一念天堂一念地獄

　　在東京工幹成個月，食左成個月拉麵非常掛念香港的蝦餃、燒賣，終於返來親切的香港，氣溫較日本高幾度，近日東京氣溫轉涼，秋意綿綿，下午五時多便天黑，看樓時間非常緊張，時間唔夠用，幾位日本同事，每位同事忙了一整天外出看樓，都只是看5～6個盤而已，因為從新宿公司開車去酒店接客人去看樓，再編排行程看目標單位，經常都會塞車及塞紅綠燈，花費大量時間，例如筆者早兩天開車從新宿去高岡寺帶客看地鋪，車程約廿多分鐘，距離約五公里，而紅綠燈位就有成約40個，車速好難超過50公里，因為燈位好密，至於坐地鐵（電車）比較快，從新宿坐地鐵去高岡寺約十分鐘，但客人一家大小，有時坐車比較合適。但是有些客人來東京看單身公寓，日本同事好多時都會帶客人坐地鐵（電車）去感受下從車站步行到物業所在地，一般由數分鐘到十多分鐘不等，看一個單位車程加腳程平均都要45分鐘或以上，如果客人需要去銀行查詢辦理初步按揭手續事宜，一般都兩，三個小時，建議香港人在日本放低香港快速習慣，慢工出細貨係日本特色。

　　近日香港分行收到一位香港人放盤，他在1990年的時候在日本首都圈關東地區埼玉県置業（東京都正上方），買了一個兩房單位，當時港幣兌日元匯率約$65港幣兌¥1000日元，當時買入價為¥2200萬日元，面積約69平方米（實用面積約700呎）當時呎價約¥31428日元（約港幣@2042）距離今天約25年，他目前放盤係680萬日元，對比當年買入價，即係目前得返3成樓價，25年以來蒸發左7成樓價，客人是一位60多歲的香港人，年輕的時侯在東京都工作，客人表示，當年在日本置業非常難，外國人不能買，一定要有居留權才有資格可以買入日本物業，他父親是日本華僑擁有永久居民身份才能購買，客人滔滔不絕細說當年，筆者尤如走入了時光機，客人一路說，筆者一路幻想當年情境，歲月不饒人，25年後的今天，樓價仲未回到家鄉，筆者一向也知道事實如此，但有一位真實個案在自己面前，也非常感觸,非常震撼客人因為退休回港加上仔女在香港，決定放棄日本居留權，忍痛割愛出售多年以來居住日本的家，並表示1990年用相同價錢買入香港太子道物業，都已經升左幾倍了，而日本呢層樓就輸足七成，但是客人表示日本層樓仲好新淨，結構良好，如今真是割愛，客人希望筆者可以找到位有緣的香港人做呢個物業的業主。

　　客人離開分行後，同事們都議論紛紛，其中一位資深同事表示，有類似相同經歷，同事在1996年，6月份購入九龍一個三房單位，從1997年一直跌到2003年，同事在2003年6月份去銀行估價，層樓跌左7成，對比96年買入價，市值得返3成，物業已變成負資產，當時市道差，樓市氣氛極為弱，同事受到當時環境影響，有出售物業既意圖，但基於要擡錢贖樓，加上一個家庭都要有個安樂窩居住，當年才打消賣樓念頭，如今物業已升回到家鄉價不特止，仲有近倍升幅，真是一念天堂，一念地獄。筆者向同事說一個美好家庭造就一個絕對正確的決定！