地產論壇
登入名稱
密碼
頁數:
阿根廷為誰哭泣
瀏覽人次:88674    回應:11

阿根廷為誰哭泣

 

湯文亮博士

紀惠集團行政總裁
2014年7月10日

  如果對文學或者歷史有認識的人,他們應該會說是貝隆夫人。我沒有這樣的文學修養,當然不會亂說,唱吓歌或者都可以。
 
  當阿根廷打入世界盃四強,阿根廷教練終於打電話給我,其實,我同沙比拉有多少交情,當日在一次聚會,沙比拉問我認為誰人可以做世界球王,沒有時間限制,我係生意人,當然是見人講人話,見鬼講鬼話,見到阿根廷人講阿根廷好話,我立刻回答,當然是馬勒當拿,沙比拉很奇怪問,乜唔係比利,我當時答,比利未夠班,當比利第一次踢世界盃的時候,巴西隊陣中猛將如雲,好似什麼小鳥等,在源源不絕的供量下,比利只是完成入球工作,到在英國舉行的那一屆,比利應該是廿五、六歲,理論上是大熱大勇,點知,原來是玻璃腳,打了兩場波不但冇表現,兼受傷不能夠再踢下去,當屆已經比黒豹尤西比奧比下去,不過,比利識得做show,所以得到世界球王名譽。
 
  馬勒當拿又唔同,一個人不但揹起阿根廷,在阿根廷攞世界盃的一屆,能夠掹馬勒當拿衫尾的好似叫做甘巴斯,但嚴格來說,二流戰將而已。就算馬勒當拿踼拿坡里,單憑一人之力,就可以將意大利的榜尾球隊攞聯賽冠軍,問你服未。當時我亂噏一通,嚇到沙比拉暈低。今日佢問我對荷蘭的勝算如何,我話,如果是決賽,阿根廷一定贏。不過在準決賽,荷蘭就有很大機會,因為荷蘭生成一條二奶命。
 
  沙比拉問我有冇計,我死撐話當然有計,既然荷蘭生成二奶命,阿根廷一定要用大婆對付二奶戰術,首先要爭取主權,話晒今屆世界盃主場之利在南美洲舉行,阿根廷可以說有半個主場之利,況且巴西已經輸波,甚至可以變成主場,爭取球迷支持是非常重要。其次是主動權,荷蘭的球員去到邊,跟到邊,出腳要比他們快、比他們狠、比他們準,就好似香港的物業投資者一樣,機會是一定有。沙比拉沒有出聲,原來他想到馬勒當拿,如果美斯是馬勒當拿,阿根廷就一定會贏,想想吓竟然低聲飲泣,大教練原來是性情中人,如是我對沙拉比說,香港物業投資者的「快,狠,準」剛好食死荷蘭,以此戰術,阿根廷是有機會。

阿根廷為誰哭泣
1. 大寶二寶
2014-07-10 10:22
博士,打完冠軍戰就知 “Don't cry for me Argentina!" 為边個而喊。 我相信德國可以砌底阿根廷。 只要搵人凍結美斯, 佢地兩大癈柴前鋒踢左六埸波夾埋先入得一球甘大把。 前边冇人識入波, 剩係靠後面守, 打法单調冇哩變化。 正所謂久守必失, 一個犯錯就可以唱歌開香檳喇。我諗到嘅應該懦夫都諗到, 再吾係叫佢打電話比我講吓波經喇。

共勉之, 哈哈!
2. 大寶二寶
2014-07-10 11:02
博士,巴西同阿根廷係足球場上係世仇,你估巴西球迷會吾會支持阿根廷吖? 尤其係佢地係巴西舉辦嘅一屆赢到冠軍, 顏面何存? 充其量就只有自己阿根廷球迷同其他南美洲球迷支持咁大把。

共勉之, 哈哈!
3. 賭徒
2014-07-10 11:07
咁我押埋底褲落注買德國攞總冠軍!
4. 中女社社長
2014-07-10 11:08
個人不希望荷蘭贏, 如果荷蘭贏了, 世界杯不就是變成歐洲國家杯嗎? 
5. anggie T.
2014-07-10 12:44
阿根廷不用喊,已超額完成!總決賽對德國唔係易事,波係圆嘅,期待更多奇跡!
6. 大寶二寶
2014-07-10 13:48
回3 賭兄

千祈吾好玩咁大。 咁做就等如早幾年D业主連自住樓都賣埋下埸係点吾使多講。 小注怡情好喇。

共勉之, 哈哈!
7. 惜緣
2014-07-10 14:09
強烈反對佔中!
為了我們及下一代有一個安穩的社會,沈默的一群不應該再沈默了,歷史將會因你們的行動而改寫,我相信香港是一塊福地,正能量必勝。
8. 不明白
2014-07-10 17:51
本身唔鍾意德國,但確實超班,成支軍隊咁, 勁 !!
9. 大寶二寶
2014-07-10 19:11
我唔鐘意一人球隊,所以吾鍾意葡萄牙,巴西同阿根廷。始終足球運動係講求團體合作㗎!

共勉之, 哈哈!
10. abc123
2014-07-11 01:17
嘩 剛才沙比拉笑哩哩打電話給我説 昨晚
貝隆夫人報夢 : you will smile, Argentina!
yeah!
11. abc123
2014-07-11 01:42
Germany, no way! yeah!
頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。