地產論壇
登入名稱
密碼
頁數:
21. 福建大學研究生(農業系)
2014-08-08 17:03

 陸東矛盾

樓市兩年跌五成嘅預測,係基於失業率、利率一併上升,加埋金管局按揭成數限制持續,跌三、四成真係唔難。」

你要喺香港搵食、交稅,但又冇物業,就等於沽空香港。當香港係屋企,就一定要盡快有自置物業......

樓市兩年跌三、四成,但上車就要快??

22. 大寶二寶
2014-08-08 17:06
回19 亮劍兄

对呀。其實我只係報市場嘅消息,樓市升跌豈係你我可以控制或嗌到?

班九官愈出招樓價愈升, 因佢地已走錯方向。 唯有一招可令樓市即沉, 不過呢招一出, 香港也必死無夷............

共勉之, 哈哈!
23. 如風
2014-08-08 17:13

上咗小小姐,好快會跌翻落118。

低調D,唔好落井下石。

24. 福建大學研究生(農業系)
2014-08-08 17:20

樓價升,但慘在d人食得起,在嚴謹的銀行壓力測試下又借到錢,你冇佢乎,政府也冇野可做

香港有好多高級餐廳價格真的不菲,但慘在大把人去食(大把人排隊),你情我願你吹佢唔漲,人地食得起冇人會出聲

25. 蜕变中嘅懒人
2014-08-08 18:13
樓價連新界西樓仔都升到呎價10000蚊,簡直離譜。
只要懶人一出招,呎價即時下跌3成,辦法係:
只准用建築呎價開單。
26. 維廉
2014-08-08 19:09
要樓價唔升有幾難啫,規定所有新買賣,樓價唔可以貴過對上一次嘅賣價,樓價馬上剎停。當然其他數就要枱底俾嘞。
27. 引刀一快
2014-08-08 19:19
其實樓價升唔升都冇所謂,就係怕有日急跌深跌啫。

28. 珍惜香港
2014-08-08 23:59
珍惜香港TO:16/F 東

東兄睇咗我尋日果篇嘢

貨幣呢個 TOPIC,好技術性,我唔喺呢方面嘅專才,所以只會講慨念。另一邊有人 POST 咗太陽報篇評論出嚟,全文可以 CLICK 呢度睇

俄羅斯企業將美金兌換成港元,存放响香港嘅銀行體系裡面,如果負面咁睇,喺會對銀行體系造成壓力,因為利息幾低,都喺要俾架!所以銀行就要為呢啲資金尋找出路,即喺話,要借多啲錢出去囉!競爭之下,香港嘅利率就會再被壓低,間接加劇通脹。呢個效果,就有如 QE 一樣,因為响聯匯之下,金管局接收咗大量美元,同時發行咗大量港元。

如果啲資金只喺暫時停留,短期內就會被轉走嘅話,咁對香港就唔會有太大影響。因為到轉走果陣,個過程就會掉番轉頭,到時港元會被金管局收番。我用光速嚟比喻呢個機制,喺因為聯匯發行同回收港元,效率喺非常之高,先至可以無時無刻咁,封得住港元匯價响指定嘅範圍之內。

但啲資金如果喺長期停留嘅話,利率就會有下調壓力,通脹亦會加劇。咁啲驅蝗廢青,遲下就可能唔再去驅啲內地人,而走哂去驅啲俄羅斯人啦!(講笑啫!)

錢,點會嫌多?我尋日都話持有一隻貨幣,其實就等於變相對果隻貨幣嘅發行地,作出咗投資。金管局增持美元,當然可以通過投資獲利;俄羅斯人 HOLD 咁多港元响度,又一定會做啲嘢喎!開設分公司就唔在講啦,請人出糧又喺出港幣,响香港洗錢,又喺港幣,如果搵到以港元為基礎嘅長遠投資機會,WHY NOT?呢啲,咪叫做雙贏囉!

所以呢件事本身,一定喺好事,而引發嘅意義,亦好重大。如果香港啲財金官員夠醒嘅話,就應該採取相應嘅措施,為啲俄羅斯企業,提供以港元為基礎嘅國際性交易方案,同誘發佢地响香港作更大同更長遠嘅投資

美國佬趕啲客過嚟,我地梗喺要諗點樣 HOLD 住啲客啦!
29. 引刀一快
2014-08-09 00:03
會唔會係跳板呀?
30. 蜕变中嘅懒人
2014-08-09 07:06
懶人雖然經濟理論屎到極,但係可以當人之常情咁諗,斷估無辛苦,中俄關係好估唔到會令香港直接得益,鳥克蘭地緣政爭、引發歐美制裁俄國竟間接令香港得益,俄國資金避險,照理首選必然係背靠中國嘅香港,唔會以新加玻為先,理由係香港資金進出自由,而中俄關係好,中國唔會受美國指揮,令俄國富豪更有安全感,而且以投資角度睇,中港有好多選擇同機會,反之,新加玻同美國係軍事聯盟關係,美國佬做事以自利為主,無所不用其極,歐盟都係無奈地跟隨,萬一事態悪化,美國佬蠻起上嚟,以戰略利益理由要凍結埋喺新加玻嘅俄國資金豈不是大煲飯,我諗俄國富豪同專家識點做。

推而廣之,以後逢係美國想制裁嘅國家,例如伊朗咁,啲資金當晒香港做保險箱都有可能,香港政府真係要勤力啲喺嘅方面諗諗,等呢類龐大資金落地生根,益埋內地,無啦啦又突顯咗香港對袓國嘅重要性,香港係福地唔到你唔信。

可能俄國佬見到香港班佔中集團一敗塗地,英美勢力在港起不了作用,因而對中、港政治穩定更具信心,全港中產及所有支持反佔中人仕應記一功,出力為反佔中人仕抽吓水先,CY,唔得淨係你先至係抽水專家,不過你應該識做啦!

睇嚟烏克蘭呢單濕滯野唔係一時三刻搅得掂,俄資金應該唔會咁快班師回朝,揾投資出路勢在必行,金股滙樓都有可能得益,中、高價物業同商業樓有運行,年尾口水戰CCL想低過118就難咯,懶人喺窗口扯定白旗,輸硬了!
31. 亮劍
2014-08-09 08:44
香港呢幾個星期因受俄資進駐關係而水浸, 情況有如上世紀國共內戰、文化大革命、越南赤化、印尼排華等一樣,香港要麼成為資金聚實盤;要麼成為人材或人力收容港;喺度大發「災難財」!
俄國富豪並非儍瓜,他們肯定會因應国际時局發展,而將他們的資金作出合理安排。
香港作為一個重要金融中心,資金進出限制非常寬鬆,而且背靠有政經影響力的祖國,大型俄資企業唔將部份家當放喺香港分散風險,根本講唔通。
要是呢D俄資的進駐,唔係一時權宜之計,而是長遠資產調配,咁香港政府就唔好十下十下,最少要作出比較長遠的部署。
這次新地夠姜開宇宙價賣山頂屋仔,劍指可能並非大陸同胞,而是俄羅斯超級富豪喎。
32. 回 懒人老師
2014-08-09 08:49



我都有留意最近俄企在香港股票的表現,嗰D俄鋁00486、嘉能可0080500327...,表現跑輸大市。


33. 亮劍
2014-08-09 08:54
蜕变中嘅懒人 ……
貼完篇嘢先發覺,原來兄台所見與我大同小異,小弟呢次真係獻醜。
真的想同你把酒論政經呀!
你好似仲爭我一餐喎……

34. Oscar Lam
2014-08-09 09:09
除非港府有實質的行動吸引俄資在港進行實質投資,如開公司、做生意、上市融資等,不然的話,俄資很可能是由於政治原因短暫停留在香港,當政治穩定後便會離開。

大家試想想看港府有做過甚麼去吸引外資投資香港?雙辣招簡直是趕客,更不要說吸引外資!
35. 珍惜香港
2014-08-09 11:12
珍惜香港TO:30/F 蜕变中嘅懒人、31/F、33/F 亮劍

我都只喺話以港元為基礎嘅長遠投資啫,唔使寫到咁明喺磚頭架?哈哈!希望庸梁班子唔會咁傻加辣趕客啦,最好就梗喺減辣,如果怕俾人話影響民生,咪針對住超級豪宅減辣先囉!

咁餐飯,有冇我份先?
36. 亮劍
2014-08-09 11:32
珍惜香港兄……
我叫咗法子约銳變兄,希望佢賞面參加啦。
如果銳變兄答應出席,点会唔預埋你呀,哈哈……
37. 蜕变中嘅懒人
2014-08-10 21:33
TO 33樓 亮劍兄
懶人老婆生日,呢兩日同同事一齊狂歡,今晚返來先發覺到兄台留言要同懶人把酒論政,嚇咗一跳,懶人自問把酒有餘、論政不足,皆因學術底子差,口才唔掂,花甲宅男不修邊幅,不善應酬,懶刨資料乜都靠估,自怕失禮有負兄台所望,但有機會同前輩聚會確係賞心樂事,如能有幸與本網站前輩高人如之前一起聚首一堂,懶人就有勇氣敬陪末座,聆聽前輩面授機宜,而亮劍兄又有對手高談暢論,不亦樂乎,敬請亮劍兄諗諗。
38. 華為租都匯20伙 近年最大宗
2014-08-11 06:50

華為租都匯20伙 近年最大宗
辣招打擊買樓 中資轉買為租

【明報專訊】政府推出辣招壓抑外資購買住宅,有中資財團轉投租賃市場,本報發現,據土地註冊處資料顯示,老牌發展商裕泰興旗下的太子道西單幢新樓都匯,獲中國大型電訊網絡供應商華為技術,一口氣租用約20個單位,約涉整個樓盤的三分之一,平均月租為2.2萬元,實呎租逾30元,總月租達44萬元,租期共4年,包括兩年死約及兩年生約期,為近年中資承租新盤最大宗個案。有業界指出,隨中資機構積極在港擴展業務,預料企業租用住宅作員工宿舍將有增無減。

由昔日老牌上海澡堂浴德池拆卸後重建而成的都匯,最新錄得財團大手租入20個住宅單位,約佔整幢單位總數逾三成,新租客是華為技術投資(母公司是華為技術),其中10個單位租期由今年8月起,另外10個單位租期則由今年10月起,兩份租約均是兩年死約,其後兩年為生約。

平均月租2.2萬 租期4年

裕泰興董事總經理羅守耀接受查詢時指出,該租客首批先承租20伙,平均月租為2.2萬元,實用呎租逾30元水平;是次未因大手成交而提供優惠租金,只按租客要求為該批單位作內部輕微改動,以及配置電器等。

他指除上述20伙外,該租客另再預留數伙,料整項租賃成交將涉逾20伙;以平均月租計算,估計總金額約50萬元。羅氏稱該盤亦有另一知名企業客落實租用10伙,惟未有進一步透露詳情。

對於有中資大手租用住宅單位,羅氏指中資機構過去在港購入全幢住宅,作員工宿舍之餘同時亦作長線投資,但絕少大手租用物業,現時大手承租,相信因近年本港樓價太高,加上政府針對外地客推出買家印花稅及雙倍印花稅等,令中資財團買樓成本增加,因而轉租。

3年前以實呎1.67萬元開售

資料顯示,都匯曾於2011年底以平均建築呎價12,716元推售,入場單位實用呎價為16,787元,定價媲美當年奧運站大型屋苑,結果無人問津。發展商及後把物業轉作全幢收租。現時以當日推售呎價計算,估計發展商可享租金回報率約2.3厘。

中資租樓作宿舍 料有增無減

高力國際住宅買賣部行政董事潘偉基稱,中資機構除購買單位作員工宿舍外,個別中資機構亦有在港租用西九龍一帶屋苑單位供海外僱員住宿,以方便他們在環球貿易廣場(ICC)上班,單位每月租金介乎2萬至4萬元不等。近月住宅租金明顯回升,部分海外企業已漸轉為承租細單位,但暫未見租用旺角區一帶物業,不過隨中資機構積極在港擴展業務,預料企業租用住宅作員工宿舍將有增無減。

明報記者 劉詠怡

39.
2014-08-11 11:02
to 樓上幾位

每日睇博士的文章同大家的留言, 真係令我獲益良多~~~
頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。