簽名有潑火性質，我就5多覺，

我係咁諗嘅，如果一件事我已經做緊，隔離有人一味同我打氣，但係又唔落手幫，到我需要停一停睇定方向嘅時候，佢仲吹雞叫多D人嚟打氣，亦係唔落手幫，咁我會有諗法，呢種咁嘅無限量精神支持，到底係溫馨鼓勵，還是催緊我做嘢，谷我快D交貨呢？抑或係，做戲俾老細睇想立功？

To 89

To 引刀兄

【珍惜香港】TO：87/F 引刀一快兄

引刀兄咁著意周融呢個人，我真喺大惑不解。佢嘅角色，極其量喺一個 SALESMAN，一個發言人，唔喺一個政客。响我嘅圈子裡面，所有簽名嘅朋友，冇一個在意呢個人。佢嘅言行，冇乜人關心；有人批評佢嘅國籍，亦冇乜人有感覺。大家都只喺關心簽名嘅主題，旗幟鮮明嘅話，就會去簽，所以我唔見得佢可以抽到啲乜水。其實，呢次响政治上，最大得嘅益者，喺建制派政黨。

講到法治，反而喺我覺得好奇怪，點解依家搞成咁，你都仲覺得香港有法治。一個地方有冇法治，唔喺基於一堆填滿法律嘅紙。你有呢一堆紙，唔代表你就有法治。法治嘅精神，唔單只喺睇個制度同執法者，最重要嘅，就喺公民意識。响法治嘅保護之下，唔同階層嘅個體、社群同機構嘅生命、財產同運作，理應得到保障。有法不依，有法不執，已經傷害到個體、社群同機構嘅生命、財產同運作，咁都仲叫做有法治？一切都喺嚟自違法佔中呢個因，衍生咗一個隨著個別主觀意志，去決定守唔守法嘅文化；而呢個文化，响佔領區度隨處可見，仲越嚟越變本加厲添！閣下唔好誤會，我地出嚟簽名，唔喺要彰顯法治，而喺要通過主流民意嘅表達，對呢個踐踏法治嘅扭曲文化，作全面嘅否定。如果我地再唔表態嘅話，呢個扭曲文化，响傳媒嘅推波助瀾之下，分分鐘會變成恆常，到時一年一度 928，就真喺冇眼睇啦！

所以，你最後果兩條問題，其實我早就答咗你：我地身為羊群嘅，就要做羊群應該做嘅事，有所為，有所不為。閣下似乎只喺睇到前兩句，冇睇埋後兩句。我地作為羊群嘅一份子，應該做嘅事，唔喺要隨波逐流，而喺要對得住自己嘅良心，投下正確嘅一票，唔可以逃避，咁先至算喺，有所為，有所不為。所以我點解呼籲大家一定要去簽名，而就著你果兩條問題，呢個呼籲更加重要啦！但喺，如果最後羊群反映嘅整體取向，真喺負面嘅話，咁點算呀？唉，咪認命囉！你點樣逃避，現實，都喺改變唔到，只可以面對。如果香港嘅主流民意，真喺支持一個踐踏法治嘅扭曲文化，咁我地就更加要早啲睇清楚，而唔喺去逃避。

仲有，你話上次簽名發揮唔到作用，我唔同意；有好多嘢，唔可以只喺睇表面。佔中未發生之前，百多萬用腳行出嚟嘅簽名，的確為香港人打咗支強心針，令佔中者猶豫卻步。今次再簽名更加重要，因為佔中發生咗成個月，已經開始造成無可挽救嘅傷害，家庭破碎，小商戶現金流中斷，無力番生。你話，呢段喺非常時期，執法出現障礙啫，但對好多人嚟講，等到所謂嘅時機，一切已經太遲！你要人地撐得住，都要俾啲鼓勵架！成個月以嚟，只有一面倒嘅壞消息，連傳媒都企哂响班黃虫果邊，恍惚成個香港已經番到華探長年代，冇人敢發聲。你話，唔該出個真身喎，唔通搞遊行呀？引發群眾衝突嘅話，就真喺幫倒忙啦！

依家只有呢個簽名運動，先至俾到香港人一絲支持，對社會大眾，喺惟一嘅正面訊息， 尤其對受佔領行動影響到生計果啲，我同旺角一啲相熟商舖嘅言談之間都感受到。簽名嘅第一日，已達三十二萬，跟住班黃虫就取消咗個小圈子公投。到咗第四日， 已經達九十八萬，喺上次簽名運動成個月嘅成績。見到班商戶朋友成個月嘅愁眉苦臉，今日先至顯露一啲笑容。雖然簽名運動未必有好實質嘅幫助，但對於受影響嘅 人，正能量喺好重要。呢樣嘢，就好比士氣，影響大眾嘅行為，喺成敗嘅關鍵。

香港嘅警隊，當然喺專業，但前線嘅警務人員，士氣一樣咁重要。我地唔喺要指令警隊做嘢，佢地幾時做嘢，自有盤算。簽名運動要帶出嘅，喺正面同正確嘅民意訊息，呢個只喺對俾傳媒扭曲哂嘅民意，作撥亂反正嘅宣示。正面訊息，只會令人更專業，更理性；反之，冇哂呢啲來自民間嘅正面聲音，只有傳媒一面倒嘅抹黑，招至嘅負面情緒，對受影響嘅無辜市民，對前線嘅警務人員，先至喺生亂嘅因。

所以我地做人，唔可以只喺識旁觀，一定要將心比己。

To 104樓

我只係對珍惜香港兄講過一次對事唔對人，有成日講咩？冇喎。

“ 如換轉個簽名運動是一個你尊敬的人做搞手 ，你會有一萬個原因支持。 ”

我引刀一快眼光一直唔錯，我尊敬嘅人唔會做呢D抽水嘢，再講，我尊敬嘅人唔多，未死嘅就更少，大部份都係音樂界同學術界嘅先賢或人士，好難會咁啱撞中。

如果萬一出現咁嘅情况，絕對係污點。

有人要去敦促警察做嘢，仲有人話應該要咁做，呢個係香港人法制觀念集體大倒退，藉住今次簽名運動，完全展現岀嚟，真係痛心。
大陸支持好正常，完全係派系敵我嘅問題，另一個原因，相信大家好清楚，大陸嘅法制觀念同法治意識，同香港好唔一樣，呢樣嘢追上香港之日，就係中華民族問鼎一哥之時。
睇嚟，日日講住法治嘅大多數，攞住法治去做武器劈友，自己都唔知。