水昏迷,1998年秋天,我當時喺粵北上山做嘢,山上有條好大嘅山溪,水溫長年16度到18度左右,好冰。

換好泳褲就急不及待跳落水,點知唔記得除眼鏡,一落氺就瀬嘢,有一片鏡片俾水撞鬆脫咗,冇眼鏡做唔到嘢所以幾大都要搵番岀嚟。鏡片喺空氣裏面係透明嘅,喺清澈嘅水裏面,就係隱形嘅,焗住潜入兩米深嘅溪水摸沙,水溫低加上水流,體力消耗好快,慢慢就開始意識糢糊,到個人意識清醒番,原來已經浮咗上水面,被沖到好遠。
7. 浪子心聲
2016-11-25 11:48
To 一樓:

我只認同香港已昏迷二十多年,是由於高地價政策令香港人只專注於住宅樓房投資,「社會單一化只買磚頭」,「貧富兩極化」,「年輕人不易上車,對前途沒希望」。

今次新辣招有機會打破這死局,香港有望走向多元化發展, 我認為香港應是從昏迷狀態中醒過來才真!!

8. 浪子心聲
2016-11-25 13:43
我對湯博士這個觀點不認同:「政府出招亦應該考慮撤招時間及條件,到市場強迫政府要撤招,就已經太遲。」

現今政治環境難用「治未病」的方法處理,所以政府不可能在問題未浮現前提出解決方法,現實只能用「治已病」方法,還要病得重才能開方,所以樓價不調整,辣招無機會撒或減,到撒招或減辣時,大家又未必敢買??

9. Tony lam
2016-11-25 15:23
儍刀  好彩你好似鷄泡魚咁一泡氣浮起啫、否則呢度冇哂樂趣笑料、話時話你原來天生HiHi地㗎 ? 戴住眼鏡撲落水  ?  ? ? 抖唔到氣添…抖陣先笑到手震……
10. Tony lam
2016-11-25 15:57
傻刀  甜姐兒話齋…謀殺咩…

真係估中你深山老林中行走、怪之得成日執到D億億聲嘅note啦!又估中你真係摸魚嘅、準到冇朋友  !  !  !
11. 引刀一快
2016-11-25 19:26
契弟琳琳

何止摸魚,仲捉過娃娃魚,呢D人生經驗,你要等第二世喇。

我入山果陣未通漲,50萬一張咋。
頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。