每週指數巡禮（44）幾時回到未跌時

我相信最唔開心都是房屋官員，他們建議CY搞那麼多大龍鳳，出了那麼多的辣招，只能將樓價下壓2％，如果幾個星期之後，中原指數破頂，他們又不知怎樣交待，那個建議CY在中原指數稍為下跌的時候，已經急不及待向外界公佈辣招已經改變市民對樓市長升不跌睇法，現在都唔知道點樣收科，條友應該要被打屁股，不過，現在大家都忙於助止東北發展撥款，政改，普選，七·一遊行，正反雙方很忙，大家都沒有時間關注樓價升跌這些小事，............?????????????

助止東北發展撥款，政改，普選，七·一遊行，......都是大事件!!!有可能引爆暴力衝突......不可掉以輕心.

其實中原指數破123.66時，政府會再用乜野理由出招？

第一次曾特首出SSD，為打擊炒家。(雖然我唔支持出招，但以當時環境黎講政府出招打擊短期放賣，我覺得尚可接受。其實我心目中定義"摸貨"至算炒家，唔"摸貨"只可算投資行為。)

第二次梁特首SSD2、BSD、DSD，打擊的是「以私人名義首次購買自用"住宅"單位的香港永久居民」以外所有買家。

梁特首出既BSD及DSD我覺得係對地產業打擊最重，亦最不合理出招，以上註明「以私人名義首次購買自用"住宅"單位的香港永久居民」係因為呢次出招已經唔係為左制止炒賣及投資，連好多用家都成為打擊對像。全部以公司名買住宅物業人仕中BSD、全部買非住宅類物業人仕中DSD。

我同有D行外朋友傾過BSD及DSD，好多外行人真係唔知呢兩條款有幾不合理，有D仲駁我話正正常常買物業點會用公司名，用公司名都係炒家啦。聽到咁既答案我就覺得香港政府同傳媒呢次真係好成功，好成功咁將「以私人名義首次購買自用"住宅"單位的香港永久居民」以外全部人打做成妖魔化炒家。

我隨隨便便反問朋友一句：「李嘉誠咁大個集團，佢旗下咁多公司，如果有業務需要買員工宿舍比外地來駐港職員住，咁係唔係要李嘉誠用自己個名出黎買？如果用公司名買要比15%樓價BSD喎。都未計仲有個DSD。」

用李嘉誠做比喻係講大左，但呢個情況就正正發生係各間公司內，以前好多外國公司會買入物業作為香港駐當地員工宿舍，但而家政府就將佢地呢個正常商業行為視為"不該"，要用重稅去懲罰，當然除左買員工宿舍外，仲有好多理由需要用公司名去持有物業，但總之政府唔理乜野理由，全部一律懲罰。

論到DSD仲過份，先唔講住宅樓換樓。講講非住宅類別，現時總之你買工業、寫字樓、商舖、車位，唔理你買黎做乜，總之一律懲罰性收重稅DSD。

宏利金融用$45億買幢寫字樓做總部自用，比政府罰左$3.8億稅。花旗銀行用$54億買幢寫字樓做總部自用，比政府又罰$4.6億稅。唔通呢兩間國際大企業買幢寫字樓返黎炒賣？點解要比你政府罰幾億稅？外國無一個地方會唔歡迎跨國大企業於當地設總部，可帶動該區經濟，係香港政府咁特別，要用罰重稅呢個方法去表現自己唔歡迎人地黎。

好多不合理既野行內人會知，外行人未必知。DSD會罰全部買工商類物業既人，唔理你係教會、慈善機構定私人公司。只有一類別係唔罰，就係"政府及相關部門"，出左DSD後，"中聯辦"用億億聲買左兩層寫字樓自用，但完全唔需要比DSD。

政府而家定既市場規則就係「只許京官放火，不許百姓點燈」。你中聯辦買寫字樓就係自用，唔使比DSD。其他公司或慈善機構，我理得你出名到東華三院、紅十字會、保良局咁出名都好，買寫字樓就要罰你DSD。

樓價不但跑輸通脹，而且貶了值，有什麽了不起，低調點好。

所以希望樓價跌的人黑心抵撚死！

博士:

若果ccl回到未跌時，其實是升了。因為3d重稅令買家多付了起碼5%以上。

今天天朗氣清，萬里無雲。心情特別舒暢。一大早一個人獨自晨運確是一種享受，不喜歡晨運的人不會明白。

正低頭看著www.property.hk 博士最新的文章，ccl幾時回到未跌時。心中若有所思，也不知是喜，還是悲。突然一把似熟悉又清翠的聲音，叫了我一聲。我抬頭一望，「哇」地一聲，發夢也沒有想到，站在我面前的竟然是我整整22年未見過面 的一名地產女agent。桃花依舊，人面未非。如果沒記錯的話，我92年結識她的時候，她剛18歲。

除了用「靚」來形容她，我真的想不出第二個形容詞。

與她結緣於第一層樓的買入，我是她入行的第一個客，填臨約時，她還須旁人協助。老實說，買那層樓的原因，簡單不過，就是因為她人靚聲甜。我雖不是英雄，但我明白什麼叫「英雄自古難過美人關」。

「還好嗎?」我打開話匣。

「我重操故業，在xxx中原做」。真不愧為agent本色，句句不離本行，她雖答非所問，不過我理解。難道真的要告訴我好，還是不好嗎? 我的問題，似免人所難。

「我03年沒做agent，05年去英國定居，舊年回留，剛重回中原」。簡單數語，算是交代了她的過去。

我不知再說什麼，反正我之前跟她交往，也是不知所措，沒有什麼話題。對住靚女，我總是不知所謂。

她曾對我說過「你好好人，但好悶。做老公一流，做男朋友就不好」。

一眨眼，22年過去了。往事那堪回首???

「結婚了嗎?」她問。

「結過了」我答。

「有空再聊」。也沒有留下名片，也沒有留下電話。她已問我道別。

望著她遠去的身影，我懷疑是否我的答案傷害了她。

那又如何? 有時錯過了就是錯過了。

買不買樓，不也是如此嗎?

如果楼价下跌，温和而需要住屋的港人会觉得无需要急于推东北计划。CY又点样推行东北计划。

相反楼价上升，对那些温和而需要住屋的港人，会有好大的压力，昨天最后那些饭民根本就是做戏，其实是放生发展东北。因为如果在发展下去，一定会令这些温和而需要住屋的港人投向建制派。

博士，唔應該話班房屋官員，佢地都係聽大佬指揮啫。應該話等梁振英得閒番些少果陣你班友仔就死，升得咁過癮吖嗱。

博士，唔應該話班房屋官員，佢地都係聽大佬指揮啫。應該話等梁振英得閒番些少果陣你班友仔就死，升得咁過癮吖嗱。