回：引刀

其實純綷個人經歷分享，你話幫人賺幾佰萬，人地會多謝你？

如果出現係做生意或其他情況或者會，但勸人遲買自用樓或賣自用樓，就算當時人真係從中得益，會識得多謝你既人真係好少有。我試過有朋友有兩層樓，一層自用、一層收租，當時佢私人原因，一定要賣走一層，留返一層自用。問過我意見賣邊層，一個係已成熟地區，好穩定，另一個係新發展區(但都係九龍)，當時佢兩公婆都係想放新發展區果間，因為果區多年無變化，無太多人留意，無太多成交，鄰近升幅都低。

由於佢留返一間自用，會住廿幾年到退休，睇既係長遠，我將新發展區將來發展同佢講，勸佢一定要留低新發展區果間。最後佢兩公婆有聽我講，留低新發展區果間，而且幾年內由於機建開始進行，好多人已開始留意該區。樓價升左幾佰萬，而佢放出左果間，升幅小得多，無宜家3份1。

一路有保持與呢位朋友聯絡，但我地同其他朋友出黎，佢兩公婆都會同其他人講佢地當年幾英明，識得睇長遠留返間優質樓，但好似已完全忘記當年問我意見。(佢地當年有講過問過其他親朋好友，個個都叫佢留成熟地區果層，得我一個持反對。)

另一個案，有親友搵住宅，我話我唔熟(主要我唔做熟人生意)，話介紹該區分行同事佢識，佢地自己聯絡就得，從中我唔過問。兩年後，佢住緊果度地區偏遠，升幅較大市落後。親友見面，佢都有比說話我聽，話當年介紹果度升唔起。我起初聽到會好唔順，我完全無參與過，到佢地買左我先知佢地買邊度，就係因為介紹個同事，就話個單位係我介紹入我數。

講以上兩例子，都係想話比引刀兄知，人好奇怪，當件事係好，所有功勞都係自己既。但當件事唔好，人就會搵野去賴。引刀兄你可能朋有好高質素，你幫左佢，識得感激你。但大多數人都未必會咁，所以我認為涉及利益，特別係買賣樓，幾好朋友都唔好比意見。佢因你意見而賺到，好既講句多謝。唔好既嬲你成世，朋友都無得做。

剛開完會出呢, 原來呢到已經Open Fire ！

都係食飯先！！

引刀兄：

既然閣下信心十足，在下膽敢向你挑戰，如下：

1）CCL於31-12-2014前曾經出現過120或以下 ~ 閣下勝

2）CCL於2014年最後一期低過130 ~ 閣下勝

3）CCL於2014年最後一期在130或以上 ~ 小弟勝

條件喺輸家請大家吃晚飯，包括博士，3S，各位前輩，不超過3圍。地點由輸家決定(最好喺香港境內),，界時希望各位俾面，尤其nobody兄，免得有人以為小弟喺你分身，有損nobody兄英名。

引刀兄如何？

何謂自貶人格？就係唔識平等兩字，小小料學人擺款，記住網上討論大家都係咁高咁大而已。