地產論壇
登入名稱
密碼
頁數:
居安思危的歪理
瀏覽人次:73597    回應:53
居安思危的歪理
 
湯文亮博士
紀惠集團行政總裁
2014年8月9日

  有後輩賣樓,我多口問點解連自住樓都要賣,我以為他會說樓價上升了很多,比對他的投資有兩倍收益,點解唔賣,正是有糊唔食,罪大惡極,原來唔係,而是他最近睇了任總的新書「居安思危」,又聽到那些評論員恐慌性言論,所以,便下定決心,連自住物業都賣走,我雖然不同意他的做法,但亦代表香港政府多謝他將自住物業賣走,為供應短缺的樓宇盡一分力,而且,現在賣樓的人,必定很了解樓市情況,樓價若果不下跌三成以上是不會再買樓自住,暫時不但不會增加購買力,而且他們亦是財政充裕的人,對租務市場亦有穩定作用,總括來說,對現在香港物業市場是有利無害,不過,就有人不明白,任總的居安思危,怎麼可以演繹成叫人賣樓,我相信,那人根本是打算賣樓,他們有心曲解任總的意思而已。

  不過又難怪他們,天下本無事,他們只得一層樓宇,供款又沒有問題,正式是「居安」,但不知何故,那些評論員,學者整天說香港樓市會大跌,說跌超過一半者不計其數,那些本來是「居安」的人未免要「思危」,當中有些小業主過不了自已的心理關口,索性將自住物業賣走,點不知樓價不跌,沒有評論員肯認真面對事實,有人要求打加時,他們說兩年後樓價一定會下跌超過一半,亦有評論員說樓價不跌只不過是因為他所預測的利息,失業率都沒有飆升,實在是非戰之罪,不過,大多數在過往說樓價下跌一半的評論員都沒有表態,或者,他們認為香港人是善忘的,但過往聽他們的危言而將物業賣走就慘了。

  任總的「居安思危」當然不是這樣的意思,而是叫大家做妥一切壓力測試,利息只會上調,亦要留足夠儲備以應付突發事件,不過,任總不但沒有叫大家賣走自住物業,他反而說,若果將自住物業賣走等同沽空,如果大家聽任總的說話,即是有超過一個物業的人才可以賣走用作自住以外的其他單位,這類人數不是太多,而且,那些人的財政都是非常健全,又不會無緣無故賣樓,到最後,樓宇不會出現龐大的供應量,而那些供應量不同於地產商,是不受控制,如果一窩蜂推出市場,樓價就一定會大冧,如果大家認真思考任總的「居安思危」,他亦只不過叫大家「思危」,並沒有叫大家做出賣樓這個危險動作。

居安思危的歪理
1. Or sir
2014-08-09 10:40
I agree so I sold two investment properties and bought back two instead to make money flow fluently to stir up the market.
2. Oscar Lam
2014-08-09 11:14
博士的肺俯之言。任何情況下都不要賣走自住樓,除非你要換樓。先賣後買的,在賣掉自住樓後,亦要盡快上車,貴賣貴買,問題不大。
3. 大寶二寶
2014-08-09 11:16
“居安思危” 比較適合用於投資者身上。 得一層自住樓慨危相对黎講比較细, 因近年上車嘅已做足壓力測試, 銀行收緊按揭,又有信貸資料庫,間接已幫忙做了居安思危呢個動作。

博士,難道你冇聽個“租樓幫你曰日賺” 呢句金句。你賣左楼嘅後輩就啱用喇! 不過係幫业主曰日賺呢!

共勉之, 哈哈!
4. 引刀一快
2014-08-09 11:17
引述東哥嘅:

IQ題 :
某甲, 用5蚊買左粒雞蛋, 一段時間後用6蚊賣左
跟住佢用7蚊買多一粒蛋, 再用8蚊賣返出去

請問, 某甲佢賺/蝕左幾多錢?
5. 引刀一快
2014-08-09 11:22
賣与唔賣,都係睇時機啫。
賣咗之後買得番兩間嘅咪就係成功咗囉。
作爲生意嚟睇,有咩係必賺嘅吖,大家都係搏下搏下啫。
6. Oscar Lam
2014-08-09 11:51
5/f 引刀兄,
關鍵在於,如果只有一層樓自住,關注點應放在安居樂業,而不在於投資賺錢,那是擁有二層樓或以上的業主的事情。

試問樓市的升跌誰會知道?賣出自住樓後,一定有機會以低價購回?
7. 大王妹
2014-08-09 12:10
我原有7間,由政府出招起,再聽博士話,逢三退一,剩4間,資產值零負債!

但都已經好後悔賣出,因為唔計樓價繼升,而係賣左真係買唔返,我將$$轉放在人仔,最多=賺租金,點及揸住物業個個月有租客入租咁好玩呀!
8. 剛上車的人
2014-08-09 12:13
4. 引刀一快
前題都要睇你到時仲有冇7蚊同敢唔敢用7蚊買番同一隻雞蛋。請問是否正確?
9. 大王妹
2014-08-09 12:17
但我已經好感恩!
因為我認識的九成人已經袋袋平安,賣出自住樓,去當租客,仲話樓價咁高必定跌,況且賺嘅錢交租都夠十幾年喎…當中包括我的Agent
10. Oscar Lam
2014-08-09 12:18
7/f 大王妹,
你怪博士的逢三退一策略?哈哈!開玩笑,不要介意。
11. 小陽
2014-08-09 12:18
大王妹,勁!風險管理好一定唔會在風暴翻船。

12. 大王妹
2014-08-09 12:29
Oscar,
若果我怪博士,又什會每朝瞓醒,日日看他的文章呢!
13. 大王妹
2014-08-09 12:35
小陽,
所以我現在油吓數字畫,去吓旅行,日日同老公去飲茶,過些悠閒生活,因為以前為了上車,儲樓,供樓這些艱辛歲月,正所謂先甜後苦,定先苦後甜,其實各人自己均可選擇!
14. 引刀一快
2014-08-09 12:37
To 6樓 Oscar Lam 兄

關鍵在於,如果只有一層樓自住,關注點應放在安居樂業,而不在於投資賺錢,那是擁有二層樓或以上的業主的事情。

呢個就係睇下個人情况,要唔要拼搏,想要“擁有二層樓或以上”,往往係要博。依傢樓價買樓嘅人,除非收入前途都好好,否則好可能一世一層樓。

試問樓市的升跌誰會知道?賣出自住樓後,一定有機會以低價購回?

就係博,唔得就蝕,得就賺,關鍵係自己睇形勢、展望。每個人對拼搏嘅需求都唔同,大業主可以閤埋眼個個月收租去旅行,賣樓?no way懶得去簽字!初出茅廬就係要拼搏將來先有機會做大業主。
15. 引刀一快
2014-08-09 12:42
8樓 剛上車的人

前題唔止咁少,呢個問題可以衍生起碼幾十個前題。

16. Oscar Lam
2014-08-09 12:44
12/f 大王妹,
博士的投資理論和人生哲理,使我們一生受用。多謝博士!
17. 引刀一快
2014-08-09 12:48
Oscar Lam兄

或者可以咁講,有兩層樓係比一層樓“更”安居樂業。
18. 大王妹
2014-08-09 12:53
以下内容只作參考....
2004-2024二十年是行八運=土運,所以真係要好好把握!
19. Oscar Lam
2014-08-09 13:04
14/f 引刀兄,
我不反對拼搏,個人更可以說是超極搏。

不過,我認為,要買第二、三甚至更多的物業,應在適當的時候,在風險可控的情況下,以及自己收入增多的時候才可以考慮。

財不入急門。如果賣掉自住樓去搏,萬一搏輸,影響家庭生活,那就不值的了。
20. 沽空heidi
2014-08-09 13:12
哭哭哭
頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。