地產論壇
登入名稱
密碼
頁數:
茶餐廳亂話(18)千祈唔好玩弄業主
瀏覽人次:33436    回應:6

茶餐廳亂話(18)千祈唔好玩弄業主

 

湯文亮博士

紀惠集團行政總裁
2016年11月18日

  我今早去到茶餐廳,還未叫咖啡,已經有茶客行過來,一面怒氣,我循例問點解,原來他剛剛發生的遭遇,與最近一個租客不肯履行付頂手費的承諾,話裝修唔啱用,叫業主拆晒那些裝修的情況差不多,他只得兩日時間,工人已經準備開工,雖然他非常著急,不過都先要問我這是不是一個最好的解決辦法,我話當然唔係,這是一個兩敗俱傷的辦法,租客與業主將會出現一條永不消滅的疤痕。

  茶客問我有沒有好辦法,我話有,如果他認為好,就請我食早餐,如果唔好,就當冇聽過,辦法就是照租客要求,免收頂手費,甚至租客話要業主付多少拆裝修費也照付,而且,仲要表現得很開心,待入伙之後,如果見到租客生意不錯,就發一封律師信給他,提醒他在租約完之後,就不會再續約,並且多謝他租用該物業,如果租客醒目,我有八成把握在他收到律師信之後,會自動將頂手費送上,並希望業主大人有大量,那位茶客立刻打電話給裝修工人,叫他們不用拆場,跟著講聲多謝就離開,我以為我的屎橋唔啱佢用,所以唔請我食早餐,誰不知我回到公司,每一個職員都很開心多謝我,原來有人送了五十個早餐到公司。

茶餐廳亂話(18)千祈唔好玩弄業主
1. 無奈
2016-11-18 08:46
沙發!

這個應是真故事吧。

欲擒故縱。
2. 引刀一快
2016-11-18 09:56
大陸好唔同,簽約就全部押金、上期、頂手一次過俾晒。
3. botello
2016-11-18 10:00
又學到嘢
多謝博士:)
5. 若只如初見
2016-11-18 12:51
學到嘢. 湯生出名多計仔.
6. 頭痛
2016-11-18 22:28
博士及各位仁兄仁姊:
本人有一單位出租,今年12月租約到期, 曾聯絡租客要求象徵式加租少許,租客不肯,也罷,更應承新租約租金如舊,可是租客闊佬懶理,新租約草本已連whatsapps送出,但租客冇回覆, 更連電話都不接,真冇辨法,現請問各位有冇好橋教授, 謝謝
7. 引刀一快
2016-11-22 02:47
哇,唔係嘛?呢度一大堆收租佬,等幾日冇人俾意見呢位兄台呀?唔係有人講到似層層話“長線收租佬交流”咩?乜對同行咁冷漠呀?溜論壇,唔係淨係諗住圍人掛?
頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。