|
21.
剛上車的人 |
| 2014-06-25 19:17 |
|
其實樓價會升會跌,我也不介意跌下,我只有自用夠我一家住的單位一個,樓價升跌我都唔會賣,所以樓價跌只會讓我心理不好受,跟本對我冇影響。
|
|
|
22.
有殻蝸牛 |
| 2014-06-25 19:46 |
|
21樓嘅哥仔，老實講，我都係自用唔會放，而且半力出擊真係跌我會買多間。香港6成私樓已供完，早幾年買落嘅超低息，如果投資嘅大部份positive cashflow，話小業主驚只係主觀願望。
|
|
|
|
19樓你點知我不勞而穫?咁武斷就批評人更加無恥,我地年輕人配合政府想樓價跌一啲,咁你都睇唔開? 政府明講樓價跌兩成,我只係希望多一成算溫和,你呢班小業主真係攞來講.
|
|
|
|
[很明顯，這次投票活動沒有法律基礎，性質就跟民調和遊行一樣，即便50萬市民在「7.1」出來大遊行，又能起到什麼作用？中央會讓步嗎？相信很困難，中央絕不會放棄香港的管治權，也不容許香港成為反共基地，這點香港人必須明白，投票和遊行過後，能改變多少就多少，在一國兩制的框架下，大家還是應尊重一個國家的主權。中國近年經濟發展迅速，國力強大引起某些西方國家眼紅，千方百計想挑起中港兩地的內部矛盾，港人不可不防。想改變中國，不如努力搞好本土經濟，改善基層民生，用實際行動影響中港兩地走向更加民主。]
|
|
|
25.
to 22/f |
| 2014-06-25 20:22 |
|
你真係識講笑跌3成層樓邊左唔駛錢?樓價同人均收入脫節跌3成好合理.政府2011不停同人講人樓已經好貴你話政府廢,之後個市冧負資產真係死有餘 辜!嗰班友嗰時夠膽出黎遊行我第一個幫政府做義功清場!
|
|
|
26.
有殻蝸牛 |
| 2014-06-25 20:40 |
|
我廿幾歲算唔算年輕人？個個社會都有人爭福利爭社會資源，但 係因為你用「我地年輕人」而唔係用「我望樓」做subject喎，我無權批評你？唔該唔好拖全部年輕人落水，好多人自食其力。 政府為左協助你呢類人喺短時間內買到樓，攪到政府半價賤賣土地資源俾發展商，市建局蝕錢、市區舊樓重建受阻、政府收入減少、相關行業受打擊，都只係跌左幾個%，你想香港納稅人貼幾錢俾你跌三成？你覺得自己唔係無恥唔係無骨氣唔係不勞而獲，咁平過百萬係你努力嘅結果、係你應得嘅？
|
|
|
27.
有殻蝸牛 |
| 2014-06-25 20:55 |
|
25/F，我睇唔明你個問題，不過我都無意思反駁，睇升睇跌無問題，我只係不滿有人夾硬話買私樓係民生必需品，屈晒年輕人個個想政府打壓樓市。不過我承認我語氣重左。
另外，樓價當然同人均收入脱節，如果唔係仲咩起公屋居屋？要考慮嘅係香港高收入嗰一半人同樓價嘅比例。
|
|
|
28.
有殻蝸牛 |
| 2014-06-25 21:11 |
|
23/F，咩叫「政府明講樓價跌兩成」，係政府警告樓價有下行風險，跌幅可能達兩成？定係政府打壓樓價協助小部份市民低價買樓？兩者無分別？
|
|
|
29.
有殻蝸牛 |
| 2014-06-25 21:21 |
|
引述18/F： 六四之後又係另一番天地,小業主唔好怕樓價跌,跌完會升番,冇問題,最多靜多兩三年啫,唔駛咁驚啦! 你唔俾樓價跌3成,好多人唔忿氣. -------------------------------------------- 我話某人無恥，係因為佢不單只不斷祈望經濟被破壞，依家仲望香港出現六四同類事件，為嘅只係區區買層樓。唔通真係好多人想香港咁先「忿氣」？
|
|
|
30.
to 27/f |
| 2014-06-25 21:29 |
|
你不滿係因為你係既得利益者,同你講得多都多餘,樓的確係民生必民生必需品如果想私樓係投資品唔該政府取消公屋入息審查.
樓係應該公平配給,有份推高樓市想資產升值而有利益既都應該拉晒去坐监!!
|
|
|
|
小業主其實根本就應該幫埋手推冧個市,跌3成當止賺,大吉利是到香港有大事發生跌9成嗰陣到時你就後悔
|
|
|
32.
有殻蝸牛 |
| 2014-06-25 22:00 |
|
我從來無喺樓市賺過一分一毫、畢業後自己努力工作搵錢買樓自住、盡快交還公屋俾有需要嘅人，咁都要俾人話係既得利益者。唔通只有要求政府半賣半送私樓俾佢嘅先唔係既得利益者？
|
|
|
33.
有殻蝸牛 |
| 2014-06-25 22:14 |
|
D人以民生理由要求打壓樓價只係講大話，如果唔係點解仲要求增加私樓供應壓低樓價(這個做法我100%支持)而唔係支持增加公營房屋比例？佢地只係以「住屋需要」為理由解決佢地呢人嘅「置業需要」。正如有人以教育需要為理由爭取遊學團。
|
|
|
34.
蜕变中嘅懒人 |
| 2014-06-25 22:29 |
|
TO 有殼蝸牛兄 懶人睇咗兄台咁多段貼文，覺得兄台真係一個思想正面，有禮貌，有理想，充滿正能量嘅年青人，令人覺得好鼓舞，兄台，請相信好運一定會伴隨像你咁勤力嘅年青人，只要做啱自己要做嘅事，旁人點諗無須介懷，懶人與兄台共勉。
|
|
|
35.
剛上車的人 |
| 2014-06-25 22:50 |
|
有殻蝸牛哥 我是剛上車,但我其實是一炮過的,我同你有一樣嘅想法等佢跌再嚟多件。我也只想望樓兄知道,有樓不一定怕樓價跌吧了。^_^
|
|
|
|
有時都不必咁計較,有樓者唔明冇樓者嘅心情,成日說教式講風涼話冇用嘅,只會令矛盾愈來愈深. 樓價跌兩成政府已講過很多次,黃遠輝代理誰呀?咁都唔知,我認為樓價跌係大眾共識,投資者要有廣闊胸懷!
|
|
|
|
將心比已,眼見樓價不斷上升,未上車者嘅心情難免坐立不安. 本人點解叫望樓,就係因為盼望樓房,希望盡快上車買樓,望穿秋水呀!咁都十分正常吧!
|
|
|
38.
有殻蝸牛 |
| 2014-06-26 02:09 |
|
謝謝懶人前輩。
其實我同某人嘅爭執源於我見佢暫時未上到車發悔氣，同時有網友回應佢鬧晒「現在的年輕人」，我作為過來人多事叫佢試下自己瞭解市況無謂完全信晒個別官員／專家嘅舊言論，同時勸佢調整下心態.......其實我真係太激動，因為我真係既得利者，我得嘅利益係公屋同免費大學，所以我唱好香港推高香港嘅價值。
其實好多人誤會左，基層出生嘅人好少憎中產同有錢人，佢地只係想成為其中一份子，通常佢地比較憎呃綜緩搶福利爭資源嘅衰人，因為佢地令到真正有需要嘅人被歧視、資源也被攤分。正如政府提高居屋白表比例同推白居二回應某些人嘅需要，忘記居屋除協助市民置業往上流外，更重要嘅係希望公屋居民交還公屋讓俾有需要嘅人。
我唔會介意佢地嘅説話，反正佢地從來無正面反駁我任何觀點。而且佢地嘅説話我好多時都唔明，正如我唔知道黃遠輝「代理」係邊位高人。
|
|
|
39.
有殻蝸牛 |
| 2014-06-26 08:04 |
|
剛上車嘅大哥，我都有個朋友舊年full paid買左黃埔花園，應該唔係你啩？
我過去一年內上車嘅朋友平均借五成，全部等緊跌兩成執多間，等跌三成？係我就等跌19%撲入去。
係喎，八掛問下，點解full paid咁保守？依家H按1.9厘，用埋mortgage link扣埋税實收0.627厘，搵個1.254厘定期做都零成本hold住一大筆流動資金啦。
|
|
|
40.
蜕变中嘅懒人 |
| 2014-06-26 09:11 |
|
回38有殼蝸牛兄 懶人好欣賞兄台正面嘅思想同做法，人處於困境须被扶一把，衝出困境後，有能力嘅就岀力扶助困境者一把，係奮鬥型草根階層嘅典範。 只差2成樓價就可以上到車，正面思想嘅人諗法係努力增值自己，令自己賺多2成樓價嘅首期上車；而負面思想嘅人諗法係非常被動，希望政府岀手打压、或岀现動乱、或希望經濟变壞.......而妄想可以上到車，但又唔識諗，到時環境咁差會令自己連最現時擁有、最基本上車嘅能力都無埋，例如失業、減薪.......等。 運氣平均而言人人平等，反平均睇法係：正面者運氣好、負面者運氣差。懶人同兄台同係正面者，繼續努力，繼續行好運。
|
|
App下載
