地產論壇
登入名稱
密碼
頁數:
自己買樓,何需理會誠哥賣唔賣樓
瀏覽人次:47545    回應:64
自己買樓,何需理會誠哥賣唔賣樓
 
湯文亮博士
紀惠集團行政總裁
2014年5月29日

  當環宇海灣開賣的時候,有有心人打電話給我,誠哥賣樓,樓市必冧,叫我應及早準備,最好賣走一些物業,免樓市大跌,而我又負債太重,經濟會出現問題,言語之間,有多少幸災樂禍的聲調,我本來極不想得罪人,但見來者不善,唯有說,閣下在2003年的時候已經叫我賣樓,到今日仍然叫我賣,如果我一早相信你,你知我損失多少,不過,閣下又的確身體力行,十多年始終唔肯買樓,至今仍然要租樓住,而且,閣下已年過半百,他日業主收樓,閣下又要搬屋,唔知道其他人有怎樣的想法,那位有心人不知道是否給我講中要害,道別也沒有就收線。

  誠哥言行舉止,當然惹人關注,誠哥唔賣樓,有人說誠哥睇樓市唔好,所以唔賣樓,誠哥賣樓,就會有人說,誠哥睇唔好樓市,所以賣樓,李嘉誠無論怎樣做,都有人話誠哥對樓市沒有信心,亦即是說,香港樓價將會下跌,我覺得,誠哥是地產商,買地,起樓,賣樓是天公地道的事,就算明知道香港前景不佳,都一樣會做,否則,就會有人說誠哥只會搵香港人著數,其實,誠哥賣唔賣樓,與閣下買唔買樓又有什麼關係,香港又不是只得誠哥一個地產商。

  其實,誠哥在過去已經俾過不少貼士給大家,他曾經說,有閒錢可以買樓,當然有人深信,但亦有人認為誠哥給的是山埃,雖然有閒錢,情願買ELN,雷曼迷你等,結果我唔再講。誠哥曾經說過,買樓要量力而為,自住樓就可以買,點知道,唔講仲好,有人認為這是促銷言論,竟然將自己的自住物業也賣走,其實,一個有份量的人講說話,點會放假消息,但李嘉誠始終是地產商,點可能開宗明義叫市民唔好買樓,不過,最離譜的是有人曾經說過,如果誠哥不是叫人有閒錢可以買樓,他就不會將那些閒錢買金融產品,一早就會買樓,真的是,欲加之罪,何患無辭。

  買樓根本上是個人行為,毋需理會誠哥或者任何地產商賣唔賣樓,或者揣測他們點解要賣樓,市儈一些說,計掂自己條數便可以,如果連地產商條數都要計埋,我會以很不幸的態度對他們說:閣下,你永遠不用買樓。

自己買樓,何需理會誠哥賣唔賣樓
1. 睇得通
2014-05-29 09:34

自己買樓,何需理會誠哥賣唔賣樓???

香港叻仔多???會錯意???搞到唔敢買樓, 以往在香港買樓之人士經常給人嘲笑是傻仔行為???要給地稅/地價/差餉/管理費/供樓銀行利息支出一大筆!!!開支大一生人被困綁..........

2. 亮劍
2014-05-29 09:43

我亮劍 2014-03-26 13:07:42 係咁寫

唔係只識救火,財赤咪就係要賣地幫補吓囉---------

你估政府土地庫有十万九仟七,幾百万公里未開頭?仲有你政府可否迫 MTR將大圍地以AV兩仟大元推出來『大』地產商先?又可否將白石角嗰六兄弟,斬到唔使 3K晒冷?講就天下無敵!但你咁攪法唔俾傳媒、垃圾會同小市民插到反肚就有鬼!

我亮劍寫於2014 5 29 ---唔知CY 同矛波係咪有追博士文章,拒哋真係同你做到白石角地 3,300 一呎呀!

以信和為首的財團,喺 09 12 月夾埋用咗過百億投咗白石角 D1+2 地盆,均呎高達 7 K 以上,呢口價絕對高到利物浦,但點解信和佢哋會咁勇呢?

可能信和黃生「以為」:-

當時附近科研及科進路嘅空置地皮,在可見的將來會用來起科技園,呢D1+2

第二時呢D樓可賣俾同胞。

但年幾前政府話要起多 D 樓,就咁將科研及科進路嘅空置地皮,全都劃作興建私樓,咁攪首先會引致同區供應大增,其次同區已成交的土地及樓宇之價值會被稀釋,最後預咗科技園嘅客仔會失蹤-----請問咁攪法是否君子所為?

如果信和在 09 年尾早知同區土地將会源源不斷地推出,咁究竟黄生會否每呎出到 7 K多去拍地?

最近長江賣鯇鱼,樓書無同步公佈附近有骨灰龕場,都惨被圍剿!

呢鑊信和就咁交咗幾拾億學費,真係死不瞑目!

如我係黃生,今日一定揾律師-------

3. 長線投資者
2014-05-29 10:08
任何投資都要睇風險承受能力, 若有做槓桿, 更加要睇防守能力, 我暫時負債比率是50%, 可承受價格下行也是50%. 所以我真係睇長線, 短期炒賣就唔啱我了.
4. 中女社社長
2014-05-29 10:21
發展商建樓的天職就是賣樓, 真不明白為何發展商賣樓就代表樓價將跌...此等謬論已經聽了不少年, 到現時竟然還有人說!
5. 路人
2014-05-29 10:52
成哥係天下第一蠢人,過去幾十年不停賣樓,由幾萬銀一間嘅樓開始賣,如果通通唔賣,而家資產總值味多幾十倍甚至幾百倍囉!
6. 惜緣
2014-05-29 10:55
To 3/F 長線投資者,
我的總負債比率是37%, 亦即是如果樓價下跌63%的話, 我仍未是負資產, 印象中1997-2003年的樓價跌了六成幾需要6-7年的時間, 所以我們不用杞天憂人, 樂觀些.
7. 順民
2014-05-29 10:57

但試把一紙好文章﹐從頭讀。

 

的而且確﹐在下看完了博士今天的這篇文章﹐再從頭翻看一次﹐最正確在尾段。

不錯﹐個人買樓只不過區區三幾百萬投資﹐買得起同時認為有價值的就買。為何連地產商條數都要計埋

 

8. HK
2014-05-29 11:37
2樓所講的我相信就是李十成所擔心的事。政策市,朝令席改。估你唔到!


9. 起樓工廠
2014-05-29 11:51

曾幾何時小小超講過長實就好似一間起樓的工廠.

事實上長實好價又賣, 不好價亦賣, 仲次次都要做到一Q清袋咁滯. 年年都賣樓 ==> 年年都不看好樓市?

長實同和黃都是真真正正做大生意的, 業務非常多元化和國際化. 2013年賣樓收入只有20億, 今年目標是300億(單是香港) ? 賣樓收益相對集團每年幾千億生意額是否"命脈"所在 ?

因此, 用長實是否賣樓和買地去評估後市, 未必準確. 他們唔玩, 主因是看不清這政策和政治市. 橫豎有其他生意且回報率不錯, 那就不一定玩地產了, 更省得日日被人政治針對和"嫁禍".

長實賣完鳳園、康城3期及環宇, 除了荃灣西另一地盤, 還有其他中大型項目嗎?

 

10. 亮劍
2014-05-29 12:01

第一太平戴維斯估值及專業顧問有限公司董事總經理陳超國話--------

 

發展商現時開售新盤已經十分克制,由數年前的善價而沽,變成今天但求多銷。近日荃灣一個新盤,折實後實用面積呎價約9,00010,000元,如果這地盤今天推出招標,讓筆者嘗試計算其地價。

假設樓盤實用率八成,建築面積平均呎價約7,600元,扣除百分之二十發展商利潤,若建築費為較經濟的每呎3,500元,再加利息、專業人士費用及其他雜項開支每呎500元,剩餘可支付地價的金額僅為每呎2,300。這個樓面地價僅以現時的樓花呎價及建築費計算,若發展商看淡後市,或估計建築費持續上升,或會以更低呎價落標--------------------

 

一條簡單問題:-如果一个 MTR沿線、有少少海景、往返核心商業區的通勤時間都只係半小時的大型發展項目,折實後實用面積呎價都只係要你約9,00010,000元,咁請問一个無 MTR直達、無乜景而返工放工又要成個钟嘅中小型發展項目,索價應是多少??

千零銀是否合理先??

如果荃灣西鉄物业剩餘可支付地價的金額僅為每呎2,300元,咁大西北發展項目應計地價係多少?

咪一千都無囉!!!

呢度可能連開拓土地嘅成本都不能收回-----------

 

11. 70後
2014-05-29 12:39
回2

黃生同買咗白石角一,二期嘅小业主都被呢个無能政府玩死啦!應集體告政府取回公道
12. 隨機應變
2014-05-29 12:50
亮劍兄所言確有道理,小弟愚昧有些少問題不是太明白,香港應該係自由經濟市場?
咁當發展商對後市有所保留,政府又未能搵到足夠土地大量興建公屋,整體動工量下降,建筑人工同建築材料價格自然因為供需關係而下降,就算地價不能再平,計埋發展商合理利潤
之後建成樓面的呎價還是有機會再平D。當然小弟所做既假設係需要時間等個市場價格反應出來。
值得關注既係,係3d辣招效應下,長期鎖住大部分二手盤源,而後市供應出現短暫性断層樓價係升定跌就要睇市場既剛性需求到底有幾大,小弟睇好細價盤既原因亦都因為市場短時間内恐怕難有新盤會做到300W樓下細兩房單位,而二手細價盤係荃灣區 (恕小弟僅以荃灣區做為比較叁數)可以話買少見少,唔好話鎖匙盤,加埋連租約同低質素既盤,斷估唔會超過50個。
13. 山高雲低
2014-05-29 13:08
顺民兄,博士之文真的不宜走馬看花,水過鴨背。而是要用心去體會。睇一次不夠,有時要睇2次3次。我只能說,睇博士文章是一種享受。
還有更可贵的是,當你重温博士舊文時,偶然又會看到自已昔日的回應。你會驚觉,原來自己已經不知不覺間,成熟了好多。衷心講声,多謝博士無私的教導。
14. 笑看人生
2014-05-29 14:04
2009年初同很多人一樣賣了自住樓等下跌後再回購, 但是之後事於願違樓價一路上升, 思想斗爭1年之後在電視上看見李嘉誠話有閒錢可以買樓, 所以聽李嘉誠的話再度上車, 衷心感激李嘉誠.
15. 亮劍
2014-05-29 14:35

之後建成樓面的呎價還是有機會再平D--------???

首先請問你知唔知點解香港最近常有大型基建項目超時及超支新聞?

企業管理中有一個被熟知的“木桶理論”,就是指的是企業能力的整體水平,是取決於企業各項具體能力中最弱的一項,就像一隻木桶,裝水的容量最多只能達到所有擋板中最短的擋板的高度。

我成家男丁都撈過地盆,本人知做一單工程,以下技術工人大部分係唔少得嘅,包括管工、拆卸、清拆石棉、岩土勘探、撞擊式樁及鑽孔樁機械設備操作員、結構鋼架、平水、地渠、吊桿、夾吊、吊、索具、鋼筋屈紮、釘板、敷喉、焊接、混凝土、扎棚、水电、批盪、砌磚、鋪瓦、木工、鋪砌雲石、砌石、鋪地磚、噴漿、瀝青、窗框、玻璃、裝幕牆、鋪地板、裝門、髹漆、裝飾同操作及修理建造機械技工等。

如做隧道工程更要加上-----鑽破、灌漿、拱塊、安裝機車技工同埋鑽挖機及鑽孔機操作員等。

而中高層的工程策劃、監督統籌、各項工序的認可人仕,亦唔少得!

上述求求其其缺一範人,你就算其他各色各樣技術人員準備好,亦會嚴重打亂你成個建築進度表。

講到呢度我前日睇見新聞報導話,有機構出到万叁蚊人工,想話請倉務員百多人,但最後只得幾丁友去見,原因就係班大帝話呢份工無冷气嘆喎!

老實講在地盆的工作環境,只會比做倉務員更惡劣,日晒雨淋的生活,有多少人可捱倒?

你想輸入勞工?我想問閒姐同人哥會「笑夠你」喎!

咁各色各樣嘅建築业工种,唔輪流或長期性短板真的有鬼,如建築費用升幅能控制喺合理水平,已要三呼萬歲,仲奢望有得減 D 添?

16. To 15
2014-05-29 16:34
所以果啲話自己就孽不足呀, 白攞公援呀, 或覺得退休係浪費左佢一身好身手嘅貢丸呀, 實在有好多地方俾佢地一展所長的.
17. 亮劍
2014-05-29 16:40

4個月花紅 留不住中層工程師

基建愈來愈多 技術工人也缺萬人

本港不少行業「請人難」,隨着基建工程愈來愈多,香港工程師學會指,技術工人缺1萬人,同時工程師流失率高,有中小型承建商曾用4個月花紅,也留不住一位中層工程師。

18. Alan Pepper
2014-05-29 17:58
No matter what Mr. Li say, someone will interpret his words into what that person wants to hear. This is just simple human behavior. 

A wise man once taught me, even God (or Buddha, or Allah, depending on your religion) cannot persuade all men to do as God will. Who do we think we (property owners and developers) are? We are wasting our breath, and will only be ridiculed and labeled as money hungry thieves who are afraid to suffer losses from the plummet of property markets. 

Surely everyone is entitled to their opinion, and only God knows whether property prices will rise or fall. But they will not understand we are only encouraging prospective home owners who CAN afford their own homes to buy their first property. And encouraging investors who has spare cash to use property as an option of investment. I don't think anyone here now encourages the speculation, or gambling on property prices. This ultimately creates a more stable economy and property market. Isn't this what people what? Well no, people who suffer losses by selling their property or not buying property want us to suffer too! This is their mentality. They do not understand the hardship we have endured, and the hard work we have put in through the past 15+ years. They only see the fruitful results we have acquired today. These are extremely self centered individuals who wish they can gain on someone else's losses, without putting through hard work and hardship.

Well then, after this rumbling, I wish everyone safe, healthy, good work, and good luck to everyone here to at least buy their first home.
19. 笑看人生
2014-05-29 18:01
多謝山高雲低兄!
20. 山高雲低
2014-05-29 18:01
笑看人生足,
 讚。 
人生好似一齣戲。能回頭是岸,覺今是而昨非。當机立断,是你的造化。
頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。