|
|
有時候，有很多事情與我預料的不符，我曾經寫了幾篇文章評論辣招的受害者，銀行將會是其中之一，但又很奇怪，我從來沒有聽過銀行投新辣招令他們生意減少，.......... 博士似乎忘記了美元已經佔領了中環銀行體系???錢是可以由貨倉的廢紙印的......如何好意思說出口........
|
|
|
|
銀行新貸為何創新高? 1 每年舊區重建所釋放的購買力，絕對唔係嘢少。 現在當一幢市区殘楼俾發展商睇中，呢度有50个400 呎单位，絕大部分冇按揭。 本來呢幢楼均呎係8 K，但是現在收購價係12 K，如此這般呢50个单位，共兩萬實呎的舊業主，就會收到發展商合共2.4億真金白銀的彈藥。 咁那班接受收購的業主，大部分會做的事係： a) 業主如果已退休又冇仔女，都買翻一間自住，銀根鬆动D買多間收租養老； b) 有仔女嘅業主，而佢哋又出晒身的話，咁一開二起碼； c) 仔女仲未成年，咁一炮过買入兩個单位，其中一個自住，另一個收租。 d) 原來物業作收租用途嘅，咁亦係一開二行自動波。 我就當以上業主平均做一倍槓桿啦，咁整體銀行貸款額在呢幢楼的業主計，就會由幾乎沒有變成近2.4億！！ 2 近幾年好多銀行推出類似 Mortgage Link 的計劃，小業主只要將加按的錢放番入銀行，完全唔使俾息，你銀行支出沒有或是好低成本，點解唔做呢？！就搵上述那一幢楼的b個案業主計，本來用兩名子女名，可入兩件 4.5 M，各付 2 M首期，但現在銀行益街坊，咁最多每間俾的首期係1.5 M咋。剩下果1 M幾就存Mortgage Link ，那麼呢兩戶的斷供機會係幾多? 如此說來單就呢家人計，係借足你 6 M呀，而且銀行的風險，低到幾乎沒有！ 3 我係一名60後，與我同齡的朋友、同學、同事及親戚，真是多如牛毛，要是他們在80年中到90年代初，襯香港經濟爆發期上咗車，現在衰衰哋都有近5~8M資產淨值啦，手持M零現金亦好平常，咁幫D細路上件豪宅，可能力不從心，但上件4M零玩細胞分裂，老實講单以首期計，係有心有力的， 供款头幾年可能真係要D細路省吃儉用，無得去欧美旅行才能成事，但之後幾年隨着班年輕人升職同加薪，咁供款压力就可減輕唔少。香港已經或就來供甩的小業主，聚 70 多万之多，呢班人的下一代能否上車唔係睇個人，而係上一代成個家族累積倒多少弹药同肯唔肯跌！
|
|
|
|
亮劍兄
你嘅進取，完全投射咗落去呢班前業主身上。 事實上，係咪個個都係咁呀？ 咁那班接受收購的業主，大部分會做的事係： a) 業主如果已退休又冇仔女，都買翻一間自住，銀根鬆动D買多間收租養老； b) 有仔女嘅業主，而佢哋又出晒身的話，咁一開二起碼； c) 仔女仲未成年，咁一炮过買入兩個单位，其中一個自住，另一個收租。 d) 原來物業作收租用途嘅，咁亦係一開二行自動波。 e)放喺銀行做人民幣定期，480萬x3.25％(一年定期）＝15萬6000，可以幫補交租，等樓市跌。（最大可能性） f）俾仔女做生意 g）冇仔女，攞番大陸養老 h）攞去澳門搏一搏，單車變摩托！ 我就當以上業主平均做一倍槓桿啦，咁整體銀行貸款額在呢幢楼的業主計，就會由幾乎沒有變成近2.4億！！
係咪個個都咁睇好樓市，一出即入先得架。
|
|
|
|
銀行按揭都是最穩陣的生意，香港人普遍很少斷供，97如是03如是，銀行穩賺不賠
|
|
|
|
e ) 放喺銀行做人民幣定期，480萬x3.25％(一年定期）＝15萬6000，可以幫補交租，等樓市跌。
f）俾仔女做生意
g）冇仔女，攞番大陸養老
h）攞去澳門搏一搏，單車變摩托！ ……………………………… 首先我同意引刀兄以上呢幾点，但我講 abcd 呢幾点，係我第一同第二身經驗，我強調绝非憑空杜撰！
在幾年前，我太太的屋企人及她親戚，好好彩都分別俾人收舊楼。 果陣佢哋已經在还未收齐錢之前，已分头找相熟地代，四處出擊去重置单位，但佢哋都手慢要買貴貨。 原來老街坊都是念舊的、都是有米的、都是醒目的！ 那陣西半山唔少单位，就此一年內俾呢班舊楼業主，掃高幾百個，個別单位甚至升足上千万，一炮过透支数年升幅！ 我一家人親歷如此搶楼大時代，才知天外有天，人上有人，原來人家可以有錢成咁，未收齐錢都可殿幾佰個出來買楼的！ 我亮劍有無作大？請上網查看08~13年西半山果区的買賣紀錄。 (那幾年西半山被收購的舊楼应有上千伙，而我太太娘家有多过一間西半收緊租。)
|
|
|
6.
2011開始2 |
| 2014-09-15 13:26 |
|
2006/7年有私人公司提出收購父母的唐樓住宅，2007年5月提前買入奧運站4年二手两房單位自住(三成首期，七成按揭)，2010年收購完成，將收到的錢即時買入灣仔4年二手两房單位收租(連租約買入，五成首期，五成按揭)，灣仔樓H+0.8分期30年,奧運樓2011年加按變現百幾萬做使費及以備不時之需，加按同時轉plan分期30年H+1.5.灣仔樓收的租金除了两間樓的供款及管理費外每月正現金流5千，两間樓的利息支出才5500元，打算將两間樓長揸。 其他街坊-對面單位打算將收到的錢‧FP同區買入两間唐樓，一間自住一間收租。樓上單位業主巳移民，帶錢走。
|
|
|
7.
SSD一年 |
| 2014-09-15 13:41 |
|
請問各位高人，買入一年後賣樓，SSD罰15%，由簽臨時買賣合約日計一年，或是正式成交日計一年？
|
|
|
|
亮劍兄
我只係將多幾種可能性作補充啫，唔係話你作大呀。 不過我睇到呢度又有個異議，08－13年，西半山係俾老街坊炒起，定係俾老同志炒起先？ 另一個問題係，你講佢地咁有米，駛咩貸款？
|
|
|
|
|
|
|
不過我睇到呢度又有個異議，08－13年，西半山係俾老街坊炒起，定係俾老同志炒起先…………
西半山較適合老外金融客，貪佢返工方便，不過他們大半攞房津去租，因此好多老一代業主，会買多一兩間西半租俾呢D人，收租養老。 除此之外，因為西半山座落11校網，港大又喺附近，望子成龍望女成鳳的家長客，亦想擁有一間以便節省通勤時間。 至於同胞因為唔習慣上山落山，同埋嫌棄半山太迫， 所以佢哋会走去西九。
另一個問題係，你講佢地咁有米，駛咩貸款………… 幾百個喺半山，在幾年前只夠首期，家陣可能唔夠呀，而且做適量槓桿，有何問題？
|
|
|
|
市區重建局失敗的原因係: (一) 收購價以實用面積計 (地盤建築面積七或八折) 再按同區七年樓齡樓價計算賠償。 (二) 收購之後將地盤交給地產發展商經營，中間多了一個利潤索取者。 因此做成收購價偏低，建成後出售價絕不低 (執到黃金市價賣)。 反觀私人發展商出手豪爽得多，效率亦高得多，從中西半山的舊樓改建可見一斑！
|
|
|
12.
CD ROM |
| 2014-09-15 15:43 |
|
其實被收購, 與其同區無可避免被短暫炒上, 何不向附近區域著手?
最慘係唔關事又被人忽然炒上既準買家...
|
|
|
|
CD ROM 只……
你說：「其實被收購, 與其同區無可避免被短暫炒上, 何不向附近區域著手?」
公屋拆遷通常都有得原区安置，咁那班收咗錢嘅老街喺原区重置亦合理，當西半D盤俾人掃到離咗地之後，就輪到西区同湾仔小業主受惠，由其西区因為加上MTR就來通車，更加係火上加油。 我識得有業主因為費事同人迫，拿了錢後出走將軍澳及大圍，点知中伏！ 舊街坊人人執多幾球，但他們斯人獨憔悴，半年前还在坐艇中。
|
|
|
14.
引刀一快 |
|
| 2014-09-15 16:32 |
|
亮劍兄
咁西區係咪特例先？港島本來就睇高一綫喇。 同胞去西九，有部份係遇人不淑，俾D西九中介老點咗啫。
|
|
|
15.
CD ROM |
| 2014-09-15 17:27 |
|
將軍澳中伏的例子真係聽唔少, 我成日聽人讚TKO的話我都會話去租來住就最好~~~
我有個friend想係迎海上車, 我都力勸佢你小心果度邊第2個TKO, 上車都係買2手穩陣, 更可況佢單身又唔駛買得大~~~
|
|
|
16.
mltong |
| 2014-09-15 17:33 |
|
亮劍兄： 悭番啖氣啦！對一個從來都未做過物業買賣既人講來都白費心機，要救係救d有得救而值得救既人，救唔到既蓄牲就愛莫能助。
|
|
|
|
買樓如果個人能力大,一開始就要買靚啲,買大啲.......這是個人見解,大家不要介懷.......免得換來換去......買樓/買舖/買車位/樣樣要買......
|
|
|
18.
2011開始2 |
| 2014-09-15 19:08 |
|
一有機會就會同銀行申請加按，留$在手隨時出手買物業，未有機會時存人仔賺息差，買下藍籌股，去年及今年都是買388
|
|
|
19.
erictam |
| 2014-09-15 20:52 |
|
持有國內物業請盡速逃生，唔知點解，無數據無理據，只知自稱大陸專家話大陸會爆煲，信不信由你。但係佢估嘅野未中過，包括佢估ccl年尾會低見113。
|
|
|
|
在中國購置房產/店舖自用,是一件賞心樂事,是一件美好的理想,整天慌失失的炒家走貨心態,就不適宜回中國內地購置任何物業/房地產......
|
|
App下載
