地產論壇
登入名稱
密碼
頁數:
41. Oscar Lam
2014-09-19 18:07

TO: 37/F

工,商,舖,無論是否自用,銀行一律按4成

42. 亮劍
2014-09-19 22:09
CD ROM兄…………你說有些人結婚首置, D父母都已經球球數比佢地買樓結婚,我深有同感!
最近中西区有幾個新盤開,呢区嘅代理通常係搵 D 有米 60後家長入飛,而业主名就绝大部分落仔女,唔少報紙已反覆報導过好多次。
咁点解D人有咁多錢?
我有時同老婆一齊用自動电梯上山返屋企,週不時撞到她的同事,我到堅道已要轉右,但她的同事就更上一層樓,堅道再上就係羅便臣道、干德道呢 D真正豪宅,可能 CD ROM兄你都知,求其一間亦唔係嘢少!
尋常人家要攞一百幾拾個出來做首期,真是要全家总动員,窮十年之力,而且要傾囊而出先至有,但有人係求其放叁四拾手一号仔,已搅掂筆首期!
有 D人起跑線已前咗人好多,而且他們仲有得坐埋車,咁佢哋唔贏到開巷就真係有鬼!
43. yy
2014-09-19 23:58
不用羨慕那些排在起跑線前的孩子,上天是公平的,家財與孩子戰鬥力必然成反比。縱使孩子個個長青藤博士,在商圈生存是講勇氣、决斷、適時的追殺或委曲求全、甚至沽出靈魂,這是生於富裕的孩子所獨缺(項羽自刎劉邦稱王),富家孩子的財富必將易手,且慢,當我們富起來之後,下一代也必成豬囉!
以上是鄙人家族的親身經歷和感受,的確是富不過三代。
大而化之於今天的香港,本土的年輕人又如何能跟國內的同胞鬥無恥下流呢!

44. 亮劍
2014-09-20 05:18
報紙同19專家經常把停止QE同加息拉埋一齊講,
其實兩樣野根本就風馬牛不相及甚至係相反的東西。

過去由於香港的財經記者財務知識水平相對徧低,
有心人只要將兩樣野擺埋一齊,
香港財記自然就會把外電翻譯搬字過紙,
所以作為讀者必須搞清印錢的基本概念,才不致於死得不明不白。

美元其實是債的一種,正確說是一種不用付任何利息的債,
當沒有金本位制後,「美元」就是沒有實質價值的東西,
而「美國政府債卷」是美元BACK UP的,用沒有價值東西BACKUP的東西,其實都是沒有價值。
70年代以後,美國就是用這兩種沒有任何價值的東西,來奪取別國財富。

「印錢」這個行為在普遍人眼中很「肉酸」,因為「印錢」就是連「看上去好似有價值」的美元利息都不願付,所以美國盡可能都唔會用。
其實一向以來,美國都是用「發債」方式令財富流到美國手上,
當現時0.1%利息發的債在市場上都有足夠的人購買,「發債」機制就可以有效運作,財富自然滾滾來。
如果有一天0.1%債沒有人肯買,FED 就需要用「印錢」的方法來買,
「印錢」其實就是逼其他美元(港元)持有人分擔佢D債。

過去兩年來美國盡量搞亂歐洲,目的就是迫D錢返返去買美債,
既然市場上有足夠的投資者低息買美債 ,QE3自然可以取消,所以取消QE3其實同加息根本毫無關連。
(事實上850億是每月「最多」買債數額,相信過去一年FED每個月都不需要買850億)
反過來說,現在既然不用QE都有足夠債券買家買佢地D低息垃圾紙,美國更加沒有動機去加息。

所以,以後如果再見到有報紙佬講停止買債之後會加息,
代表只有兩個可能︰
一. 呢個人唔識野冇料到. 
二. 呢個人想昆人賣樓自己上車。

日本政府最失敗的地方,就是令市場人覺得,日本永遠都好難加息,
當投資者認為日本永遠都唔會加息,自然會離棄日本「債券」同「現金」。
美國是金融創意大國,當然深明此道,
所以要「發債」機制可持續運作,這個「加息預期」是必須的,
「加息預期」不等於「加息」,「加息預期」不用付任何額外利息,
只要好好控制市場的「加息預期」,投資者自然會對美債不離不棄,好似傻仔咁任佢舞。
知易行難,要有效控制市場的「加息預期」,單靠耶倫一個是不成的,
還要「FED行長委員」、「專家」、「Bloomberg/Reuters記者」,
各方面配合絲絲入扣,才能上演一場無可挑剔、讓觀眾俾人劏左都唔知乜事的好戲。

此外,上演「加息預期」除了中長線令投資者對美債不離不棄外,
短線還有Bonus,就是在股市滙市上下其手,這方面就要靠「投行」發功,
不過觀察投行同儲局的親蜜的關係,呢樣野不難做到。


昨日又做左野出SHOW喇,搵幾個二打六行長委員出黎「預期」下兩年後息口水平,
市場又有一班傻豬俾佢地舞到陀陀擰。 

(當某些持有美債(美元/港元)的人,如果要離棄美債,但不願買歐債/日債,就只有買資產了。
不過如果這班人「預期」將會加息,佢就會唔敢去買資產,「乖乖」留在美元體系內收取0.1%利息,
那樣,「發債」機制就可以持續運作了 )

[ 本帖最後由 getoff123 於 2014-9-19 01:22 AM 編輯 ]

45. 蜕变中嘅懒人
2014-09-20 06:46
TO 44樓 亮劍兄,早上好。

兄台呢段貼文,顯淺而深入地剖析咗美國貨幣、發債、QE、息率、政治意圖,亦提示咗對一般人民嚟講,盡量長期持有有價資產實物,係目前最有效而最低成本嘅長期抗衡方法,其實近10年來喺香港嘅樓市表現,己經好大程度顯示出呢段貼文嘅真確性。

懶人都可以一睇即明,比個like兄台之外仲加一句評語:信者有救!
多謝亮劍兄分享。
46. To getoff 123
2014-09-20 07:08
…………呢嗰篇嘢唔應該放喺地產版討論, 在股市版講會好些. 原因係.
1) 利息升, 唔代表樓價會大跌, 睇返歷史就知, 樓價大跌, 從來, 從來, 只是因為突發事件, 當年六四, 後來97金融風暴, 08年海啸, 03年我唔計, 因為其實係由97年跌到03年, 03係97既延續.
2) 樓市賺錢, 百份之九十,都唔係smart money,即係其實好多人賺大錢, 根本就唔駛分析錢既流向, 即係估計利息升, 樓價跌就賣, 利息跌, 樓價升就買, 咁樣做既, 我真係未見過賺大錢。反而, 賺大錢既都似係做生意, 即係cash flow夠唔夠, 銀行既credit line有幾多, 租客既質素, 計唔計得掂盤數....., 身邊好多喺樓市發達既, 都係基於好簡單既野, 香港土地有限, 政府唔可能改呢個高地價政策, 大陸人個個想來香港. 結論.....樓係一定升, 所以計得掂數就買.
3) 有咁想法既, 有人發達, 因為佢頂住左幾個風暴, cash flow夠用, 有人PK, 就係死喺呢個風暴 、某個黑天鹅手上. 咁呢啲風暴及黑天鹅,又同QE、利息有咩野關係?請留意 「預期得到既野, 一般沖擊有限」。

qe對樓升有影響嘅係,因為qe當時真係好突然, 但係收qe, 好似係好多人預期左,而又漫長既事, 所以收qe對樓市既影響,唔會好大。


47. 蜕变中嘅懒人
2014-09-20 08:19
樓海茫茫,潮漲潮退,身家財產,誰主浮沉?

                                    租樓------攞住個啞鈴。
                            有自住樓------攬住個水泡。
      有自住樓 + 1層收租樓------攬住個水泡 + 1個氫氣球
有自住樓 + 好多層收租樓------攬住個水泡 + 好多個氫氣球


48. 打工仔 Andy
2014-09-20 08:32
多謝亮劍兄的分享! 
49. 打工仔 Andy
2014-09-20 08:35
To 47 懶人兄早晨,

講得好! 哈哈哈! 
50. 亮劍
2014-09-20 08:40
氫氣(氦氣)球兩叁日就漏氣,千萬不要倚靠佢!
俾我會咁寫……
租樓------攞住個啞鈴。
有自住樓-------上咗救生艇。
有自住樓 + 1層收租樓------上咗遊艇。
有自住樓 + 好多層收租樓------上埋郵輪……(除非呢隻嘢係鉄達尼,否則火燒旗桿)!
共勉之!



51. 蜕变中嘅懒人
2014-09-20 08:48
TO 50樓 亮劍兄
兄台己經喺"長炭號豪華郵輪"飲緊法國紅酒,嘆緊世界了,羨慕!
52. 打工仔 Andy
2014-09-20 08:51
郵輪假期真係好正! 哈哈哈哈! 

共勉之! 
53. 蜕变中嘅懒人
2014-09-20 08:54
TO 50樓 打工仔兄,早上好。
兄台亦都己經喺"長炭號豪華郵輪"船尾欣賞緊美麗日落,嘆緊世界了,羨慕!
54. 蜕变中嘅懒人
2014-09-20 09:03
TO 49樓 打工仔兄,早上好。
兄台亦都己經喺"長炭號豪華郵輪"船尾欣賞緊美麗日落,嘆緊世界了,羨慕!

先頭噤錯lift。
55. 亮劍
2014-09-20 09:13
总之大家坐緊遊艇同郵輪既乘客,应学似湯博士咁,只做兩成槓桿,咁就可「任憑風浪起,稳坐大郵輪」!

共勉之!

56. 打工仔 Andy
2014-09-20 09:16
懶人兄
我仲未上到豪華郵輪! 哈哈! 
不過, 早兩年去遊長江三陜時, 坐過長江黃金二號, 真係好正! 
57. CD ROM
2014-09-20 09:21
多謝亮劍兄教路!!!


58. 引刀一快
2014-09-21 07:33
亮劍兄

不如你又講講自由行退潮有冇影響吖。
59. TO 引刀一快
2014-09-21 08:17
不如你講先啦。只織套料。
60. 引刀一快
2014-09-21 09:08
你估我係你咩。
頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。