|
唔係窮爸爸與富爸爸的思維邏輯有別,而係成日驚樓價跌與無所畏懼的用家的分別!
|
|
42.
引刀一快 |
|
2014-07-05 15:22 |
|
To 38、39樓
買物業無論賺錢蝕錢都係富爸爸?荒謬咗D!
識得留錢低位入貨嘅,就算係窮爸爸都會身份逆轉。
學你講果種“富爸爸”,其實係遲早報廢嘅冇腦暴富者啫!
留番同97班樓蟹講,叫佢地再接再勵喇。
|
|
43.
引刀一快 |
|
2014-07-05 15:27 |
|
唔好話成日話人驚樓價跌,其實可以係“睇樓價跌”同埋“等樓價跌”。
各人有各人心水,唔通睇住跌都監粗買咩,真係吖!
睇好嘅唔該俾D行動大家睇,買喇。
|
|
44.
引刀一快 |
|
2014-07-05 15:34 |
|
To 37樓 亮劍兄
兩公婆都係跟埋一齊叫架喇,有分老婆同自己嘅咩?你外父都係叫daddy喇。
農曆新年番香港,咪就係歸根囉,酒店係託辭,費事慢慢解釋咋掛? 新年連自己屋都冇,點拜神呀?親戚點拜年呀,咪就係我所講,留根囉。
|
|
|
同意引刀兄所講,如今香港樓對國內人的吸引力已大大減低,無端端比大筆BSD你,你以為人地D錢真係全部貪番嚟或者執番嚟?又或者為咗洗黑錢無計?如果真係純粹為找一個地方落腳,現在港深兩地交通十分方便,可以在深圳華僑城買間千幾二千呎大宅都係幾百萬人仔,在香港行完夜街,可以打電話比個司機在口岸STAND BY等我然後接我返屋企,又或者乾脆攞埋個中港牌都得。我唔算係看淡樓市,亦係堅持唔賣樓的死硬派,不過對香港樓市前景始終唔敢太樂觀。問題一日梁振英當政,我唔信佢會眼白白睇住目前一間300萬嘅細價升到400百幾萬仍然坐視不理,佢一定會將之打沉。所以引刀兄如果唔係太等住用的話,確係可以睇定定先。
|
|
46.
引刀一快 |
|
2014-07-06 00:01 |
|
順民兄,我都係咁諗,慢慢睇,因爲依傢時勢的確唔係幾好,觀望中。
|
|
47.
Oscar Lam |
|
2014-07-06 00:03 |
|
42/f 引刀兄, 投資屬於個人行為,各人選擇不同。有人看好,有人看淡,這些都是很正常的事情。
我從來沒有叫人在這個時候入市買樓。我只是想說,傳統智慧告訴我們,樓市長遠必升,那怕你非常不幸地在最差的時機97年入市。另外,十個賣樓中有九個膁錢但只有一個蝕錢,這也是事實。
|
|
48.
引刀一快 |
|
2014-07-06 08:00 |
|
To 47樓 Oscar Lam兄
我對一些簡單表達買樓就聰明、不買樓就傻瓜之類的言論,反應是會比較直接的。
至于你所説的“那怕你非常不幸地在最差的時機97年入市。另外,十個賣樓中有九個膁錢但只有一個蝕錢,這也是事實。”
就我所見,97年入市的人,哪怕今天金額上已經轉虧為盈,十幾年來虧了的心情、虧了的時機、虧了的通漲呢?今天的盈利不一定彌補得了。而且,1997年入市的,幸好有個2014年,至于2014年入市的,下個2014一定會來嗎?來,又是什么時候?
|
|
49.
Oscar Lam |
|
2014-07-06 11:14 |
|
To: 48/f 引刀兄, 作為一個物業投資者,以下是我一直堅守不變的定律:1 所有投資要量力而為,並做好風險管理,其中最重要是健康的現金流。 2 每次投資後要做好樓市下跌的準備。要問自己,如樓市短期內下跌20%,你的財政、心理是否可以承擔?如果由於樓價下跌而影響日常生活、家庭,那真的是不值得投資。
十多年來我每天晚上都能睡得很好,從不擔心樓價的升跌。以上是我個人的看法,希望熱愛投資物業者共勉之!
|
|
50.
引刀一快 |
|
2014-07-06 13:25 |
|
To 49樓 Oscar Lam 兄
我相信,如果一個投資,蝕都唔會入心嘅話,那麽極可能,賺亦唔會高興得去邊。 可能投資樓市對閣下嚟講只係九牛一毛,當然唔會影響到睡眠。 但係對于今時今日新做樓奴嘅年青人,往往係影響緊往後30年收入同生活質量嘅重要因素,依傢細價樓嘅銷售對象,正係呢班人。
|
|
51.
引刀一快 |
|
2014-07-06 13:25 |
|
To 49樓 Oscar Lam 兄
我相信,如果一個投資,蝕都唔會入心嘅話,那麽極可能,賺亦唔會高興得去邊。 可能投資樓市對閣下嚟講只係九牛一毛,當然唔會影響到睡眠。 但係對于今時今日新做樓奴嘅年青人,往往係影響緊往後30年收入同生活質量嘅重要因素,依傢細價樓嘅銷售對象,正係呢班人。
|
|
52.
引刀一快 |
|
2014-07-06 13:31 |
|
講真,你所講十個有九個賺,如果97入市而今日仲係蝕緊嘅人,我都戥佢難過,除非有大把唔志在,得一間供緊就惡頂。
|
|
53.
蜕变中嘅懒人 |
2014-07-06 15:45 |
|
TO Oscar Lam 兄 以今日樓價只係CCL峰值低幾個巴仙計,無論幾時賣樓都只係得好少人有得賺幾個巴仙,因為連埋赚嘅錢都再買唔番同一個單位,所以應該係100個賣咗樓,最少97個實際上蝕咗。
|
|
54.
引刀一快 |
|
2014-07-06 16:32 |
|
|
55.
引刀一快 |
|
2014-07-06 16:40 |
|
買唔番同一個單位,係今日啫,唔係以後嘛,唔買住囉。
|
|
56.
蜕变中嘅懒人 |
2014-07-06 17:53 |
|
TO 55 引刀一快兄 買唔番同一個單位,係今日啫,唔係以後嘛,唔買住囉。 樓價長遠必升,理論上愈遲買,買唔番嘅機會就愈大,所以唔買住等跌,得要準確把握短期波幅低位入市,買入後長揸勝面必高;如果所謂長揸嘅年期超過三十年,則據歷史觀察,任何時間買入都必賺,所以愈年青時愈勇置物業,而又持有不賣者,到目前為止嚟睇,全部發過豬頭炳,就算到2050年都好大機會靈驗,除非通漲由今日起消失。
|
|
57.
Lala |
2014-07-06 18:01 |
|
|
58.
引刀一快 |
|
2014-07-07 07:38 |
|
To 56樓 懶人兄
我明白了,但係,我覺得要有D嘢要補充。
通漲呢樣嘢其實好虛幻,我1988年喺吉之島做散仔賣魚,一個月3150蚊,你睇睇今日嘅散仔搵幾錢一個月,勞工處零售業就8000起薪,足足26年。我90年喺謝X麟眼鏡做散工,25一粒鐘,同依傢最低工資有得揮,又係24年,即係話樓價升幅跑嬴晒工資喇。 問題就喺呢度,大家講嘅三十年理論,係咪取材自近30年?係嘅話我就覺得有商榷。 呢三十年樓市跑快咗嘅速度,有冇可能喺后三十年回吐番? 香港歴史中大家最有興趣最瞭解嘅部份係由60年代開始到依傢,其實係香港最輝煌嘅上升軌道,如果香港升速變緩或出現折點,咁呢個30年理論就有可能會唔成立。
而且三十年之後升幾多都好,如果唔賣,亦只係數字遊戲。
|
|
59.
蜕变中嘅懒人 |
2014-07-07 08:22 |
|
1. 問題就喺呢度,大家講嘅三十年理論,係咪取材自近30年?係嘅話我就覺得有商榷。 呢三十年樓市跑快咗嘅速度,有冇可能喺后三十年回吐番?
香港歴史中大家最有興趣最瞭解嘅部份係由60年代開始到依傢,其實係香港最輝煌嘅上升軌道,如果香港升速變緩或出現折點,咁呢個30年理論就會有可能唔成立。
2. 三十年之後升幾多都好,如果唔賣,只係數字遊戲。
TO 58 引刀一快兄 引兄,早上好。 懶人想同引兄研究1. 樓市三十年必升理真係靠估,但睇回望香港,以三十年一階代睇係馬後炮式真實,相信引兄無異議。
至於未來两個階代達60年,10年人事幾番新,就真係天曉得,我哋只可以據古論今,再估計未來,就牌面睇:1.香港地小而人會愈來愈多。2. 只要有分期付款呢個資本主義制度一日存在,通漲係推動經濟力量,通缩係經濟災難。3.雖然目前氣氛欠佳,香港經歷大動乱或戰乱嘅機會應該不大,世界經濟都似乎向好。 所以懶人覺得未來樓市30年理論失效機會不大。
至於2. 點,唔知引兄點解於59樓取銷咗,不過懶人都想講吓呢個成日同老婆抝嘅概念,就係市價,資產有個即時市價,無論是否变现都存在,同賣與不賣無関,但係當急须錢救命渡難關時,呢個數字即時由遊戲變成救命関鍵,唔係數字遊戲咁簡單。
引兄,呢2點嘅諗法係植根於懶人心中好多年,坦誠向引兄講岀,盡傾肺腑。
|
|
60.
Oscar Lam |
|
2014-07-07 08:50 |
|
53/f 懶人兄, 你用機會成本去解釋賣樓賺蝕非常有趣。你看報紙時,有時可能會留意一些資深投資者如波叔不論在旺市或淡市時都在買貨和出貨,其實他們在運用博士蓬三退一的投資策略。由於他們手上的貨很多,而且已經持有很多年,他們會定期將那些質素相對差,或者物業本身已經升值很多,再升潛力已不大的物業以高價賣掉,再買入一些未成熟,升值潛力高的物業並長期持有等變化。
如果是投資住宅,以上情況可能不太明顯,因為基本上是跟大市,但如果是投資商舖,其價格變化受到環境變化的影響就會很明顯的。賣出物業賺取的利潤往往以倍數計,相對於應交鈉的印花稅真的可以說是九牛一毛。
|
|