地產論壇
登入名稱
密碼
頁數:
茶餐廳亂話(21)如何應付電騙
瀏覽人次:29450    回應:13

茶餐廳亂話(21)如何應付電騙

 

湯文亮博士

紀惠集團行政總裁
2016年11月21日

  今早去到茶餐廳,有相熟茶客慌慌張張走過來,坐低之後,在我未叫咖啡之前就同我講懷疑遭受電騙,我話應該唔會,現在一般人應付電騙方法就是不接來自國內電話,香港政府亦為此將所有來自國內電話都加上一個+號,這是斬腳趾避沙蟲,但亦是沒有辦法中辦法,但仍然不能夠杜絕所有電騙,騙徒是會採取漁翁撒網式,只要有人接電話,他們便有機會。

  那位茶客就是在一次不在意的情況下接了電話,對方很客氣,表示茶客在國內犯了一宗交通意外,很少事,如果他不願意到國內處理,可以將罰款寄到中國某地區人民政府,寄出罰款之後就通知他們,如果不交罰款,在過關時有機會被扣留,由於數目不大,那位茶客同我講佢照做,我話今次大鑊,只要他交罰款,即是承認犯了交通意外,騙徒就會食住上,他們可能話有關交通意外的受害者受到重創,甚至身亡,所要求的金錢就會愈來愈多,茶客話冇錯,他已經付了三次錢,但似乎沒有停止跡象,就算唔聽電話,留言亦帶有恐嚇成份,問我如何處理。

  其實,俾第一次錢之後,就即是承認曾經犯錯,騙徒所索取的金額就會愈來愈大,差不多所有的電騙案,騙徒在開始時要求的金額都不是很大,這是投石問路手法,如果對方俾錢,他們就會死纏爛打,將受害人搾乾搾淨為止,惟今之計,截斷騙徒來電,唔再交罰款,已交的罰款亦不要奢望可以追回,破財擋災算了。

茶餐廳亂話(21)如何應付電騙
1. 老年新症
2016-11-21 12:46
認罪!最緊要認,並且願意到內地投案自首,要求對方說出到那處自首。
2. 引刀一快
2016-11-21 13:27
其實,防電騙最簡單嘅一招,就係唔出聲馬上收線,若果係電騙,已經過主,真係有事搵你嘅,會再打過嚟。

另一個辦法,就係喺手機裝大陸嘅保安APP,來電電話號碼會有定義,除非個號碼好新鮮,否則會有其他人對號碼定義俾你參考。
3. 路人XX
2016-11-21 18:20
引刀兄所講的保安軟件,基本上就是一個電騙軟件,一旦下載使用,所有通訊錄的電話號碼和個人姓名等資料,全部被上載到有關軟件公司的資料庫,然後有關資料將會被轉售,這是非常嚴重的私隠洩露。
4. 引刀一快
2016-11-21 18:48
XX

依家有幾多個網絡唔竊取你使用習慣同足跡?唔通唔用browser?
5. 引刀一快
2016-11-23 03:55
其實,我仲有幾招對付電騙,好靈keng,但係講出嚟又怕騙徒同步進化,我不如講講騙徒通用特點。

1,打電話俾你,未必睇中你,可能只係篩選過程。
2,騙徒經常遇到玩佢地嘅機主

點樣甄別,自己執生。
6. 白痴
2016-11-23 04:27
呢條通天大聖真的乜七都識,所謂的電騙中招如果不是貪心或身有屎點會咁易上當受騙呀!一係簡單D任何不認識嘅電話都不接囉使乜七又裝埋使D不知道是甚麼樣嘅大陸APP呀!哈哈哈哈哈
7. 引刀一快
2016-11-23 16:46
白痴兄人如其名,果然白L痴。

如果唔接不認識電話,係可以喺手機設定架,白癡兄。

貪心身有屎先至中招?你根本就無知電騙點玩。

大陸嘅手機保安APP,用戶多過全港人口十幾倍,你唔用唔表示你醒扒,咪扮野。
8. 白痴
2016-11-23 16:57

冇錯是人如其名叫白痴,但是在這見到有條白九痴經常扮學識廣博專家發表廢話真的哈哈哈哈哈哈
9. 向飯民說不
2016-11-23 17:13
8楼,同意。呵呵。
10. 引刀一快
2016-11-23 20:36
如果學識差過白痴,點喺呢度溜呀?
11. 10樓廣燦
2016-11-23 23:59
老鼠跌落天平!未曾見聞過屌絲鬼邊段留言係有價值,由近而遠廢人講廢話卻是數之不盡,由此至終傻B傾向Bet那方,逆向下注實會Win!
12. 白痴
2016-11-24 00:13
呢條自宮怪物不自知犯衆憎還是洋详得意真的要好好驗驗智商
13. 引刀一快
2016-11-24 00:36
可能你呢段嘢有價值呀。哈哈
頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。