地產論壇
登入名稱
密碼
101. 初哥
2014-08-15 20:18
我覺得財爺既忠告係非常岩。難道有事發生先講? 樓市有周期大家都知! 經濟影響股市,樓市這是常識吧!經濟會被什麼影響?當然最嚴重就係政治啦! 日日都公投佔中! 內憂。 外患當然係地緣政治啦! 世界越來越亂,有咩事發生經濟首當其衝。中國不能獨善其身,香港更不能。 小弟剛剛做左小業主。乜都唔怕!最怕就係世界弄,中國弄,佔中! 社會動盪經濟點會好!中央無耐性派解放軍清場,後果大家會估到!樓市因而跌,有樓就大件事!冇樓都唔會好!因為分分鐘連份工都無埋! 只係小弟最擔心既地方!狼來了不可怕,最怕半路殺出隻老虎
102. 蜕变中嘅懒人
2014-08-15 20:43
TO 100樓 引刀一快兄
懶人貼錯咗再貼過,令引兄誤會在此先致歉,其實俾個沙煲懶人做胆都唔夠胆咁樣批評兩位兄台,何况懶人時常覺得兩位嘅意見好值得参考,其實睇淡睇好都有道理,但係用文字暴力,以無禮粗言穢語侮辱人嘅啦啦隊班人就唔係咁啱,忠告吓啲無知雄雞啫。
103. Oscar Lam
2014-08-15 21:24
懶人兄,
CCL又創新高啦!在此,我也不得不用我微弱的力量大聲疾呼,CCL拜託你不要再上升了!最好保持不升、不跌一段時期。

如果CCL再次上升,我擔心CY再次出笨招,規定所有物業投資者只能保留一間自住樓,其餘物業需在半年內出售。

請大家一起努力,叫停CCL。

共勉之,哈哈!
104. 中女社社長
2014-08-15 21:33
CCL今日報125.66,創新高
105. 大寶二寶
2014-08-15 22:05
回103 Oscar 兄

我諗思歪又吾會咁絕嘅, 行我下面招數喇,我以前都提議過:
1. 30歲前最多可擁有一個物业;
2. 40歲前最多兩個, 如此類推, 即70歲有5個物业。
到時真喺家有一老, 如有一寶, 又可敬老, 樂也融融........。

共勉之, 哈哈!
106. 睇得通
2014-08-15 22:11

完美金融風暴導致走勢轉強!!!

中原城市領先指數 CCL  每周五公佈 – 最新2014/08/15公佈,反映2014/08/042014/08/10(預計簽署正式買賣合約時段)的二手私人住宅樓價。一般在簽署臨時買賣合約後14日內簽署正式買賣合約。
本週公佈 與上週比較 與上月比較
[中原城市領先指數]

125.66

  1.34 %   1.86 %
[中原城市(大型單位)領先指數]

131.41

  2.03 %   3.53 %
[中原城市(中小型單位)領先指數]

124.01

  1.21 %   1.55 %
[中原城市大型屋苑領先指數]

125.64

  1.14 %   1.43 %


[中原城市分區領先指數]
*只包括大型屋苑
  本週公佈 上週比較 上月比較
港島 135.79 1.23 % 1.7 %
九龍 125 1.86 % 1.7 %
新界(東) 126.35 0.76 % 0.42 %
新界(西) 107.26 0.13 % 1.31 %

 

 

 

完美金融風暴導致走勢轉強!!!

107. 蜕变中嘅懒人
2014-08-15 22:21
TO 103 Oscar Lam 兄
懒人覺得細價樓升得太急,先至係值得担心,雖然以懶人嘅原先計劃係睇好細價樓,趁高位先賣中價樓變現,換人仔收升息,等细價楼升再賣2間细價樓變現,集齊資金都轉人仔收升息,等跌市夫披入間有大會所大泳池嘅二手高價樓,但估唔到细價樓升得咁急,真係反而不妙,有機惹來民怨同加辣,懒人最担心係租管,如果好似懒人之前嘅諗法有機會出现,就會比预期早趁高放樓仔,而家真係摸緊石頭過河。
108. 引刀一快
2014-08-15 23:02
懶人兄

我睇見你嘅言辭,估計都係俾人刺激咗。

懶人兄,係時候返嚟睇樓,搵番間喺南浦附近嘅都唔錯,依傢廣佛交界嘅樓盤喺度搶客,上年我有個網友放咗間廣碧嘅頂樓特色單位,屋外有120平方米(唔係呎,係米!)平臺,送嘅、私傢嘅!仲有天臺!,182萬人仔。

大陸樓係冇港樓咁有價值嘅,不過大陸生活又可以享受好多香港冇嘅嘢,依傢交通咁便利,兩邊有屋,生活享受就多元化好多。

109. Oscar Lam
2014-08-15 23:09
回105 孖寶兄,

你這一招的確利害!不止解決了房屋短缺的同題,同時也解決了老人退休沒入照顧的問題,一舉二得。可惜以CY的智慧,未必想到這個好方法。
110. 打工仔 Andy
2014-08-15 23:43
To 99 懶人兄

雖然我都係好友! 不過, 也常常提醒自己97年的慘痛經歷! 
好彩一路住到依家已經超愈了97價格40% ! 

CCL 又創新高! 真係擔心會.....爆! 

111. 打工仔 Andy
2014-08-15 23:49
本來都想賣一兩間細樓, 來換返多一間900至1000呎來自住! 
不過實在太貴! 決定取消計劃! 日後再算! 
112. 蜕变中嘅懒人
2014-08-16 00:11
TO 108樓 引刀一快兄
懶人覺得內地樓買嚟只係渡假用真係浪費咗啲,以前我細佬買咗間一個月返去兩次,初初係渡假feel,後來变咗一個月返去兩次掃屋抹地,後來頂唔住賣咗,租金收得唔多,二手升值又慢,唔係長住唔係好化算,仲有度最攞命,懶人好鐘意揸車,係屋企都係玩電腦跑車颷移吓,聽講內地超過60歲唔發車牌,死症無解藥,想愛國都唔得。
113. 天空
2014-08-16 00:33
啦啦隊果個廢物真係好搞笑…....又很可憐……goodest cantonese ..哈哈……仲排緊隊….....陰功……不過佢父母生著呢個廢物……仲陰功
114. 引刀一快
2014-08-16 00:34
懶人兄

我試試幫你問下攞個香港牌去換得唔得,香港人唔使喺大陸考牌,有香港牌就可以係辦,過60歲唔俾攞牌我係第一次聽到,我外父七十幾仲日日開車,廣州喔,唔係講D山旮旯冇皇管地方。
我係早幾日聽見你問限購鬆綁嘅事,以爲你有呢個諗法,如果冇養貓狗,我覺得其實冇咁嚴重嘅,搵鐘點工做就得架喇,不過大陸樓租值係低,投資都係鋪好。
115. 蜕变中嘅懒人
2014-08-16 00:40
TO 110樓 打工仔兄
其實懶人話怕乜怕物,都係一種警介心態,投資等於捉棋,時常估計對方下一步有幾多種行法,最有可能行邊一步,全部都预萛晒對策,輸晒有個譜。市況受人心影响最大,估吓啲人將會做乜應該有用;講到細屋換大屋,得一間自住樓係比較被動,好似捉緊殘局,多一間或两間就多啲棋行、多啲機會,慢慢用心機等啱時機,放胆主動出擊,有時機會稍縱即逝,懶人夫婦當年勇字當頭,當時唔搏今日會後悔,投資始終都係要機會、眼光同勇氣,穩陣安全嘅守勢波就和局多過赢波,點揀要睇性格,呢啲都係懶人一向諗法,同兄台分享吓。
116. 引刀一快
2014-08-16 00:42
To 105樓 大寶二寶兄

咁如果佢得一粒仔,未夠30歲,而佢忽然走咗,咁係咪規定多出嘅所有物業要拍賣?

仲有,如果以物業數目計算,而不是以面積計算,咁個個都走去搶大單位,發展商傾向發展大單位,供應咪仲少?
117. 引刀一快
2014-08-16 00:47
諗諗下,仲有個問題,到底呢個辦法係以個人為單位,定係以家庭為單位?
118. 引刀一快
2014-08-16 00:49
懶人兄

你懶人夫人收入咁勁,梗係勇喇!
119. 蜕变中嘅懒人
2014-08-16 00:52
TO 114樓 引刀一快兄
60歲唔發牌係我外父內地個司機話我知,唔知係咪內地有牌多年就唔同呢?新考牌、領國際牌或者換牌會有年齡限制都唔定噃。
120. 引刀一快
2014-08-16 00:54
懶人兄

我幫你去問下。
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。