61.
Oscar Lam |
|
2014-07-07 09:27 |
|
51/f 引刀兄, 有些概念我要清楚說明一下。
樓市的升跌是無法估計的。對於是否投資樓市?何時入市?也是很個人的選擇。對於那些於97年入市的人來說,確實是一個慘痛的經驗。但如果我們將時間拉長,我們可以發現,樓價上升的時期比下跌的時期長很多。而且,事實告訴我們,賣樓賺錢的個案比蝕錢多很多。
買樓是一個好的投資,這一點非常重要,但不代表任何時候都是好的時機。現在是否入市的好時機?如果是投資角度,我認為不是,因為價位很高,下跌風險非常大。但無論如何,我非常同意博士叫人不要賣掉自住樓。
|
|
62.
Oscar Lam |
|
2014-07-07 09:32 |
|
56/f 懶人兄, 同意你的覌點。這也是許多物業投資者的信念。
|
|
|
引刀兄…… 当88年你買鱼賺3K幾嗰陣,新入職做PC人工都是3K多,薪水相若;但要是你做足20幾年差人,那就算升唔倒级,今日你出嘅糧最少都有兩万幾。 在未有最低工資前,唔少低技術員工的時薪,係低於十元,根本香港薪金就有兩極化趨勢,高中级有知識又能獨立解決難題果班員工,呢拾多弍年所收嘅人工,係遠遠跑贏通貨膨脹,而呢班人才是主宰私人楼市場的主力!
|
|
64.
蜕变中嘅懒人 |
2014-07-07 10:55 |
|
TO 60 Oscar Lam 兄 懶人話之前賣咗樓嘅100人之中,約有97人實際上蝕咗,係用幼稚婆乸數,街市做生意計,賣咗再買番同樣貨量有無得賺。 但若以投資角度係,賣岀價出過買入價就係賺咗,並無須要再買番同一樣貨量嚟講,近來十個賣樓有九個賺,係100%正確無誤。
|
|
65.
蜕变中嘅懒人 |
2014-07-07 10:59 |
|
|
66.
珍惜香港 |
|
2014-07-07 17:00 |
|
【珍惜香港】59/F、64/F、65/F 懒人兄 呢樣嘢,咪就喺我早前成日提嘅 資產守衡定律囉! 其實,所謂 樓奴,只不過喺一個 心魔啫。呢樣嘢,將本嚟喺 置業安居呢個積極正面嘅人生目標,扭曲成一個消極負面嘅 輸贏心態;賣走自住樓租樓等跌,就正正喺嚟自呢個心魔。 半年前,我就喺咁覆一個自以為喺樓奴嘅人: 你根本就冇輸過,點解要輸唔切?擁有物業自住,本嚟就喺一件 賞心樂事,外面個市起起跌跌,關你乜事?講乜鬼 輸贏?樓價升咗一倍,一定會跌番一半架?樓價跌咗一半,又一定會升番一倍咩?呢樣嘢,邊有 保證架!自住物業,根本就喺 無價,點解要蝕錢賣?一日唔賣,一日都唔會輸;供樓又喺供俾自己,到咗退休果陣,唔使再憂住屋嘅問題, 置業安居,就喺咁簡單。千祈唔好為咗一個 輸唔切嘅心態,隨便 蒸發自己嘅資產。 好多人太著眼個 樓價,其實, 物業嘅風險,從來都喺响業主嘅供款能力度,而唔喺响個價度。一個 500 萬嘅物業,八成按揭,同一個 400 萬嘅物業,十成按揭,响同樣嘅息率之下,風險都喺一樣。一個人嘅 供款能力,就即喺佢嘅 搵食能力;有冇物業,都要搵食啦!唔喺供,都要租,邊計得咁盡? 壓力,喺嚟自一個 持續搵食嘅人生,而唔喺嚟自一個要供嘅物業嘛! 成敗,喺取決於一個人嘅 人生觀。 積極正面嘅人,今日跌低,他日總會爬番起嘅; 消極負面嘅人,今日贏咗,他日都會輸番突啦!
|
|
67.
蜕变中嘅懒人 |
2014-07-07 19:12 |
|
TO 66 珍惜香港兄 兄台對於自住物業睇法係屬於瀟灑一族,覺得自住樓好似係心頭好嚟看待,無須理會佢昨日、今日、明日價值幾多,總之負擔得起就心安理得,人到咗呢個境地可以講係好寫意,懶人今日雖然不富有但都明白兼体會到。 但係今時香港一個住宅單位,可以用價值不菲嚟形容,要做得到咁瀟灑,真係要有一定財力同心理質素至有條件,呢啲階層嘅人唔少,但係無咁好能力者而又想去擁有一間自住樓嘅人,佢地嘅心態可能係截然不同,尤其是首期係借來嘅,要還又要供嘅,樓價升跌一定係好在意同惶惶然,懶人因為後生時同细佬夾份供一層樓就係咁環境,好深刻嘅体會,供完樓月尾幾日要借錢開飯頭嗰一年,一世記得,如果當時計過負担得起至買而唔去慳去搏,捱過咗嗰個難關儲存咗基本實力,好可能今日一個單位都未能擁有。 無足夠能力去搏可能得,可能失,唔去搏係咪就可以一生安穩?97年去搏同03年去搏,成敗天淵之别,人生際遇無常難料,懶人只一生拼博,從來抱謀事在人,成事由天心態,逆境時捱係視作當然,顺境時就會穩守加進取,性格到今日都無变。
|
|
68.
Oscar Lam |
|
2014-07-07 20:50 |
|
67/f 懶人兄, 你的性格很正面,一定是一個很開心的人。
|
|
69.
蜕变中嘅懒人 |
2014-07-07 21:27 |
|
TO 68 Oscar Lam兄 兄台與珍惜香港兄都是有學問,有見識,聰明而充滿正能量的人,是前生修的福;懶人小時不懂學問好,苦頭嚐得夠,人倒學會開心過一天,不開心又過一天,只要今天挺得過,明天會更好,轉眼幾十年,原來真的今日比昨天好,但願與兄台、珍惜香港兄共勉之。
|
|
70.
引刀一快 |
|
2014-07-08 03:17 |
|
先同懶人兄討論下先。
未來係咪一定人口越來越多呢?呢個幾乎可以唔駛討論,但係人口密度係咪一定上升或保持,我就覺得有商榷。 第一,如果在填海技術同規劃出現突破,我覺得香港可以造地嘅潛質極高,至于郊野公園呢塊禁臠,我雖然唔希望被破壞,但係亦唔敢話一路可以保住。早前講咗話喺南沙整個香港城,呢個亦係我夙來覺得好可行嘅辦法,不過地點唔一定係南沙。
第二,就係交通,我21年前返咗大陸生活,幾個月先會番一次香港,因爲喺廣州番香港好麻煩兼使費貴,火車幾個鐘頭,去火車站,都要一兩個鐘頭,仲要提前去,班次又唔多,出門至到埗,6小時唔會少,所以果時香港仲係有飛機去廣州架!冇記錯就係五百蚊張飛機票。不過聽見D老前輩講,以前返肇慶返新興,要成三日! 依傢呢?我喺番禺坐大巴,到上環,連過關連換車時間,最快記錄125分鐘,冇花假! 而且,在體力消耗、精神支出方面,簡直係地獄天堂之變。 交通嘅發展,真係神速! 我認為高鐵同港珠澳大橋,會喺一定程度上改變香港人口生態。
第三個問題,我都同意物業嘅價值,金錢以外仲有好多種利用價值,不過,變幻原是永恒,大家都唔知2047地契集體到期會發生咩情况,今日就話米貴大圍事啫,到時係點真係阿爺至知。 今朝點解會有嘢寫咗又刪呢,係因爲post多咗一次,而且腦子裏有D唔清晰,為對出言負責,都係刪咗先好。 其實我都知物業有價係好事,唔係淨係可以救急咁簡單,同人吹水都口嚮D喇,同銀行借都彈性D喇。我話唔賣就係數字遊戲,我在意嘅係買入價應該唔好太接近波頂啫。 講到呢度,其實就係睇下自己係咪有餘裕、件貨係咪心頭好或者係咪相連屋相連鋪、兩者俱備就唔駛就住就住,放膽落錘,兩者得其一就出手買完唔好再理樓市。你係咪咁嘅意思? 不過,對于餘裕嘅概念,人人都唔一樣,對我嚟講,餘裕就係每月供款唔影響生活質量,遇到真正心頭好,供多件都仲得,心理壓力小。
|
|
71.
蜕变中嘅懒人 |
2014-07-08 07:38 |
|
TO 70 引刀一快兄,早上好。 引兄對意見交流好認真,即表示尊重對方,同時兄台對內地非常了解留意,亦樂意於分享,論點有前瞻性、啟發性,係懶人覺得尊敬嘅地方。 引兄第一點提到:香港將來嘅人口密度,可能因開發更多地而不升反跌、同時內地好容易覓地替代、或足以與香港競争嘅理想地區;第二點提到:香港將來與國內嘅交通將更高速、方便、四通八達,可能會將香港現時優勢分流,對國家嘅重要性、唯一性降低,從而影响咗香港將來嘅地位;第三點提到:香港將來2047年一國两制極限日到來,所有地契都可能發生業權重新處理危機,擔心將來物業價值。 懶人覺得引兄提岀呢三點,隱含對香港前景擔憂,或岀於現時香港乱局引發或加深,應係人之常情,但呢三點存在不確定性,同時係两刃刀,一就係就令香港從此步於末落,一就係就令香港以後更加重要,結果如何就正如引兄所言,端視亞爺對香港嘅定性同長遠策略。 懶人試以亞爺嘅角度去諗,香港單就百年來喺全球嘅名氣、成就、獨特性而言,等若國家一項光芒四射嘅名牌,應該無咁容易再創造、被取代或被放棄,香港在政治、地理、民生、經濟各方面都緊緊掌控於國家,任何乱局不容易生根,况且今日國家政治手腕及人才、經濟實力、國富兵强、談判籌碼己不同於往日,處理香港問題絕不會鐵餅一塊,觀乎之前23條立法係國家之重,亦以審時度勢態度容緩变通處理;至於特首無能禍港不會持久,且看董建華政經失誤下場,CY愈行愈近矣。 懶人深信,香港未來幾十年仍對國家有重要政治、經濟、對外缓衝、對外試探、對外宣傳、對外溝通價值,在國內政治大改革前,其作用洽如政治防火牆,國家不會輕易放棄香港咁不智,引兄最擔心嘅事將來可能係對香港最有利嘅事。 至於對物業睇法同投資處理,如何對應香港前景,引兄大智大慧,必然暸然腦中,無用懶人多言了。
|
|
72.
珍惜香港 |
|
2014-07-08 09:59 |
|
【珍惜香港】TO:67/F 懒人兄 回想幾十年嚟嘅起起跌跌,依家講番轉頭,梗喺 瀟灑啦!其實,當時面對嘅每一個浪,都喺 戰戰兢兢架! 積極正面之路,從來都喺咁難行;成魔之路,總喺好直接,好吸引嘅。就好似 Star Wars 裡面果個 Yoda 咁話:「The dark side of the Force, are they. Easily they flow, quick to join you in a fight. If once you start down the dark path, forever will it dominate your destiny, consume you it will」。原來,睇 Star Wars,都可以學到一啲 人生哲理架! 我嘅人生,最黑暗果幾年,官司纏身,生意賺埋都唔夠俾律師費,真喺幾乎搞到連飯都冇得開。最簡單直接嘅,當然喺認輸,再加一個破產,就可以脫苦海啦!當時我嘅代表律師都喺咁話,人地財雄勢大嘛,點鬥?不過,我冇揀呢條成魔之路,點辛苦都要捱過去。幾年苦戰,累積經驗之後,就連律師都炒埋,玩自辯囉!最後對方終於頂我唔順,舉手投降。當時若果有一念之差,我就冇今時今日啦! 其實,莫講話自住物業,作為一個 物業長線投資者,都喺咁嘅態度。我喺响 97 前嘅高峰期上車,金融風暴嘅前一刻,仲買咗兩個物業收租。時至今日,果兩個物業,我仍然持有;依家佢地嘅樓價,莫講話番哂家鄉,仲升咗唔少添;不過,都喺果句,繼續收租,冇諗過賣喎。 懒人兄都喺一個 積極正面嘅人,共勉之啦!
|
|
73.
引刀一快 |
|
2014-07-08 11:36 |
|
To 60、61樓 Oscar Lam兄
歸根結底,引刀一快肯定係同意物業價值嘅,如果唔係唔會成爲呢個博客嘅讀者,亦唔會慢慢成爲呢度嘅論客。不過,可能係因爲長期做淡友,所以大家以爲我否定物業投資啫,我諗,係錯覺,而且長期嘅辯論,會出現表達嘅分歧,令我寫嘅嘢側重咗喺憂多于樂。 我簡單講一下我嘅投資理念,就係低位買、筍買,如果高位,就要有特色先買,比如相連屋,當然,手緊就咩都唔買。其實係好典型好簡單,一D都唔係特立獨行。
|
|
74.
引刀一快 |
|
2014-07-08 12:02 |
|
To 63樓 亮劍兄
亮劍兄,同你牙鉸戰真係少一分細心都唔得!
引刀兄…… 当88年你買鱼賺3K幾嗰陣,新入職做PC人工都是3K多,薪水相若;但要是你做足20幾年差人,那就算升唔倒级,今日你出嘅糧最少都有兩万幾。 在未有最低工資前,唔少低技術員工的時薪,係低於十元,根本香港薪金就有兩極化趨勢,高中级有知識又能獨立解決難題果班員工,呢拾多弍年所收嘅人工,係遠遠跑贏通貨膨脹,而呢班人才是主宰私人楼市場的主力!
1,點解講開散仔又講咗去警察?90年警察起薪點成七千幾喔! 2,一個和諧社會,住唔起樓同食唔起飯嘅人,總會有人埋單,不過..........點解講緊通漲會去咗今日收入分化嘅??? 3,現今社會,人才都要有伯樂或者有機遇先會起家,人材同常材嘅比例,我認為遠大于私樓同公屋。多岀嚟嘅點消化?
|
|
75.
引刀一快 |
|
2014-07-08 13:00 |
|
To 懶人兄
懶人試以亞爺嘅角度去諗,香港單就百年來喺全球嘅名氣、成就、獨特性而言,等若國家一項光芒四射嘅名牌,應該無咁容易再創造、被取代或被放棄,香港在政治、地理、民生、經濟各方面都緊緊掌控於國家,任何乱局不容易生根,况且今日國家政治手腕及人才、經濟實力、國富兵强、談判籌碼己不同於往日,處理香港問題絕不會鐵餅一塊,觀乎之前23條立法係國家之重,亦以審時度勢態度容緩变通處理;至於特首無能禍港不會持久,且看董建華政經失誤下場,CY愈行愈近矣。
你嘅睇法比較正面,不過我有d負面嘅補充。 其實,香港呢個名牌,對大陸亦係雙刃劍!因爲香港嘅底氣,完全來自英國殖民時代,就算日後香港搞得比以前好,英國鬼子仍然係功不可沒,如果一路俾香港成爲中國最優秀嘅城市,呢點係有損社會主義同黨嘅尊嚴,但係,如果回歸之後搞得比以前差呢?唔止損咗黨尊嚴,仲嚴重影響統一臺灣!點算? 好可能,只係我估,好可能,就係徹底去英國化再搞好香港,但係呢個一D都唔現實,簡直係本末倒置。所以,我認爲香港係存在一定程度嘅不確定性,特別係臺灣被統一之後。
|
|
|
「因為香港嘅底氣,完全來自英國殖民時代」,呢句說話係好多思想左傾嘅人從來唔肯承認亦唔會講,同時引刀兄亦很瞭解國家及黨的心意。其實現今香港仍有好多人的思想還左過江青四人幫,同我接觸很多國內人的思想相差甚遠,開明還不及國內人。引刀兄移居國內多年,但仍堅持使用原體漢字實屬難得,在下敬佩。還發覺引刀兄的中文和漢字運用功力突出,可唔可以告訴我你年少時讀邊間學校?
|
|
77.
引刀一快 |
|
2014-07-08 18:47 |
|
順民兄,過獎過獎唔敢當,呢度文底比我強嘅人不勝枚舉,順民兄你亦係當中文氣斐然嘅一個。至于我讀過嘅學校,都係僅僅比“負名校”略佳嘅普通學校啫。 我小學讀聖馬加利,依傢已經消失咗變咗高主教,中學讀新法,可能已經喺消失邊沿。都係衆所周知好唔到邊度去嘅學校。 至于用字,只係選擇用一個打廣東字比較好嘅輸入法,同番香港人交流,會親切D。 依傢香港同大陸都係開始左右混淆,已經好難釐訂左派右派定義,前幾年鄭州市城市規劃局副局長閙記者,有句名言“你是準備替黨說話,還是準備替老百姓說話!”,揭示近年人心紛亂,利益主導嘅無宗旨局面。
|
|
78.
蜕变中嘅懒人 |
2014-07-08 20:07 |
|
TO 珍惜香港兄、引刀一快兄、Oscar Lam兄、順民兄、亮劍兄、各位網友。 各位兄台晚上好,懶人人生經驗中,看着年齡相若的人,今日有名或有利,表面得體風光,其實只有少數人生來就一帆風順,多數人都經歷過多次驚濤駭浪、辛酸歷鍊而得來,挺過的許多酸甜苦辣衝擊,難以一一為外人道,超人李嘉誠先生係箇中表表者,係懶人偶像,縱然再十世亦難望其背項。 珍惜香港兄稍稍提及過往其中一段官司經歷,懶人己可体會其中苦況,承受壓力之大、精神負担之重、經濟困境、情绪困擾日以繼夜地折磨着,確是苦不堪言,佩服珍惜香港兄堅毅不拔、決不卸責、誓不低頭勇氣;懶人亦試過打官司收租霸樓,不過其艱難處相對而言係小巫見大巫了。 慨嘆人生充满淚水與歡笑、嘗試過失敗然後成功、捱過失去苦痛之後再欣然得著,說生命多姿多采,想必如此。
|
|
79.
Oscar Lam |
|
2014-07-08 21:05 |
|
72/f 珍惜香港兄, 看你的文章要很專心,當中有很多人生哲理。這一篇則較簡單。
我雖不清楚你當時遇到的法律問題的詳情,但可以想像你當時的困境,並十分佩服你的勇氣!不過我在想,在遇到無法解決的困境時,我們選擇暫時投降、保留實力、東山再起,這是否壞事?孫子兵法中有三十六計走為上計,又有君子不立危牆之下,退一步海闊天空之說。
失去幾場小戰役不要緊,只要能保存實力,必能在最終戰爭中取得勝利!投降之路有時並不一定是成魔之路。你說對不對?
|
|
80.
Oscar Lam |
|
2014-07-08 21:19 |
|
78/f 懶人兄, 一個人的知識十分有限。通過大家互相交通,分享經驗,大家必有得著。
|
|